ZEREMI 21:2 - Bible en langue guiziga

² «Inga ara pura Bumbulvuŋ vur ɓi ndra takwa, asi Nabukodonozor buy madiɗa ngi Babiloŋ, ara gi vurum ti ndra, asinta, da Bumbulvuŋ a sa gi cekene naŋ purla ngi jina ndra, ɓa a mi murdirba a muŋ kwani?»

ZEREMI 21:2 ပူးပေါင်းရင်းမြစ်များ

ZLI VIRZI 10:10

Walahay madiɗa ngisi ruwuy naŋhay i Babel, Erek, Akad waɗ Kalne, taŋ cek angi hirwuy Sineˀar.

BUYOY MUCUW NAŊ 1:3

Ar nah na, modro ngi Buymisemuŋ a ɓa Eli, mbur Tisebe: «Slikiɗ, ara ji hirnga ti gawla ngi buy Samarihey ani, ɓa ki ɓa taŋ: ‹Bumbulvuŋ anta ar hirwuy Israyele takwa? Ki ram nga cufuɗa ɓi avu Baˀal Zebub, kuli ngi Ekroŋ vur mike?›»

BUYOY MUCUW NAŊ 17:24

Buy Asiri a so ti mizli Babiloŋhoy, mizli Kutahay, Awahay ati mizli Hamatay waɗ Sefarvayimey. A vula taŋ li, a pam ar walahay Samariheye ar li ngi Israyeleye a pam, a cifam ar walahay ngi ruwuy Samariheye.

ƁI NGI HINEY MUCUW NAŊ 32:21

Joˀ Bumbulvuŋ a slino modro naŋ ng'ar li pi sar ngi Asiriheye, a ngizla soje miwirwirey ati madiɗa ngi sojehey waɗ mizli hirnga ngi buy Asiriheye pay. Buy Asiri tuwa, a mi tilngir tirngir ti mesem nga ruwuy naŋ. Naŋ mici ng'ar hay kuli naŋ na, ziri naŋhay tehhe a muŋ a kiɗaka vagay ti maslalam.

BI NGI ISRAYELEY 9:28

Tumbuloko Bumbulvuŋ! Ndisl ngi vuŋ ati yama muk muduba! I sa pulukum ki cohom, kum anta ki zikam haɗa mata.»

EZAYI 48:2

A zulukum ‹Mizli ngir walahay Mipal› ngbaŋ, ki ra cufuɗam hirdam hirdam ɓa Buymisemuŋ ngi Israyel, misi slimiɗ naŋ ‹Bumbulvuŋ misi gidaŋ wãˀ› na, ɓa a junukum.

ZEREMI 15:11

Bumbulvuŋ a ɓi na: «Hadam, i lihuw ɓa ki mumul, hadam, ar pas ngi bonoy ati ngi muɗa didaka, i sa ga ɓa mesene ɗikey a tumbulukuw.

ZEREMI 21:3

Zeremi a mbiɗa taŋ di: «A ra ɓaka Sedekiyasa na:

ZEREMI 32:17

«Haˀaw Bumbulvuŋ Buymisemuŋ, miga muŋ ati hirwuy i ka ti gidaŋ ɗik mihaɗa na, ki puska gidaŋ ɗike le pusak, ko gwat mutuwaˀ haɗa avu ka anta.

ZEREMI 32:24

Ani Babiloŋhoy a mbaka muyuŋ le mbeˀ mbeˀ, hãka ngi ndila moholo ngi walahaya si, taŋ gweˀ ngi tiɓi naŋ. Yo ma na, a sa vulaka walahay asi haŋ taŋ, a gucoko mi le da walahaya ti maslalam, ti may waɗ ti jiji mozorbono, i taŋ masa tiɓaka ti gidaŋ. Ɓi ka ɓi micica le na, a gi, ka ki pura ti hiri tewle.

ZEREMI 34:1

Nabukodonozor, buy madiɗa ngi Babiloŋ ati soje naŋhay gar, yo zuma buyoy naŋ miwa taŋ ngi si ruwuy gar waɗ mizli gar na, a ndahaka Zeruzaleme le ndah ndah ati prok naŋhaya gar. Bumbulvuŋ a ɓa mingiɓi naŋ da Zeremi ti di nah.

ZEREMI 37:17

A dirba nah, buy Sedekiyas a slin ɓa ara boko di. Buy tuwa, a cufuɗaŋ ti miyaŋ yaŋ a hay naŋ, a ɓaŋ na: «Bumbulvuŋ a ɓuw ɓi le vur ya kwa?» Zeremi a mbiɗaŋ di: «hĩ!» Zeremi a ɓaŋ ma: «A sa vulukuw asi haŋ ngi buy madiɗa ngi Babiloŋ.»

ZEREMI 37:3

Akẽh na, Yukal mangal ngi Selemiya waɗ Sefaniyas masay, mangal ngi Maˀaseya, buy Sedekiyas a slina taŋ nga cufuɗa mijiviɗ Zeremi, ɓa a ɓakaŋ: «Ambuh! Tumbulo ndra Bumbulvuŋ Buymisemuŋ ndra na takwa!»

ZEREMI 37:7

«Bumbulvuŋ Buymisemuŋ ngi Israyel a ɓi na: Buy Zuda mislino kum nga cufuɗ ɗu na, ara ɓakaŋ: da kine na, soje ngi buy madiɗa ngi Eziptehey mupulaka Ezipte, ɓa ara jinukum zleˀe na, a sa mam murdirba a muŋ ng'ar li pi sar taŋ a Ezipte.

EZEKIYEL 7:26

Bonoy madiɗa a sa so asi cala asi cala, labara malambaˀ asi cala asi cala, a sa cufuɗam mijiviɗ ngi Buymisemuŋ, ɓa a pura taŋ gwat ti kileŋ, masay anta sa dubun gwat da mizli mata, ko mi ngi kuti vu kwana, anta sa bo tivi mizli micawwahaya mata.

MIGI KIITAHAY 20:27

Israyeley a cufuɗaka Bumbulvuŋ. Tapasa, naɓa akoti ngi jumoˀay ati Bumbulvuŋ naŋ da a Betele.

SAMUYEL MUDUMBUŊ NAŊ 10:22

A cufuɗaka Buymisemuŋ ava ma: «Mbur nah vuna a so le aka kwa?» Buymisemuŋ, a ɓa taŋ: «Nˀani ɗum a ciki gwatay akẽh.»

SAMUYEL MUDUMBUŊ NAŊ 28:15

Samuyel a ɓa Sawulo: «Ki giy ngaˀa ngi muska vu ɗu, ki bo ti ya vur mike?» Sawul a mbiɗaŋ di: «Ɓi ada giriy haɗa haɗa. Filistihey ara gam vurum ti ya, na Bumbulvuŋ a mbiɗi duba le avu ya. N'anta mbiɗiy mi mata, ko ti balam mijiviɗ naŋhay, ko ar musuwun anta mbiɗiy di mata, ya miziluw na, anja ɓa ki bigiy gwat ya magaŋ.»

SAMUYEL MUDUMBUŊ NAŊ 28:6

Sawul a cufuɗa Buymisemuŋ na, ko Buymisemuŋ a mbiɗaŋ di ta, ko ar musuwun, ko ti gwat mipal ngi masay, ko ti mi ngi mijiviɗey, a mbiɗaŋ di ta.