ZEREMI 22:9 - Bible en langue guiziga

⁹ Dar mizli a sa mbiɗaka taŋ di: «A ga taŋ di kanah na, asi a pulaka jumoˀay taŋ ati Bumbulvuŋ Buymisemuŋ taŋ le, ara hurukom a mbuŋ kulihey, yo ara huruk hurukam a mbuŋ taŋ.»

ZEREMI 22:9 ပူးပေါင်းရင်းမြစ်များ

BUYOY MUDUMBUŊ NAŊ 9:8

Tapas mizli masa cohom gweˀ tivi Hay migila misenna mitiri diŋ na, hã a sa zuma taŋ hirnga, dar a sa cufuɗaka mizli: «Bumbulvuŋ a ga gwat da hirwuy hana ati Hay misenna kahana vur mike?

BUYOY MUCUW NAŊ 22:17

Asi mike na, a pulikiy le fuku, yo a wuram urdihey da kulihey, hã gwat ngi gi taŋ na, a slikiɗiy mevel. Vurˀe, i zuɓ himaˀ le fõh fõh ng'ar taŋ, himaˀ ɗu anta muc mata.

ƁI NGI HINEY MUCUW NAŊ 34:25

Asi a pulikiy le fuku, yo a wuram urdihey le da kulihey, hã gwat ngi gi taŋ gar na, a slikiɗiy mevel. Vurˀe, i zuɓ himaˀ le fõh fõh ng'ar li hana, himaˀ ɗu anta muc mata.

ZEREMI 11:10

A mam le ng'ar mungra ngi dideˀ taŋhay mungumam cine mingiɓi ɗu ta tuwa. Taŋ kwana, ara sipam kulihey, ara huruk hurukam a mbuŋ taŋ. Mizli Israyeley ati Zudahaya, a ngilaka ɓi ngi jumoˀay, ya mujumo zleˀe ati dideˀ taŋhay tuwa le.

ZEREMI 11:3

Ki sa ɓa taŋ na: ‹Bumbulvuŋ Buymisemuŋ ngi Israyele, a ɓi na: Mbur macina ɓi ngi jumoˀay hana ta na, i bonoy ava.

ZEREMI 16:11

Ka kisa ɓa taŋ na: «I gukum di kahana, asi dideˀ kumoy a pulikiy le, ara sipam kulihey, a huruk hurukam, yo a hurukom a mbuŋ taŋ. A pulikiy ya le mbaka, yo gwat ya mudubuna taŋ di na, a jaka a hirnga ta.

ZEREMI 50:7

Mizli mulumaka taŋ le gar na, a humbuɗam ti humbuɗ na si, mizli mazliram ti taŋ tahaya, a ɓam: «Ko i gam di i malambaˀ ta, asi a mizli tayna a zluɓam ɓi le avu Bumbulvuŋ.» Li cifi taŋ mijeŋŋe i Bumbulvuŋ, yo cine taŋhay muɗuvaka wuluk taŋ taˀ zleˀe na aseˀeŋ!

ZEREMI 9:13

A roko hirdam hirdam ti hirnga taŋ migidaŋ na, a vulaka vu taŋ le ngi sipi Baˀal, dideˀ taŋhay misirkaka taŋ di na.

EZEKIYEL 12:16

I sa pul mekelemey cah a wuzla taŋ, a laham tir vurum, tir may, tir jiji mozorbono, ɓa a sa slufaka ɓi ngi gi gwat malambaˀ taŋ mukuyta wãˀ na, a wuzla sukwi ngi mizli, ar li taŋ misa ram le gar. Dar a sa sinaka yi Bumbulvuŋ.»

EZEKIYEL 14:23

Ti kum masa puraka gwat ngi gi taŋ ati slra taŋ na, a sa tuslukum mevele. Gwat ya miga da walahay gar na, kisa slaka wala naŋ, i ga ngatara ta. I ya Bumbulvuŋ, Buymisemuŋ maɓi.»

EZEKIYEL 39:23

Buymisemuŋ a ɓi na: «Sukwi ngi mizli a sa sinaka, Israyeley mijaka taŋ nga hirwuy mulak na, asi mungra taŋ, asi taŋ micifam teŋteŋ avu ya ta. Vurˀe, yi ɗum ɗum avu taŋ, waɗ i vula taŋ taˀ a haŋ mizli mazliram ti taŋ ta, a kiɗaka taŋ gar ti maslalam.

EZEKIYEL 5:15

Ti ya masa guw kiita ɗu ngi mbuɗuw hirnga ti mevel, ti himaˀ fõh fõh waɗ ti mbuɗuw hirnga haɗa kuyta wãˀ na, kisa tiri avu sukwi mugun hirnga ɗikeye, ki gwat ngi mesem, gwat ngi singir muwãˀ naŋ, gwat ngi dubuna ɓi ati ngi zluwun. I ya Bumbulvuŋ maɓi.

Slu cuw 29:24

Joˀ mizli a sa mbiɗaka taŋ di: «A gi kanah, asi jumoˀay Bumbulvuŋ, Buymisemuŋ ngi dideˀ taŋhay, mujumo ati taŋ, ti naŋ mabo ti taŋ ti hirwuy Ezipte na, a ngilaka ɓi naŋ le.