ZEREMI 22:3 - Bible en langue guiziga

³ Bumbulvuŋ a ɓi na: Ɓimujuwa mitaˀ gar waɗ gi jeŋŋe na, cikam vu vurˀe. Mbur mazumakaŋ gwataya, tuɓoko di tisi haŋ ngi mbur muzum naŋ, ki guzuvuram mbur ta, mbur moholoy, mutuhu waɗ wudiga na, ki gaka taŋ bonoy ta. Mbur migi gwat ta na, ki paka pumbus naŋ angi li hana ta!

ZEREMI 22:3 ပူးပေါင်းရင်းမြစ်များ

SAMUYEL MUCUW NAŊ 23:3

Buymisemuŋ ngi Israyel a ɓa le, yo Gidigil muwã ngi Israyel a njikiy di le, a ɓi: Mbur mazum buy ti cika hirnga da Buymisemuŋ na, kite, ara zum buy ar mizli ti jiviɗ naŋ jeŋŋe.

BUYOY MUCUW NAŊ 24:4

Yo a kiɗ mizli migam gwat tahay le haɗa, hã kiɗa hirnga a gi le haɗa ar walahay Zeruzaleme. Vurˀe, Buymisemuŋ a ngum pula ɓi nah teˀ ta.

Ɗerewol JOP 22:9

Ki ɓula wudigahaya, haŋ kavbar kavbar kine, yo ki burɗa mutuhuhoyo.

Ɗerewol JOP 24:9

A purtaka mutuhu purut a mi ɗuwa ngi mumuŋ si, mbur misi murga, sey a jik gwat jak le ɓa a vulakaŋ duvuso.

DIMISEY 68:5

Hunumaka Buymisemuŋ ti dimis, hunumakaŋ ti zila slimiɗ naŋ, zluzluɓam a mbuŋ mbur maso ar mota ngi vurum ar gazlavaya, slimiɗ naŋ i Bumbulvuŋ zluzluɓam a mbuŋ naŋ.

DIMISEY 82:4

Mbur hĩhĩy malla mbur migeˀ ircece le na, cukokoŋ tir bonoy naŋ, tiɓakaŋ tisi haŋ ngi misi moˀoreheye.

DIMISEY 94:21

A ra jiginam mi avu mizli mijeŋŋeheye, mbur migi gwat ta si na, a jakaŋ ti kiita si.

DIMISEY 94:6

A ra ngizlaka wudiga ati moholoyoyo, ara kiɗaka mutuhuhoyo vagay vagay.

BI NGI ISRAYELEY 22:21

Ki gaka bonoy da wudigahay ati mutuhuhoyo ta ma.

BI NGI ISRAYELEY 22:22

Da ki ra gaka taŋ bonoy, yo a tilikiy mi le na, i sa cine widi taŋ,

MIKUCUWULOY 23:10

Maakway ming'aka diga zlezle na, ki kiraha ta, yo ki sla guva ngi mutuhuhoyo ta,

MIKUCUWULOY 6:17

Pura vu ɗik fineˀ mizli, irneˀ magi slir, pi pumbus ngi mbur migi gwat ta,

EZAYI 1:23

Buy ɗikey i mislikiɗa ɓihey, yo i muɗumo muhuloy. Taŋ cek a wuɗam gwat ngatara, ar gwat gar na, a wuɗam sey haŋ sik le. Anta gam gwat mijeŋŋe da mutuhu ta, yo anta cinam widi ngi ngwas widiga ta.

EZAYI 58:6

Gi dalyam ya mawuɗo, n'ani: mizli kum majuwaka taŋ ngi moˀore ti celeluhoy na, pulaka taŋ, cukoko taŋ galalaŋ ngi si ˀay taŋ avra, mizli muguzuvuraˀahaya, vulaka taŋ diimu. Wãˀ naŋ na, anja ki ngilaka galalaŋ ngi gi beke ti mizli na gar avra.

EZAYI 58:7

Anja zleˀe, mbur gar a zumaka ɗaf naŋ ati mbur misi may majaŋ na takwa? Waɗ ma na, mbur misi murga manja hay na, ki vulaŋ hay ngi hine. Yo da ka mupura mburo le, zana anta na, vulaŋ zana ngi ki, yo anja ki mbiɗa duba da sukum ɗike ta.

