ZEREMI 2:6 - Bible en langue guiziga

⁶ A ɓam: «Bumbulvuŋ mubo ti ndra ti Ezipte na, mibiga ndra jiviɗ a wuzlaɓuh mikirɗak kirɗak, ar ɓuh, yo ar li misi hurjijiŋhey ara, ar hirwuy ngi kwalay, mamuɗ didak, hirwuy misi ko mbur macuh ti ra malla macifi ara anta» na, ɓa a ɓam misi naŋ amaka na, ko a ɓam ɗaˀ ta.

ZEREMI 2:6 ပူးပေါင်းရင်းမြစ်များ

BUYOY MUCUW NAŊ 2:14

A zuɓa Zana midiɗo ti gagalaˀay Eli, a kiɗa yama ti naŋ, a ɓi: «Bumbulvuŋ Buymisemuŋ, ngi Eli na, naŋ a maka?» Dar Elize vuna a kiɗa yam tuwa ya. Yam a wunuk a wuzla, dar Elize a cuh njiraŋ njiraŋ.

Ɗerewol JOP 3:5

Anja luvuŋ ati li mitimbiɗim ngi muco, a tiɓa gwat naŋ a muŋ, anja gazlavay mititim titim a ndir araŋ, ko i papas kwana, anja pas a ci ar luvuŋ.

Ɗerewol JOP 35:10

Amma ko mbur macufuɗ: «Buymisemuŋ migi ɗu, naŋ amaka? na, anta. Naŋ manjik dimis da mbur ti duvuɗu,

DIMISEY 23:4

Ko da i ra cuh tir butum misi luvuŋ ngi li ngi muc kwana, y'anta zluwun ti gwat neˀ ta wãˀ, asi k'ada ati ya, ki ra kisiy, ki ra cik vu angi ya, ya manjih hiri na, aseˀeŋ.

DIMISEY 77:5

Buymisemuŋ, k'anta ngum ɓa i tiɗa hiri ta, kay, a giy gigisl le, i si na ɓa i ɓi kini ta.

BI NGI ISRAYELEY 20:2

I ya Bumbulvuŋ Buymisemuŋ ɗik, mubo ti ka tir beke a hirwuy Ezipte.

EZAYI 63:9

Ti taŋ misi ar bonoy taŋ gar na, ko a slin mbur ti slin nga jina taŋ ta, amma i naŋ vuna ti hirnga naŋ mira laha taŋ. I naŋ ti haŋ naŋ mumbuɗo hirnga taŋ, vur hin gar, diga zlezle na, a jina taŋ le, yo a zuɓa taŋ le gumbuˀ gumbuˀ a haŋ, vur ara wuɗ taŋ, yo ara pura taŋ ircece.

EZAYI 64:7

Ani, cine ndra i ka Bumbulvuŋ ngbaŋ, ndr'i hohoy ngatara, mindira ndra i ka, ndra gar na, ndr'i slra ngi haŋ ɗiki.

ZEREMI 13:16

Bumbulvuŋ Buymisemuŋ kumo, dumbuŋ ɓa naŋ masa slino luvuŋ, ɓa sar masa bukum tikeˀe avu muwã misi luvuŋ timbiɗim na, gakaŋ dudok daf le. Ki ra kutukom li minjahha, amma naŋ a mbiɗi di luvuŋ makiɗ vu vagay, a mbiɗi di gazlavay mititim titim.

ZEREMI 2:2

«A ra til mi ti ɓi ani da mizli Zeruzalemeye, ɓa taŋ: Bumbulvuŋ a ɓi na: Ti kum misi ti zuŋ zleˀe gumbaˀ gumbaˀ avu ya, kum mawuɗikiy zleˀe kaɓa wuɗa vu ngi mangasl, kum misipikiy a wuzlaɓuh mikirɗak kirɗak, waɗ ar papala mapus gwat ta na, yi ra wulka ɓi nah keŋ.

