ZEREMI 27:9 - Bible en langue guiziga

⁹ Mijiviɗ kumoy ati mipidaˀas kumoy, musuwun kumoy ti duvuɗ, migi cekenehey ati migi ketele kumoyo, taŋ ara ɓukum siɓaŋ siɓaŋ, ko kum anta sa gam beke ngi buy madiɗa ngi Babiloŋ ta. Amma na, kumo ki tiɓaka mi taŋ ta.

ZEREMI 27:9 ပူးပေါင်းရင်းမြစ်များ

BI NGI ISRAYELEY 22:18

Mbur mihin ti gwat misãmi le na, sey a kiɗaka vagay.

BI NGI ISRAYELEY 7:11

Amma buy Ezipte kwana, a zilo misi sinmijileŋhey ati misi keteleheye, joˀ misi ketele ngi hirwuy Ezipte tayna, a gam gwat misi purla ti ketele taŋ tuwa ya.

MIKUCUWULOY 19:27

Mangal ɗu, da ki sli himaˀ le ngi cine ngilawuyo na, naɓa i ngi bi paɗ avra avu ɓi ngi sine.

EZAYI 8:19

Yo mizli mekelemey a ɓam: «A ram ng'avu mupura daˀasay masisikam ˀay, yo maɓam ti mi yaŋ yaŋ, ar gwat masa gi tumbuŋ. Mizli ada puraka kuli taŋhaya ta kwa? Yo ada puram mulvuŋhoy vur mizli misi ti siifahaya takwa?» Da ara ɓukum kanah,

ZEREMI 14:14

Bumbulvuŋ tuwa, a mbiɗiy di: «Ɓi mijiviɗey minjikaka ti slimiɗ ɗu na, naŋ jeŋ ta. Ko yi slina taŋ ta, yi ɓa taŋ ɓi ɗaˀ le ta, yi ɓa taŋ ta si. Pur taŋ ti kleŋ na, i jeŋŋe ta, i hiziga njol, i li mawucuɗ lambaˀ ka yam kileŋ a mbuŋ taŋ, i cikil ngi kiɗa may taŋ, ɓi taŋ manjikaka, i nah so!»

ZEREMI 23:16

Bumbulvuŋ misi gidaŋ wãˀ a ɓi na: «Ki jikam slimiɗ asi mingiɓi ngi mijiviɗey manjukukum ɓihey na ta, a gukum gilaw ti ɓi ngi njaha hiri lambaˀ kine, ɓi taŋ matilam di mi na, i ɓi taŋ mulumaka ar wuluk taŋ tewle, i ɓi mubo baɗ ti balam Bumbulvuŋ ta.

ZEREMI 23:25

Mijiviɗey maɓam ɓi, taŋ manjikam ɓi mijeŋ ta ti slimiɗ ɗu na, i ra cina, a ɓam: «I musuwun na! I musuwun na!»

ZEREMI 23:32

I wuɗ i diɗ vu plak avu mijiviɗey mamusuwunam i musuwun mijeŋ ta na. I ya Bumbulvuŋ maɓi. A slufaka musuwun taŋhay mijeŋ jeŋ ta, yo mapulam gir ta tayna, a zizaka mizli ɗuwoyo. I ya mislina taŋ ta, yo i ya mupula taŋ jiviɗ naŋ ta ngbaŋ. Ko gwat taŋ magam ngi pula gir da mizli ɗuwoy tayna anta neˀ le ta I ya Bumbulvuŋ maɓi.

ZEREMI 29:8

«Haˀaw, ya Bumbulvuŋ misi gidaŋ wãˀ, Buymisemuŋ ngi Israyel i ɓi na: ‹Mijiviɗey misi a wuzla kum waɗ mupura daˀasay na, ki pulaka taŋ vu kumo, ɓa a tikinukum ta. Ki kam slimiɗ ar kum, taŋ mambuɗukum pulaˀvra naŋ ta.

EZEKIYEL 21:29

Vurˀe, ya Bumbulvuŋ, Buymisemuŋ i ɓi na: ‹Ani mungra madiɗa kum magaka na, ki ra gaka ɓa a puyukiy hirnga ta, asi ki ra bigaka slikiɗa ɓi kumo njoy wãˀ, yo mungra kumoy ara puram ɓaˀ ɓaˀ ar li babara ar gwat ngi gi kumoy gar. Yo asi ɓi kum mapuyukiy hirnga ta tuwa na, a sa jukum tap tap ti haŋ.