ZEREMI 19:4

Keɗ keɗ na, mizli Zudahay a pulikiy le, taŋ mawuram gwat taŋ mavuka taŋ da kulihey ara na, a mbiɗaka le, mbak anta sin mata. I kulihey misi a jinaka taŋ vuna gu ta, a jinaka cine taŋhaya gu ta, yo ko a jinaka buy ngi Zudahaya gu ta ma. A nahaka li hana le ti pumbus ngi ziri migam gwat ta.

ZEREMI 21:12

Mizli ngi hay Davitey, Bumbulvuŋ a ɓi na: Ti miprik gar na, gam kiita mijeŋŋe, mbur mazumakaŋ gwatay na, tuɓoko di tisi haŋ ngi mbur muguzuvur naŋ! Da kanah ta na, mevel ɗu a sa tiɓi ka vu, a sa tiɓi giw giw, ko mbur mumuc naŋ gu anta, vur gwat ngi gi taŋ malambaˀ na.

ZEREMI 22:17

Pura hiri ɗik ati wuluk ɗike, sey ngi luuma gwat tewle, ngi pi pumbus ngi mbur migi gwat ta, yo ngi gi moˀore kaɓa gwat misãmi.

ZEREMI 26:16

Mizli madiɗahay ati mizli gar a ɓaka masayay ati mijiviɗeye: «Mbur hana a ndila ngi kiɗ vagaya ta: Naŋ miɓa ndra na, ti slimiɗ ngi Bumbulvuŋ Buymisemuŋ ndra.»

ZEREMI 5:28

i muzlumburahay, a wucuɗam deŋ. Taŋ i bugawla ngi gi malambaˀa, t'anta cikam vu asi ɓimujuwa mitaˀ gara mata, ɓimujuwa vur mutuhuhoyo, gwat taŋ muwuɗam gi naŋ le gar na, a gi. Tˀanta cikam vu neˀ le asi misi murgahaya ta.

ZEREMI 7:23

Gwat ya mucufuɗ avu t'ani tewle: «Cinikiy mingiɓi ɗu, ɓa i sa tiri Buymisemuŋ kum, kumo kwana, kisa tiram mizli ɗuwoy, sipaka jiviɗ ɗu kasl kasl, ɓa kisa mumulom.»

ZEREMI 9:24

Ya Bumbulvuŋ i ɓi na: Hin ara ndilawa, ko wa gar mici le a mizaw ngi dumvu tewle na, a sa pura gwat naŋ keɗ keɗe.

TUWUY 3:36

da ara zluɓaka kiita ngi mburo na, Bumbulvuŋ anta pura ta kwa?

EZEKIYEL 18:12

a zum gwat ngi mizli migeˀ ircecehey ati ngi misi murgahay, a hul, gwat mbur mijikaŋ di le ar deɗe ngi duvus na, a mi di da buy nah mata, a huruk huruk a mbuŋ kulihey, a gi gwat mukuyta wãˀ,

EZEKIYEL 18:7

naŋ anta zum mbur ta, gwat mbur mijika le ar deɗe ngi duvus na, a mi di da buy naŋ a muŋ, naŋ anta hul ta, mbur muro ti maya, a vulaŋ gwat ngi zum, a vula zana da mbur manja zana,

EZEKIYEL 22:7

Asi hirwuy ɗike, mbur a hirsa cine ati mumuŋ, a guzuvuraka mbur moholoyo, a zumaka gwat ngi mutuhuhoy ati ngi wudigahaya.

EZEKIYEL 45:9

Ya Bumbulvuŋ Buymisemuŋ i ɓi na: «Kum buy Israyeley, kayya ɓi kum a mbiy kwacay le muduba! Pulaka gi moˀore ati hila gwat ngi mizli ti gidaŋ na, gam gwat mikaslsla ati gwat mijeŋŋe, ki tiɓaka gwat ngi mizli ɗuwoyo mata. I ya Bumbulvuŋ Buymisemuŋ maɓi!

