ZEREMI 2:36 - Bible en langue guiziga

³⁶ Kum mawusam vu kutum ngi mbiɗa sipi jiviɗ kum na, ara mukum nga ruwuy! Eziptehey a sa pukum mesem, kaɓa mizli Asirihey mupukum mesem zleˀe na ya.

ZEREMI 2:36 ပူးပေါင်းရင်းမြစ်များ

ƁI NGI HINEY MUCUW NAŊ 28:16

Ti di nah na, buy Ahas a slin ng'avu buy Asirihey ɓa a soko jinakaŋ.

EZAYI 20:5

Vagas a sa ga mizli, yo a sa gam welele, asi a roko hiri njah asi Etiyopi zleˀe, yo ara gaka dudok da Ezipte zleˀe.»

ZEREMI 2:18

Na wurenna, maɗuɗukum nga Ezipte, ng'asi yam a mizaw Nil na, i gwat mike? Maɗuɗukum nga Asiri, ng'asi yam a mizaw Efrat na, i gwat mike?

ZEREMI 2:23

Ki zlaka avu mi ɓa ki ɓam: «Ndr'anta ti dili ta, yo ndr'anta sipaka Baˀala ta» naka? Inga puraka gwat ngi gi kum ar sozo na kwaɗay, sinaka gwat kum migaka na ayɗi. Ki bam vu ati zlogomo njawal maru ti kil ngiŋ ngiŋ lambaˀ!

ZEREMI 2:33

Kayya, ki sinaka wer ngi sipa mangasl kumoyo le haɗa teˀe! Gisiŋ, mbak hã ki sirikaka gi mungra madiɗa.

ZEREMI 22:20

Zeruzalem, jiɗ nga muwã Libaŋ, hiziga widi, bo ti ˀaya kaˀ a muwã Basaŋ. Hiziga widi ɓaˀ li, asi mangasl ɗikey a ngizlam le.

ZEREMI 22:22

Mijigin ɗikeye, himiɗ ara kil taŋ le, mangasl ɗikeye, ara jaka taŋ ng'ar hirwuy mulak. Dar busukum ngi dangwal ɗik a diɗ, mesem a sirtuw, asi moˀore ɗik ka maga gar na.

ZEREMI 31:22

Haya zuŋ ɗu mislikiɗa ɓi, kisa ndir ti liˀi kiŋ kiŋ hã ti vunaka? Bumbulvuŋ a gi gwat nawaya le asi ruwuyo: ani mabubuɗ ti mbur mizile i ngwasa.

ZEREMI 37:7

«Bumbulvuŋ Buymisemuŋ ngi Israyel a ɓi na: Buy Zuda mislino kum nga cufuɗ ɗu na, ara ɓakaŋ: da kine na, soje ngi buy madiɗa ngi Eziptehey mupulaka Ezipte, ɓa ara jinukum zleˀe na, a sa mam murdirba a muŋ ng'ar li pi sar taŋ a Ezipte.

ZEREMI 46:12

Sukwi ngi mizli a cinaka ɓi ngi pi mesem ɗik na le, asi widi ɗik mufuk fuk na, a cin le asi ruwuy keɗeɗe. Mbur miwirwire, a diɗ ar mbur miwirwir, a ndilam prisl cuw taŋ arleˀeŋ.

TUWUY 4:17

Ngi ndra, gidaŋ ngi hiri ndra a tiki le, asi i ra njaham hiri asi kila widi, amma a ndilo ta. Ar li ngi slra ndraˀahaya, i roko kutukom so ngi sukwi ngi mizli malaham vu gu ta.

TUWUY 5:6

I sukom gwat ti suk avu hirwuy Ezipte waɗ avu hirwuy Asiri, ɓa i lumam ɗaf ngi zum ngi kiɗa ndra maya.

EZEKIYEL 16:28

Ki pura na, gi sulome ɗik a kiɗuw may ta, dar ki zla gi naŋ ati mizli Asirihey, ki vula taŋ vu ɗike ngi gi sulome, amma ko a kiɗuw may ta na si.

EZEKIYEL 29:7

Ti taŋ muzuɓukuw paɗ ngi huruk huruk ti ka na, ki ngil ɓuluˀ asi haŋ taŋ, ki ga taŋ waˀa ar pepesle. Yo ti taŋ mijaham jah ti ka na, ki ngil tasl, hã ngizlaŋ taŋ a muɗu.

Ɗerewol OZE 10:6

Zuŋ sla kwana, a sa ram di nga Asiri, ara vulaka ngatara da buy madiɗa. Vurˀe, Efrayim a sa ndir ti mesem, yo Israyeley kwana, a sa pam mesem avu mukuluwa ɓi taŋ.

Ɗerewol OZE 12:1

Mizli Efrayimey ara gunikiy gun ti slir, mizli Israyeleye, ara tikinikiy. Amma Zuda, naŋ a ro ɓaˀ asi Buymisemuŋ aruŋ, yo a ro teŋteŋ avu Mipal wãˀa.

Ɗerewol OZE 14:3

Moko ng'avu Bumbulvuŋ, ɓakaŋ: «Gwat malambaˀ ndra migaka gar na, puya ndra taŋ avra, gwat mezle ndrahay na, tiɓa taŋ. Ar deɗe ngi mikuli ti gusoŋhoy na, ndr'i vulukuw mingiɓi ngi balam ndra.

Ɗerewol OZE 5:13

Efrayimey a puraka jiji taŋ le, yo Zudahay a puraka gwehgweh taŋ le. Joˀ Efrayimey a ram ng'avi Asirihey, dar a slinam mbur ng'avu buy madiɗa, amma buyo naŋ anta mbulukum gu ta, naŋ anta kufukum gwehgweh kumoy na gu ta.

Ɗerewol OZE 7:11

Efrayim a gi cunuˀ cunuˀ, yo i manja lesl kaɓa gonok. A zila Eziptehey ng'ava ma na, naŋ a kil nga Asiri.