ZEREMI 2:8 - Bible en langue guiziga

⁸ Masayay a cufuɗam ɗaˀ, «Bumbulvuŋ naŋ amaka?» ta. Buy ngi ɓimujuwahay a sinikiy mata. Mijigina mizli a slikiɗam ɓi ng'ar ya. Mijiviɗey a njikam di i ɓi ngi Baˀal, a ram ti kil kiŋ kiŋ asi gwatay mapulaka taŋ gir neˀ le ta.

ZEREMI 2:8 ပူးပေါင်းရင်းမြစ်များ

BUYOY MUDUMBUŊ NAŊ 18:22

Eli a ɓa taŋ ava ma: «Mijiviɗ ngi Bumbulvuŋ, mindir i ya pal ɗu, amma mijiviɗ ngi Baˀalaya taŋ skat skat mufaɗ ti kukur zlum.

BUYOY MUDUMBUŊ NAŊ 18:29

Wuzla papas mucuh na, a ɓam kaɓa mijiviɗey hã a ndila pas ngi vula gwat da Buymisemuŋ. Amma, ko ˀay anta, zila mi anta, gwat mabiga slra naŋ vuna neˀ tekeɗe anta ma.

BUYOY MUDUMBUŊ NAŊ 18:40

Eli a ɓa Israyeleye: «Jaka mijiviɗ ngi Baˀalay na. Anja ko mbur pal a sumuɗ ta!» Joˀ a jaka taŋ cek. Eli a ɓi ɓa a pam taŋ sar ng'ar hurjijiŋ ngi Kisoŋ, dar a slaka ˀay taŋ a diga.

Ɗerewol JOP 35:10

Amma ko mbur macufuɗ: «Buymisemuŋ migi ɗu, naŋ amaka? na, anta. Naŋ manjik dimis da mbur ti duvuɗu,

EZAYI 28:7

Naŋ kine, masayay ati mijiviɗeye, mbaazla ara ziza taŋ ya. A ram zaway zaway, asi a sam barasa le. Baraasa ara ziza taŋ, mbaazla ara zuma taŋ, a ram zaway zaway, asi a sam baraasa le. Pura gwat taŋ ti kleŋ, ara ziza taŋ, Da ara gam kiita na, a zluɓaka zlaɓ zlaɓ.

EZAYI 29:10

Asi Bumbulvuŋ a pukum musuwun ngi gukum vu guluɓ guluɓ le. Kum mijiviɗey, a tuɗukum hiriheye le, kum mupur ti kleŋhey, a juwukum hirngahaya le.

EZAYI 30:5

Taŋ gar taŋ, mizli a sa paka taŋ mesem. Mizli tayna, anta sa gam gwat ati taŋ ta, anta sa kiloko widi taŋ ta, a sa gam gwat ati taŋ ko neˀ ta, amma, a sa paka taŋ mesem ati hiriya vu.»

ZEREMI 10:21

Mijigina mizli, a gam gilaw le, t'anta sipaka Bumbulvuŋ ta. Taŋ mindilaka mizli ta na vurˀe, mbak ginew gezleŋ taˀ na, a zliɗam hirnga lambaˀ.

ZEREMI 12:10

Mijiginey hiɗim hiɗim, a guzuvuraka guva ngi gudubun ɗu le, a kurpaka guva le kirap kirap. Guva ɗu mimezle tuwa, a tiram di wuzlaɓuh mikirɗak kirɗak cay.

ZEREMI 16:19

Bumbulvuŋ, ki gidaŋ ɗu, ki mitika hiri ɗu, ar hin ngi bonoyo, ki li ɗum ɗu, sukwi ngi mizli ngi duniya gar na, a sa soko ng'avi ka, zle tisi ruwuy mira kiɗo mi, a sa ɓukuw na: Sipi ngi dideˀ ndrahay zleˀe gar na, i gwat ngatara lambaˀ si, i gwat ngi gilaway mapul gir ko neˀ ta.

ZEREMI 18:18

A ɓam: «Akum, i ra kiɗaka mi ngi ɓi ndra majuwaka a kwacay vur Zeremi na wãˀ muduba. Masayay a sa bigam ndra jiviɗ ngi Buymisemuŋ, i sa lumam mi ngi kuti avu misi sinmijileŋheye, i sa lumam mingiɓi avu mijiviɗeye si. Akum so, i ra hiryakaŋ ti mi muhuzlok huzlok, ko i kam slimiɗ ar mingiɓi naŋ ta.»

ZEREMI 2:11

Sukwi ngi mizli a mbiɗaka kuli taŋhaya le ɗaˀ ti mekelemey kwa? kulihey vuna i gwat mupuɗaw puɗaway ta ngbaŋ ni! Amma mizli ɗuwoyo, a mbiɗikiy ya dudok taŋ le ti gwat mapul gir ko neˀ ta.

ZEREMI 2:6

A ɓam: «Bumbulvuŋ mubo ti ndra ti Ezipte na, mibiga ndra jiviɗ a wuzlaɓuh mikirɗak kirɗak, ar ɓuh, yo ar li misi hurjijiŋhey ara, ar hirwuy ngi kwalay, mamuɗ didak, hirwuy misi ko mbur macuh ti ra malla macifi ara anta» na, ɓa a ɓam misi naŋ amaka na, ko a ɓam ɗaˀ ta.