LEVIHEY 19:15

Gaka kiita kumoyo ti jiviɗ naŋ kasl kasl: ki jinaka mbur hĩhĩy vur naŋ i hĩhĩy si ta, yo mbur madiɗa kwana, ki ram ti mi aseˀeŋ vur naŋ i mbur madiɗa si ta. Amma, mizli ngisi ruwuy purla ati kum na, gaka taŋ kiita ti jiviɗ naŋ kasl kasl.

AMOS 5:15

Puraka ɓi malambaˀa hiris le, wuɗam gi mezle. Ar kiita na, cicaka ɓi kaslsla, asinta, Bumbulvuŋ Buymisemuŋ misi gidaŋ wãˀa, a sa pura ircece da dideˀ ngi Zozefey mindirama.

AMOS 5:24

Amma anja kiita mijeŋŋe a ɓul ka yam, yo anja gi gwat mijeŋŋe a kiɗ mi ta, kaɓa mizaw mahisik yam ta.

MISE 3:11

Buy taŋhaya, ɓa a gaka kiita na, sey gwat ngatara taˀ le, masay taŋhaya, ɓa a dubunaka gwat da mizli na, sey a wurkaka taŋ wuruk le, mijiviɗ taŋhaya, ɓa a ɓaka ɓi ngi gwat masa gi na, sey dala taˀ le. A jaham jah ti Bumbulvuŋ, a ɓam: «Bumbulvuŋ naŋ anta wuzla ndra ta kwa? Kay, mendere anta so ng'ar ndra ta.»

MISE 6:8

Mburu, a bugukuw gwat mezle ngi gi le da ka, gwat Bumbulvuŋ mawuɗ avu ka ani: Naŋ, a wuɗ di i gi gwat mikaslsla, wuɗa gi teŋteŋ, yo sipi jiviɗ nga naŋ, Buymisemuŋ ɗike kuy kuy.

MALASI 3:5

I sa so a wuzla kumo ngi gukum kiita kumoyo. Mizli misi cucukoy ati migi madamahay, muhudum ti slirey ati muzuma migir ngi migi slrahay, ngi ngwas wudiga ati mutuhuhoy, muguzuvura moholoyoy, yo taŋ mazluwunam ti ya ta gar na, yi sa mbiɗa taŋ hirnga kutumo si. I ya Bumbulvuŋ misi gidaŋ wãˀ maɓi.»

Matiye 23:23

«Kum buy ngi ɓimujuwahay ati Farisa miɓi micuw cuwoy, kay, kum ar bonoy! Kalaf ngi minti ati kalaf ngi luguɗo laray gar na, ki vulaka mukuruˀ taŋ ɓula. Amma jeŋŋe ati pura ircece waɗ gi teŋteŋ, ɓi madiɗa hanayna ngir ɓimujuwa na, ki kam slimiɗ ar taŋ ta. Anja ki gam di i nah zleˀe waɗ mekelemeye jak ayɗi.

Slu cuw 10:18

A jiniˀis asi mutuhuhoy ati wudigahay. A wuɗ moholoyoy misi asi ruwuy kumo, yo a vula taŋ gwat ngi zum ati zanahay.

Slu cuw 24:17

Kiita ngi mbur mulak malla mutuhu na, ki hiryaka ta. Ki tiɓaka zana ngi ngwas wudiga majikuw di ta.

Slu cuw 24:7

Da mbur Israyel a ji sukum naŋ le, ɓa a gi di beke malla a hiɗika avra na, sey a kiɗaka vagay. Kite ki zuɓaka mungra misi a wuzla kumo le avra.

Slu cuw 25:1

Da kaɓa ani, mizli Israyeley cuw a tiram le. A ram le nga mbuŋ migi kiitahay, ɓa a gaka taŋ kiita. A lumaka na, mbur mekelem a zluɓa ta, numuŋ a zluɓa le.

Slu cuw 27:19

«Mbur mahirya kiita ngi mbur mulak, ngi mutuhu malla ngi wudiga na, i minisa le.» Mizli gar a sa mbiɗaka: «Amin.»

Ɗerewol ZAK 1:27

Da mbur ara ki slimiɗ ar mutuhuhoy ati wudigahay masam bonoyo, da ara jigina vu naŋ avu duniya, ɓa a ci ar dili ta na, sipi jiviɗ mijeŋŋe manja hereweɗ a mbuŋ Buymisemuŋ, i nah so.