ZEREMI 2:5 - Bible en langue guiziga

⁵ Bumbulvuŋ a ɓi na: Dideˀ kumoy mupulikiy na, a lumam zluɓ mi avu yaka? A kilam ngi ru ti sipi gwat lambaˀ kine, mbak ani taŋ vuna a tiram le ka gwat lambaˀhay.

ZEREMI 2:5 ပူးပေါင်းရင်းမြစ်များ

BUYOY MUCUW NAŊ 17:15

Ɓimuɗuva naŋhay ati jumoˀay naŋ ati dideˀ taŋhay zleˀe waɗ mingiɓi naŋ mika taŋ di mumuyuŋ zay sla a slimiɗ na, a hizigaka le avra. A sipam gwat ngatarahay lambaˀ, joˀ taŋ vuna a tiram gwat ngatarahay lambaˀ. Taŋ a sipam di i ɓi ngi sukwi mugun hirnga taŋhay na, dambalaka Buymisemuŋ a tika taŋ le, anja a gam kaɓa taŋ na ta ngbaŋ.

DIMISEY 115:8

Mizli muvuɗa kulihey vuna, waɗ mizli manjaham hiri asi taŋ gar na, a tiram le ka kulihey vuna ya.

EZAYI 29:13

Bumbulvuŋ a ɓi na: «Mizli, a kircohoko ng'avi ya ti mingiɓi si, a hunumikiy daˀ avu mi si, amma mevel taŋ naŋ kileŋ avu ya. Taŋ maɓam ara sluwunam ti ya vuna, i gwat ngi sirik ngi mizli titrahay, mudubuna ti dubun.

EZAYI 44:9

Mizli mavuɗam kulihey na, taŋ vuna gar i mizli ta, gwat taŋ mavuɗaka vuna, anta pula taŋ gir neˀ ta. kuli, sedewo taŋhay vuna, t'anta puram neˀ le ta. A sinam gwat neˀ le ta, taŋ mipam mesem na vurˀe.

EZAYI 46:12

Kum mizli micin tahay, kum mizli mikileŋ avu ɓi mijeŋŋe na, cinaka mingiɓi ɗu ani:

ZEREMI 10:8

Taŋ cek i gilaway, manja lesley. Mudubuna taŋ gwata i dum ngatara lambaˀ.

ZEREMI 12:2

Ki hirva taŋ le, a pam dimbasl le, a gilam, hã a yam. A zilaka slimiɗ ɗike daˀ avu mi tewle, amma a mevel taŋ, taŋ kileŋ avu ka.

ZEREMI 14:22

A wuzla kuli ngi sukwi ngi mizli na, magi vuŋ gu ada asi taŋ kwa? Malla mago vuŋ malasar na, i muŋ vuna kwa? Mago di i ka Bumbulvuŋ, Buymisemuŋ ndra ta kwa? I roko hiri njahha asi ka, asi maga gwat tayna gar i ka.

ZEREMI 2:31

Kum mizli migwenehey, cinaka mingiɓi ngi Bumbulvuŋ! Ani yi tiri le avu Israyele, yi wuzlaɓuh mikirɗak kirɗak sukwa? Malla yi hirwuy misi luvuŋ timbiɗim avu taŋ sukwa? Na mizli ɗuwoy a ɓam: «I ram ng'ar li ndra muwuɗam le, ko i moko ng'avi ka mata na, vur mike?

ZEREMI 2:4

Kum dideˀ ngi Zakopoy ati kum Israyel muyoy gar, cinaka mingiɓi ngi Bumbulvuŋ.

ZEREMI 8:19

Mizli ɗuwoy, misi njaha hiri taŋ anta mata, taŋ maziloko vu zle angi hirwuy mikileŋ na, i ra cina. A ɓam: ‹Bumbulvuŋ naŋ anta a Siyoŋ mata kwa gawlay? Buy anta a diga mata kwa?› «A jikiy mevel asi mi, ti kuli taŋhay, waɗ ti gwat lambaˀ ngi mulakay naka?»

EZEKIYEL 11:15

«Ka mburu, sukum ɗikey gar, muy ɗikey, mizli Israyeley keɗeɗe, Zeruzalemey a ɓam vur taŋ: ‹Cifam kileŋ avu Bumbulvuŋ, hirwuy hana i muvula le, ɓa a ndir da ndra.›

EZEKIYEL 14:5

Kanah na, Israyeley mikiraham kileŋ avu ya asi ɓi ngi kuli taŋhay na, ɓa ɓi nah a ga taŋ gigisl a mevele.

ZONAS 2:8

Naɓa yi ro fiɗek fiɗek zleˀe, yi wuluk keŋ ar ka, joˀ yi ziluw: «Bumbulvuŋ ɗu» Dar diradibiɗ ɗu a ndil sesẽŋ avu ka, sesẽŋ ar hay ɗik mipal.

Matiye 15:8

«Mizli tayna a ɗuvikiy hirnga ti mi tewle, amma mevel taŋ, naŋ kileŋ avu ya.

SLRA 14:15

a ɓam: «Hey, ki gam nah i mi akẽh ka? Ndra vuna, ndr'i mizli titirahay kaɓa kum vuna ya. Ɓimezle ndra matulukum di mi hana na, ɓa ki pulaka gwat malambaˀ misi ka tayna, ɓa ki mbuɗoko hiri ng'avi Buymisemuŋ misi ti siifa, miga muŋ, hirwuy, mubuliy ati gwatay misi ar taŋ gar.

ROMAHAY 1:21

Asi mike na, a sinaka Buymisemuŋ le ngbaŋ, amma a ɗuvakaŋ hirnga ta, yo a gakaŋ sise ti jiviɗ naŋ kaslsla ta ma. Wuluk taŋ a kirih le kileŋ tivi ɓi mikaslsla jaka, mevel taŋ anta sla wala ngi ɓi mata, luvuŋ a sirta le sirit wãˀa.

Slu cuw 32:21

A slikiɗikiy suloŋ ti mulvuŋ taŋhay na, a slikiɗikiy mevel ti kuli taŋhay misi i gwat lambaˀhay na. Na ya, i wuɗo slikiɗa taŋ suloŋ ti jina sukwi misi i sukwi mupuɗaw ta, yo i wuɗo slikiɗa taŋ mevel ti sukwi manja lesle.

SAMUYEL MUDUMBUŊ NAŊ 12:21

Da kisa kiraham le avu Buymisemuŋ na, naɓa i ngi sa huruk huruk avu gwat lambaˀ ngataraŋ, mapulam gir ta, yo malaham mbur gu ta, asi mike i gwat lambaˀhay ngataraŋ.