ZEREMI 27:4 - Bible en langue guiziga

⁴ Ki sa ɓa taŋ na, Bumbulvuŋ misi gidaŋ wãˀ, Buymisemuŋ ngi Israyele, ɓi naŋ muɓukum di ɗaˀ le, ɓa ki ra ɓaka da buy kumoy na, ani:

ZEREMI 27:4 ပူးပေါင်းရင်းမြစ်များ

BI NGI ISRAYELEY 5:1

A dirba nah, Moyis ati Aroŋ a soko, a ɓaka buy madiɗa ngi Ezipte na: «Bumbulvuŋ Buymisemuŋ ngi Israyel a ɓi na: pula mizli ɗuwoy a ram, nga wuzla ɓuh mikirɗak kirɗaka, ɓa ara gikiy muguzlum ngi ɗuviy hirnga.»

ZEREMI 10:10

Amma Bumbulvuŋ Buymisemuŋ mikaslsla, i Buymisemuŋ misi ti siifa, buy madiɗa hã ngi sete. Da naŋ miji mevel le na, hirwuy a jijik ngbir ngbir, yo sukwi ngi mizli anta ɓusaka himaˀ naŋ na gu ta.

ZEREMI 10:16

Buymisemuŋ, i zlili ngi Israyel, naŋ na, naŋ kanah ta, miga gwatay gar i naŋ, yo sukwi Israyele i mi nga naŋ. Bumbulvuŋ misi gidaŋ wãˀa, i slimiɗ naŋ.

ZEREMI 25:27

Ki sa ɓa taŋ: «Bumbulvuŋ misi gidaŋ wãˀ, Buymisemuŋ ngi Israyele, a ɓi na: Saka mbaazla hana, wam di ɓaˀ ɓaˀ, vunaham, ti kum masa puraka ya masa co kpis ti maslalam a wuzla kum na, kisa ndilam kros kros, manja ki slikiɗam.»

ZEREMI 27:3

Yo kisa slin taŋ gawla ngi buyoy mikisoko nga Zeruzalem, avu Sedekiyas buy Zuda na, ɓa a ram taŋ da buy taŋhaya: buy ngi Edom, ngi Moˀap, buy ngi dideˀ ngi mizli Amoŋhoy, buy ngi Tir waɗ da buy Sidoŋ.

ZEREMI 27:5

«Miga muŋ ati hirwuy i ya, waɗ mizli titirahay ati ginew ngi si ruwuyoyo, i ya miga taŋ ti gidaŋ ɗu mihaɗa waɗ ti gidaŋ ɗu mupusak haŋ ngi wi mizli. I vula ko da waka gar ya mupura le kuy.

ZEREMI 28:14

Asi mike na, Bumbulvuŋ misi gidaŋ wãˀ, Buymisemuŋ ngi Israyele, a ɓi na: ‹Ɓa sukwi ngi mizli gar a gam gawla ngi Nabukodonozor, buy madiɗa ngi Babiloŋ na, sey i luwa taŋ asi ˀaya i galalaŋ ngi ɓiri. A sa gam gawla naŋ, ko gwat misãmi ngi ɓuhoy kwana, i vula taŋ le asi haŋ naŋ.›»

ZEREMI 51:19

Amma naŋ lum ngi Israyele, yo naŋ migi gwat gara, naŋ ka taŋ na ta. Israyele kwana, i sukwi ngi si ruwuy naŋ, Bumbulvuŋ misi gidaŋ wãˀa, i slimiɗ naŋ!