ZEREMI 4:22

Haˀaw, mizli ɗuwoy i gilaway, a sinikiy ta. I ziri manja lesley, anta slaka wala ngi ɓi ko neˀ le ta. A sinaka wala ngi gi malambaˀa le wãˀ ɓula, amma a sinaka gi mezle ta.

ZEREMI 5:31

Mijiviɗey a njikaka ɓi ngi gwat masa gi tumbuŋ jeŋŋe ta, gwat ngi lum gar na, masayay ara paka ng'ar jiiba taŋ, mizli ɗuwoyo kwana, ara puraka kuy. Na a dirba gwat tayna, kisa gam mike? kisa gam mike?

ZEREMI 7:8

Amma kumo ma na, ki pulaka vu kumo mbak mbak vur mingiɓi ngi gukum gilaw, mapul gir ta hana.

ZEREMI 9:14

Bumbulvuŋ misi gidaŋ wãˀ, Buymisemuŋ ngi Israyele, a ɓi na, mbak ɗagay so: «I sa vula taŋ gwat miɗalakay ngi zumo, yo ngi si kwana, yam misi slalak araŋ.

EZEKIYEL 22:26

Migi mikuli naŋhay a ngilaka ɓimujuwa ɗu le, gwat ɗuwoy mipal na, a hiryaka taŋ le. A gwahaka wala ngi gwat mipala tivi gwat muho gara ta. Gwat misi dili ati gwat manja dili na, a wunkaka taŋ pal pal ta. A mbiɗaka duba le da ɓi ngi sabat ɗuwoyo, joˀ yi ndir yi mihirya le a wuzla taŋ.

EZEKIYEL 34:2

«Ka mburu, ɓa ɓi ani vur mijigina Israyeley, njika taŋ di. Njika da mijigina Israyeleye, ɓa taŋ na: Ya Bumbulvuŋ, Buymisemuŋ i ɓi na: Bonoy a hirnga mijigina Israyeley, majiginam hirnga taŋ tehhe a muŋ na. Mijigineye, sey a jiginaka tumuŋhoyo takwa?

Ɗerewol OZE 4:6

Mizli ɗuwoy a taˀaka mi lek lek ngi wãˀ, asi a sinikiy ta. Ka mungum siniy mata na, ya kwana, y'anta sa ngum i sunuw ta ya, ki masay ɗu mata. Ki puyuk hirnga ti gwat Buymisemuŋ ɗik mudubunuw di le, ya kwana, yi sa puyuk hirnga ti ziri ɗikey aya.

HABAKUK 2:18

Misina ɗiya gwatay, maɗiyam kuli miciɗa ti ciɗey, malla mipa ti pi ngi dubuna gwat mijeŋ ta da mizli na, a pul gir ngi mike? Misina ɗiya gwat tayna, a pulaka mevel taŋ da kuli mingbimmehey, taŋ miɗiyaka taŋ tihaŋ taŋ na, vur mike?

Matiye 16:26

Da mbur a luuma gwat ngir duniya le gar, amma da a ziza siifa naŋ le aseˀe na, a lum di mike? Malla mbur a hiɗik siifa ti gwat naŋ muluma gu kwa?

Ɓimezle ngi Yesu Kristu LUK mitil di mi 11:52

Kay, kum buy ngi ɓimujuwahay, kum ar bonoy! Ki gicaka miviŋ ngi si na gwata le, kum vuna, ki cam ta ma, yo mizli mawuɗam ci ma na, ki tikaka taŋ ma.»

Ɓimezle ngi Yesu Kristu ZAŊ mitil di mi 16:3

A sa gam kahana, asi a sinaka Baha ta, ko a sinikiy ya ta ma.

Ɓimezle ngi Yesu Kristu ZAŊ mitil di mi 8:55

Kumo, ki sinakaŋ ɗaˀ ta, amma ya i sinaŋ le. Da yi ɓi le i sinaŋ ta na, ɓa yi tiri misi slir le ka kum vuna ya. Amma yi sinaŋ le, i ra ja mingiɓi naŋ a hirnga.

KORENTIHEY MUCUW NAŊ 4:2

Gwat ngi gi miyaŋ yaŋ ati mapi mesem gar na, i pulaka le. Ndr'anta gam gwat ti wer ta, yo ndr'anta mbiɗaka ɓi ngi Buymisemuŋ tir malambaˀ ta ma. Amma i bigam di i ɓi mikaslsla wãˀ, njah ar li babara jaka. I sipam di i jiviɗ ɓa mizli a pulaka vu taŋ mbak a mbuŋ Buymisemuŋ.

Slu cuw 33:10

I taŋ madubunaka ɓimuɗuva ngir ɓimujuwa ɗikey da Israyeleye, i taŋ magukuw sedege ti urdi ati mikuli mizlam zlam wãˀ ar li gi mikuli ɗike.

SAMUYEL MUDUMBUŊ NAŊ 12:21

Da kisa kiraham le avu Buymisemuŋ na, naɓa i ngi sa huruk huruk avu gwat lambaˀ ngataraŋ, mapulam gir ta, yo malaham mbur gu ta, asi mike i gwat lambaˀhay ngataraŋ.

SAMUYEL MUDUMBUŊ NAŊ 2:12

Ziri ngi Heliheye, i ziri mupuɗaway ta, t'anta kam slimiɗ ar Buymisemuŋ ta.