ZEREMI 21:9 - Bible en langue guiziga

⁹ Mbur misa ndir le ar walahay hana na, a sa kiɗaka ti maslalam, may malla jiji mozorbono masa kiɗaŋ. Amma mbur misa bi le tir walahaya ng'avi mizli Babiloŋhoy mindah hirnga kum na, a sa ndir ti siifa, a sa laha hutuŋ naŋ.

ZEREMI 21:9 ပူးပေါင်းရင်းမြစ်များ

ZEREMI 14:12

Ko da ara gam dalyam kwana, y'anta cine tuwuy taŋ ta. Ko da ara gikiy mikuli mizlam zlam, yo ara sikiy ti gwat ngi vul taŋhay tekeɗe kwana, naŋ anta ciriy hiri ta. I wuɗ i ngizla taŋ pay ti maslalam, ti may waɗ ti jiji mozorbono.»

ZEREMI 21:7

A dirba nah, Sedekiyas buy Zuda, gawla naŋhay, mizli mindiram ti siifa, milaham avu jiji mozorbono, avu ngum ti maslalam waɗ avu may na, i sa vula taŋ asi haŋ ngi buy madiɗa ngi Babiloŋ, asi haŋ ngi mesene taŋhay, yo waɗ asi haŋ ngi mizli mawuɗam kiɗ taŋ vagay vagay na. A sa ngizlaka taŋ kuɗup manja ircece, manja mbur mandir loŋ le, waɗ manja kila mesem. I ya Bumbulvuŋ maɓi.›»

ZEREMI 24:10

I sa pula taŋ mbak da mizli a kiɗaka taŋ ti maslalam, may ati jiji mozorbono, a kiɗa taŋ, hã a ngizlam leɗeɗ wãˀ tisi ruwuy ya muvula taŋ di da taŋ waɗ da dideˀ taŋhay na.

ZEREMI 27:11

Da sukwi mitiɓa luwa galalaŋ ngi buy madiɗa ngi Babiloŋ le asi ˀay naŋ, yo ara gi gawla naŋ na, i sa pulaŋ a cifi zuy zuy asi ruwuy naŋ, a sa huva hirwuyo, yo a sa cifi ara I ya Bumbulvuŋ maɓi -

ZEREMI 27:12

Sedekiyas, buy Zuda, ya Zeremi tuwa i ɓaŋ ɓi misi purla misi ani na: «Ka ati mizli ɗikeye, luwaka galalaŋ ngi buy madiɗa ngi Babiloŋ asi ˀay kumo, gam gawla naŋhay waɗ ngi mizli naŋhaya ma, ɓa kisa ndiram ti siifa.

ZEREMI 27:13

Ka ati mizli ɗikeye, ki wuɗam muc ti kiɗ ti maslalam, ti may waɗ ti jiji mozorbono vur mike? I muc misi Bumbulvuŋ ɓi micica ɓi nah vur sukwi mekelemey mangumam gi gawla ngi buy madiɗa ngi Babiloŋ ta na.

ZEREMI 38:2

«Bumbulvuŋ a ɓi na: Mbur misa ndir le ar walahay hana, a sa muc ti kiɗ ti maslalam, ti may waɗ ti jiji mozorbono. Amma mbur misa bi le nga ci a wuzla Babiloŋhoy na, a sa ndir ti siifa, yo a sa pura naŋ mindir ti siifa na, ko a cikisl ta, haˀaw a sa ndir ti siifa.

ZEREMI 38:3

Zeremi a ɓi: «Bumbulvuŋ a ɓi na: Walahay hana, a sa vulaka asi haŋ ngi soje ngi buy Babiloŋhoy gisiŋ, a sa tiɓakaŋ.»

ZEREMI 39:18

I sa lihuw gisiŋ gisiŋ, anta sa kuɗukuw ti maslalam ta. Ki sa laha hutuŋ ɗike na, asi ki puliy vu ɗike le mbak da ya. I ya Bumbulvuŋ maɓi.›»

ZEREMI 45:5

Naka, ki wuɗ gi gwat madiɗahay! ki wuluk kanah ta! I wuɗ i pulo bonoy ar gwat misi titiri gar, amma ka na, i guw gwat ɓa ki bi ti jeŋ, ar li ka maru gar na, ki ndir ti siifa ɓula.»

EZEKIYEL 5:12

Ar walahay ɗike, mizli micah mudumbuŋhoyo, i sa ngizla taŋ ti jiji matiɓi vu malla ti may, mucuw naŋ, i sa kiɗa taŋ ti maslalam gun walahay ɗiki, yo mimakir taŋ, yi sa zliɗa hirnga taŋ lambaˀ da himiɗ, i sa muɗ maslalam kwak waɗ ya ɓaˀ asi taŋ.