DANIYEL 4:7

Ti ya mutup ar li hin ɗu na, gwat ya mupura ti kleŋ ani: widis a bo kaˀ a wuzla ruwuy, a gil jek haɗa.

MISE 3:7

Mizli mupuroyo a sa pam mesem, mipi daˀasaya, a sa gam welele. Taŋ gar taŋ, a sa ɗumoko mihiri taŋ, asi Buymisemuŋ anta zila taŋ mi mata.

ZAKARI 10:2

Asi mike na, kulihey, kum macufuɗaka taŋ na, a njukukum di i ɓi ngi slir lambaˀa, yo mihiziga njoloyo, gwat taŋ mapuraka na, i sir lambaˀ kine, taŋ mamusuwunam ti duvuɗ gar na, ɓi mikaslsla anta ara loŋ le ta. Vurˀe, mizli a ram digi lambaˀ kaɓa ginew mitaˀ gezleŋ, asi mijigin midar anta.

MALASI 3:5

I sa so a wuzla kumo ngi gukum kiita kumoyo. Mizli misi cucukoy ati migi madamahay, muhudum ti slirey ati muzuma migir ngi migi slrahay, ngi ngwas wudiga ati mutuhuhoy, muguzuvura moholoyoy, yo taŋ mazluwunam ti ya ta gar na, yi sa mbiɗa taŋ hirnga kutumo si. I ya Bumbulvuŋ misi gidaŋ wãˀ maɓi.»

SLRA 8:11

Taŋ muvulakaŋ vu taŋ taˀ wãˀ vuna na, asi ara zuma taŋ hirnga diga zlezle ti ketele, naŋ maga taŋ na.

EFESEY 5:6

Anja mbur a gukum gilaw ti ɓi malambaˀhay ta. Buymisemuŋ mazuɓ himaˀ ar mizli macinakaŋ mi ta na, aseˀeŋ.

Slu cuw 13:2

Moyis a ɓi: Da kaɓa ani: mijiviɗ malla mbur misi kleŋ, a so deŋ a wuzla kumo, a ɓukum ɓi ngi gwat ngi zuma hirnga malla gwat mabigi gwat mekelem.

Slu cuw 18:14

Sukwi ngi mizli kum masa ɓulaka taŋ na, a cinam mi da misi ketelehey ati mupura daˀasay. Bumbulvuŋ Buymisemuŋ kum, a tikukum le ngi gi gwat misi kahana.

ZOZUWE 13:22

Balaˀam, mangal ngi Beˀor, mbur mihiziga njolo, mizli Israyeley mikiɗaka mizli ti malslalam na, naɓa naŋ da a wuzla taŋ ya.

ƁIMUNJUYO 18:23

Anta sa puram lampe njahha a hay ɗike mata. Anta sa cinam ˀay ngi gawla ati ngwas naŋ nga hay ɗike mata. Asi migi terere ɗikeye, i mizli migidaŋ ngi si ruwuyoy. Ani ki tikina mizli ngi si ruwuyoyo le gar ti sin ngi gi cekene ɗik na.

ƁIMUNJUYO 21:8

Amma muzluwunoy, mizli miteŋteŋhey ta, mizli magam lambaˀ lambaˀ, mikiɗa hirngahay, migi madamahay, mizli misi ti sin ngi gi cekenehey ati madilkam a mbuŋ kulihey, waɗ migi slirey gar na, a sa lumam li cifi taŋ angi mubuliy ngi vu, waɗ ngi baruudu. Nah na, i muc mucuw naŋ.»

ƁIMUNJUYO 22:15

Amma mizli migi lambaˀhay ati misi ti sin ngi gi cekenehey, migi madamahay ati mikiɗa hirngahay, mihuruk huruk a mbuŋ kulihey, waɗ ko wa gar mawuɗ ɓi ngi slir malla magi slir na, a ndiram a duba gala.

ƁIMUNJUYO 9:21

Taŋ makiɗam hirnga, taŋ magam sin ngi gi cekenehey, taŋ magam madama ati taŋ mahulom gar na, ko t'anta zilam marava aseˀe ta.