ZEREMI 2:8

Masayay a cufuɗam ɗaˀ, «Bumbulvuŋ naŋ amaka?» ta. Buy ngi ɓimujuwahay a sinikiy mata. Mijigina mizli a slikiɗam ɓi ng'ar ya. Mijiviɗey a njikam di i ɓi ngi Baˀal, a ram ti kil kiŋ kiŋ asi gwatay mapulaka taŋ gir neˀ le ta.

ZEREMI 5:12

A jam mi vur ya Bumbulvuŋ, a ɓam na: ‹Buymisemuŋ, naŋ anta kini. Ko hiryi anta sa gi avu ndra ta wãˀ, ko vurum malla may anta sa gi avu ndra ta.

ZEREMI 5:2

«Ko da mizli ara hudumom, a ɓam: «I hudum le ti Bumbulvuŋ misi ti siifa» na, i ngataraŋ.

ZEREMI 51:43

Walahay naŋhay a tiram li le daŋ daŋ, hirwuy ngi kwalay misi giziŋ hiykom, walahay misi mbur a cifi anga mata, yo ko mbur macuh ti raˀa anta.

Ɗerewol OZE 12:13

Zakopo, a kil le nga Mezopotami vay muŋ, Israyel a gi slra ngi luuma ngwasa. a jigin ginewey ngi luuma ngwas.

Ɗerewol OZE 13:4

I ya Bumbulvuŋ Buymisemuŋ kum, zle a ruwuy Ezipte. Mbak ya le na, Buymisemuŋ kumo mekelem anta. Milih kum mekelem anta, sey i ya pal ɗu,

AMOS 2:10

Mbak nah vuna le ma na, mubo ti kum ti ruwuy Ezipte i ya. Yˀar li kis kum a wuzlaɓuh mikirɗak kirɗaka, hã vi kukur mufaɗ, ɓa ki tiɓaka hirwuy ngi Amoriheye da kumo.

Matiye 4:16

Mizli micifam ar luvuŋ na, a puram li minjahha le ciɗak ciɗaka. Mizli micifam ar li mitimbiɗim ngi mizli mumucahay na, li minjahha a go le ciɗak ciɗak ar taŋ.»

Slu cuw 1:19

Akẽh na, Bumbulvuŋ Buymisemuŋ ndra, a pula ndra jiviɗ, ɓa i slikiɗam baɗ a muwã Horepe, i ngiraka wuzlaɓuh mikirɗak kirɗak, ciɗak ciɗak, magi zluwun, kum mupuraka, misi tir jiviɗ mabi tir vay muwã ngi Amorihey na, a dirba ndra mindilaka Kades-Barneya.

Slu cuw 32:10

Bumbulvuŋ a luuma mizli naŋhaya a wuzlaɓuh mikirɗak kirɗak, pal taŋ a wuzla gwat ngi ɓuhoy matuwam. A ki slimiɗ ar taŋ, a dubuna taŋ gwatay, a jigina taŋ, kaɓa i zingaˀ ngi hiri naŋ.

Slu cuw 8:2

Wulkaka Bumbulvuŋ Buymisemuŋ kumo mutukukum ˀay ngi zuɓa jiviɗ madiɗa angi vi kukur mufaɗ a wuzlaɓuh mikirɗak kirɗak na. A zlirukum ati ɓi mutuwaˀ tuwaˀhay, ɓa ngi jiɗa kwacay kumo, ɓa a si na wuluk ngi mevel kumo, da ki ra jaka ɓimuɗuva naŋhaya a hirnga, malla kum anta jaka taŋ ta kwana.

MIGI KIITAHAY 6:13

Zedeyoŋ a mbiɗaŋ di: «Ambuh takwa kumani ɗu! Da Bumbulvuŋ naŋ da ati ndra na, gwatay migam avu ndra kahana na vur mike? Gwat ngi zuma hirngahay, cine ndrahay muslufam ndra ɓi taŋ na taŋ ama ani ska? A ɓam na: ‹I Bumbulvuŋ mubo ti ndra ti ruwuy Ezipte kini ta kwa?› Na wurenna, Bumbulvuŋ a pula ndra le zlaɗ asi haŋ ngi Madiyanay so.»