ZEREMI 2:7 - Bible en langue guiziga

⁷ Yi ci ti kum le ar hirwuy misi widis ngi zumoy kiŋ, ɓa ki zumaka yi taŋhay ati zlili ngi raˀahaya. Amma kum micam kulaˀ angi hirwuy ɗu na, ki hiryaka ti hiryi jaka, yo hirwuy ɗu, ki tiram di gwat mukuyta wãˀ naŋ.

ZEREMI 2:7 ပူးပေါင်းရင်းမြစ်များ

NEHEMI 9:25

Walahay muguno taŋ le ti moholoyoy ati li magi gwat gar na, a tiɓaka taŋ le. Hay mimbaf mbaf ti zlili ti sukwi wal wal gar, vigiɗ ngi yamay, guva ngi gudubunoy, ngi tutumburoy ati ngi widis ngi zumoy haɗa, a tiɓaka taŋ le. A zumam le, a mbam le, a zlumburam le, yo a cifam le ar wuya. Hana gar na, mbele gi mezle ɗik mihaɗa na.

NEHEMI 9:26

Amma gar ti nah kwana, a slikiɗam ɓi, a slam himaˀ le avu ka na si. A mbiɗam duba le kileŋ wãˀ avu Ɓimujuwa ɗike. Mijiviɗ ɗikey muhurdumom avu taŋ, ɓa anja a moko ng'avu ka na, a kiɗaka taŋ le vagay vagay.

EZAYI 19:25

Bumbulvuŋ misi gidaŋ wãˀ a ɓi: «I ra ɗuwula mi da Ezipte, mizli ɗuwoyo, da Asiri, ya miga ti haŋ ɗu, waɗ da Israyel, mi ngaya.»

ZEREMI 16:18

Mungra taŋ madiɗa ati zluɓa ɓi taŋ na, i zla virzi naŋ ti pula bol nah ar taŋ makaw cuw wãˀ, asi a hiryaka sukwi ɗu le ti maara ngi kuli taŋhay na, yo a hiryaka sukwi ɗu le ti kuli taŋhay mukuyta wãˀhay na.

ZEREMI 3:1

Bumbulvuŋ a ɓi: Da mbur a ɓula ngwas naŋ le, a pula hay naŋ le, a tiri ngwas ngi mbur mekelem le na, a mo di ɓa a tiri ngwas naŋ gu aruŋ makwa? Da a mo di le na, naɓa hirwuy a hiryi le wãˀ aseˀe takwa? Ani ka Israyele, ki gi sulome le ati mizli haɗi, amma kisa mo ng'avi ya a muŋ mbri mbrike? I ya Bumbulvuŋ maɓi.

ZEREMI 3:2

Inga zuɓa hiri paɗ nga jiviɗi, pur ɗi: li ɓa ki gi madama ara ta na, ada kwa? A ciki jiviɗ kwana, ki cifi le joˀ ngi kutuko mizli, kaɓa mbur Arap a wuzlaɓuh mikirɗak kirɗak. Ki hirya hirwuyo le, ti gwat ngi gi ɗik mijeŋ ta, waɗ ti sulome ɗik na.

ZEREMI 3:9

Naŋ muwuluk ta wãˀ, yo gi gwat naŋ ka ɓi ngi sefel tuwa na, joˀ hirwuy a hiryi aseˀe. A gi madama ati kuli ɗugur waɗ kuli dumoy.

ZEREMI 32:23

A cam le, yo a pam le anga, amma so na, a cinaka mingiɓi ɗike ta, ɓi ka mudubuna taŋ di na, a sipaka ta. Gwat gar ka mucufuɗa taŋ ɓa a gaka na, a ngumam gi naŋ ta. Ka mica taŋ ar mendre tayna cek na vurˀe.

ZEREMI 32:30

Haˀaw, diga cak taŋ si na, gwat ya mahĩyã na, Israyeley ati Yudeheye, a gikiy di ɗaˀ ta, gwat ngi gi ngi Israyeleye, sey ngi jiy mevel tewle.

EZEKIYEL 20:24

Vur a gam slra ti sirik ɗuwoyo ta, a burɗaka ɓimujuwa ɗuwoyo le, a hiryaka sabat ɗuwuyo le, yo a pulaka vu taŋ mbak da kuli ngi cine taŋhay.

EZEKIYEL 20:28

I ci ti taŋ le angi hirwuy ya muhudum, haŋ paɗ a muŋ, ɓa i vula taŋ di na. Li miɗingir ɗingirey ati siziɓey gar na, taŋ hiri taˀ angi taŋ. A gaka mikuli taŋhay a diga, gwat ngi vul taŋhay ngi slikiɗa mevel na, a gaka taŋ a diga, a paka urdi taŋhay ngi tisla mevel a diga, waɗ a puslaka mbaazla taŋhay a diga.

EZEKIYEL 20:6

Tapasa na, yi hudum le a mbuŋ taŋ, haŋ paɗ a muŋ, ɓa i bi ti taŋ ti ruwuy Ezipte, ngi ru nga hirwuy, ya mira puro taŋ di: ɗuwa ati mam a ɓulom angi hirwuy nah, hirwuy mimezle ngi si ruwuyoy gar.

EZEKIYEL 23:35

Vurˀe, ya Bumbulvuŋ, Buymisemuŋ i ɓi na: Ani ki puyuk ti ya hirnga le, yo ki hizigiy le fuk nga dirba, naŋ kuy, kwelegwer ɗik ati sulome ɗik na, ka jijira zayɓi nah so.»

EZEKIYEL 36:17

«Ka mburu, cin, Israyeley micifam angi hirwuy taŋ na, a hiryaka le ti gwat ngi gi taŋ ati slra taŋ. Gwat ngi gi ngi Israyeleye naŋ a mbuŋ ɗu kaɓa dili ngi ngwasa.

Ɗerewol OZE 9:3

Efrayimeye, t'anta sa cifam a ruwuy ngi Bumbulvuŋ ta, a sa mam nga Ezipte a muŋ, waɗ nga Asiri, a sa zumam gwat ngi zum mitikahay.

MISE 2:10

Slikiɗam a ram, hana i pas ngi muska vu mata. Dili ɗik na, masa suw ti bonoy i naŋ, yo i bonoy ti vu ava.

SLUFA VU 13:27

A slufaka da Moyise, a ɓakaŋ na: «I ram le nga ruwuy ka mislina ndra tuwa. Kay! I hirwuy misi ɗuwa ati mam ma ɓulom ara gisiŋ gisiŋ, yi ngi widis ngi digahay ani!

Slu cuw 21:23

anja vagay naŋ a hin law ar widise ta, sey ki dikaka kalla, asi vagay ngi mbur milaw na, a so ti nis ngi Bumbulvuŋ ng'asi ruwuyo. Ki sa soko ti dili ng'asi ruwuy Bumbulvuŋ Buymisemuŋ kumo muvulukum di na ta.

Slu cuw 32:9

Amma a wi vu le ti sukwi Israyele da naŋ. A gwaha dideˀ ngi Zakopoyo le gwah da naŋ ɓa a jigina taŋ.

Slu cuw 6:18

Gaka gwata cirre ti jiviɗ naŋ, yo kuy kuy a mbuŋ Bumbulvuŋ, ɓa ki ndiram ar wuya, ɓa hirwuy mezleŋ, Bumbulvuŋ miɓa ɗaˀ le ti hudum da dideˀ kumoy na, a ndir da kum.