ZEREMI 27:3 - Bible en langue guiziga

³ Yo kisa slin taŋ gawla ngi buyoy mikisoko nga Zeruzalem, avu Sedekiyas buy Zuda na, ɓa a ram taŋ da buy taŋhaya: buy ngi Edom, ngi Moˀap, buy ngi dideˀ ngi mizli Amoŋhoy, buy ngi Tir waɗ da buy Sidoŋ.

ZEREMI 27:3 ပူးပေါင်းရင်းမြစ်များ

ƁI NGI HINEY MUCUW NAŊ 36:13

Nabukodonozor muhudumoŋ ti slimiɗ ngi Bumbulvuŋ tuwa ma na, a sli himaˀ, hirnga gidaŋ, mbak mo ng'avu Bumbulvuŋ Buymisemuŋ ngi Israyele jak ma.

EZAYI 23:4

Sidoŋ, walahay muguno le ti mohol ngir mubuliy, mesem takwa! Mubiliy a zla a ɓi: «Kwacay a jiy ngi yi ta, i yi ta, i gil gawlahay ta, i gil diilihey ta.»

ZEREMI 27:12

Sedekiyas, buy Zuda, ya Zeremi tuwa i ɓaŋ ɓi misi purla misi ani na: «Ka ati mizli ɗikeye, luwaka galalaŋ ngi buy madiɗa ngi Babiloŋ asi ˀay kumo, gam gawla naŋhay waɗ ngi mizli naŋhaya ma, ɓa kisa ndiram ti siifa.

ZEREMI 27:4

Ki sa ɓa taŋ na, Bumbulvuŋ misi gidaŋ wãˀ, Buymisemuŋ ngi Israyele, ɓi naŋ muɓukum di ɗaˀ le, ɓa ki ra ɓaka da buy kumoy na, ani:

ZEREMI 28:1

Arvi nah na, angi zli virzi ngi zumabuy ngi Sedekiyas, buy Zuda, kiya muzlum ngi vi mumufaɗ naŋ na, mijiviɗ Hananiya mangal ngi Azur, mbur miya cak a Gabaˀoŋ, a ɓiy ya ar hay ngi Bumbulvuŋ, a mihiri masayay ati mizli gara:

EZEKIYEL 29:18

«Ka mburu, Nabukodonozor, buy madiɗa ngi Babiloŋ, a tika ˀay le haɗa da soje naŋhaya, ɓa ara lumaka hirwuy Tire. Mbak soje naŋhaya gar na, hirnga ndoho ndoho, yo jeˀereye pulot pulot. Slra naŋ miga nga luuma hirwuy Tir na, ko a lum di migir neˀ da naŋ ta, da soje naŋhay ta ma.

AMOS 1:9

Bumbulvuŋ a ɓi ani: «I ra mbiɗa hirnga da mizli Fenisi ngi Tirey, asi a gam mungra madiɗahay le haɗa, wãˀ naŋ asi hana: Taŋ i mizli Israyeley mupurla ngbaŋ, ko a kam slimiɗ neˀ le kaɓa i sukum taŋhaya ta. A fucaka mizli ngir walahaya taˀ gar fec fec nga Edom. Vurˀe, y'anta sa pula ɓi ɗu ya mujuwa a mevel ɗu ngi gi na teˀ mata.