ZEREMI 25:4 - Bible en langue guiziga

⁴ Bumbulvuŋ a pula slinukum gawla naŋ mijiviɗeye mbak le ta. Amma ko ki cinam ta, ki jikaka slimiɗe ngi cine ɓi naŋ ta.

ZEREMI 25:4 ပူးပေါင်းရင်းမြစ်များ

ƁI NGI HINEY MUCUW NAŊ 24:19

A dirba nah, Buymisemuŋ a slin mijiviɗey ng'avi taŋ, ɓa a vulaka taŋ gidaŋ, ɓa a moko ng'avu Bumbulvuŋ, amma ko a kam slimiɗ ta.

ƁI NGI HINEY MUCUW NAŊ 33:10

Bumbulvuŋ a ɓa Manase ati mizli naŋhaya, amma ko a jam lesl ta.

ZEREMI 16:12

Na kumo ma na, gaɗay gaɗay le wãˀ ar dideˀ kumoyo ma: Mbur gar na, naŋ da hirdam hirdam ar cin ta naŋ malambaˀ wãˀ na, ko anta ciniy di ta.

ZEREMI 17:23

Amma taŋ a tiɓaka mingiɓi ɗu ta, a jikaka slimiɗ aseˀe ta, a tiram hirnga gidaŋ, ɓi ya miɓa taŋ di ɗaˀ ɗaˀ le na, ko a ngumam cinaka ta, a ngumam tiɓaka ta.

ZEREMI 18:12

Amma taŋ a sa ɓam: «A ca ndra ta! I sa gam ngi ndra i gwat ndra mihinam di a kwacay ndra na si, yo mbur gar a sa cici kaŋ kaŋ ar cin ta naŋ malambaˀ wãˀ na.»

ZEREMI 19:15

«Bumbulvuŋ misi gidaŋ wãˀ, Buymisemuŋ ngi Israyele, a ɓi na: Bonoy ngi gihey mimbizeˀ mbizeˀ a kwacay ɗu gar na, i sa ga taŋ angi walahay hana, asi a gaka hirnga taŋ gidaŋ, yo a ngumam cine mingiɓi ɗu ta.

ZEREMI 22:21

Ti ka muro zleˀe ko zluwun anta na, i ɓuw le, ki mbiɗiy di: ‹I wuɗ cin ɓi neˀ ta.› Gwat ka mugo di diga ti zuŋ na, i nah, ko ki ciniy mi ɗaˀ ta ndiɗaˀ!

ZEREMI 25:3

«Diga vi kuruˀ nga makir ngi Zoziyas, mangal ngi Amoŋ mazum buy a ruwuy Zuda hã wurenna, a mbiɗeˀvra vi kukur cuw nga makir na, Bumbulvuŋ a ɓiy mingiɓi naŋ le da ya, ya kwana, i ra ɓukum di, ko mbak le anta, amma ko ki cinikiy di ta.

ZEREMI 25:7

Amma gar ti nah kwana, ko ki cinam ta. Na jak ma na, ki slikiɗikiy mevel le ti gwat ngi gi kum maso ti bonoy nga hirnga kum na. I ya Bumbulvuŋ maɓi.

ZEREMI 26:5

gawla mijiviɗ ɗuwoy, ya maslinukum taŋ mbak le ta na, da kum anta cinaka mingiɓi taŋ ta, na zle kum anta cinaka vuna ta si.

ZEREMI 29:19

Asi t'anta cinaka mi ɗu ta. I ya Bumbulvuŋ maɓi. I slino taŋ gawla mijiviɗ ɗuwoyo le, anta mbak le ta ngbaŋ ni, amma ko a cinam ta. I ya Bumbulvuŋ maɓi.

ZEREMI 32:33

A mbiɗikiy di i duba, mbak mbuɗo hiri ng'avi ya le jaka. I ra dubuna taŋ gwata, ko anta mbak le ta ngbaŋ kwana, anta cinam ta, anta tiɓaka dubun ɗu ta.

ZEREMI 36:31

I sa gaŋ bonoy da naŋ, da dideˀ naŋhay waɗ da gawla naŋhaya, asi gi mungra taŋ madiɗa na. Yo hiryi madiɗahay gar, ya miɓa taŋ di, asi taŋ macinaka mi ɗu ta tuwa na, i sa po taŋ gar nga hirnga taŋ, nga hirnga mizli Zeruzalemey waɗ nga hirnga mizli Zudahaya.

ZEREMI 6:17

I pi mijigina hayay le sek ngi jigin kumo. Taŋ misa fam tulum le na, jam lesl! Amma taŋ a mbiɗaka: «Ndr'anta ngumam ji lesle ta.»

ZAKARI 1:4

Ki sipaka sar ngi dideˀ kumoyo ta. Mijiviɗ mudumbuŋhoyo, a tilaka taŋ mi le zleˀe, a ɓaka t'ani: ‹Bumbulvuŋ misi gidaŋ wãˀa, a ɓi na: Moko so, jiviɗ malambaˀ kum masipaka ati gwat ngi gi kum malambaˀ na, pulaka›, amma a cinam mi ta, yo a kam slimiɗ ar ya ta. I ya Bumbulvuŋ maɓi.

HEBEREY 12:25

Jam lesl so, mbur maɓukum na, ki cinakaŋ di, ki slam himaˀ ta. Mizli mislam himaˀ ngi cine mi ngi mbur miɓa taŋ ɗaˀ ɗaˀ le a ruwuy aka, da a laham avu kuti ti bonoyo ta na, ndra, da i ra mbiɗam duba avu mbur maɓo ndra paɗ ti muŋ na, i sa laham ava gu mbri mbri jak ka?