ZEREMI 2:34 - Bible en langue guiziga

³⁴ Pumbus ngi misi murgahay ati ngi mizli migam gwat tahaya, a mul sesẽŋ avu mi ngi zana kumoy. Ko ki lumaka taŋ kasl ar li ngila miviŋ kumoyo ta ngbaŋ ni.

ZEREMI 2:34 ပူးပေါင်းရင်းမြစ်များ

BUYOY MUCUW NAŊ 21:16

Manase a kiɗ mizli migam gwat tahay le haɗa, hã pumbus taŋ a naha walahay Zeruzaleme gar. Mungra misi naŋ mihizigiɗa Israyeley ɓa a gam gwat malambaˀ a mihiri ngi Buymisemuŋ na, mbak nah le ɗagay.

BUYOY MUCUW NAŊ 24:4

Yo a kiɗ mizli migam gwat tahay le haɗa, hã kiɗa hirnga a gi le haɗa ar walahay Zeruzaleme. Vurˀe, Buymisemuŋ a ngum pula ɓi nah teˀ ta.

BI NGI ISRAYELEY 22:1

Da a jaka muhulo le kasl ar li slina dalam ti duvuɗo, a kiɗaka le vagay na, anta slufaka kaɓa kiɗa hirnga ta.

BI NGI ISRAYELEY 22:2

Amma da i papas na, naɓa i kiɗa hirnga ɓula. Da muhul a mbiɗa hirnga naŋ gu ta na, a sa hiɗikakaŋ, a gam di beke.

EZAYI 57:5

Ki wusam jaɓ jaɓ a ciki widis madiɗahaya, waɗ asi virzi ngi widis mingiriɗ gar, joˀ ki slaka ˀay ngi ziri kumoyo ngi gi taŋ mikuli ar hurjijiŋhey, waɗ ar butumoy.

EZAYI 59:3

Asi mike na, haŋ kumoyo cih cih ti pumbusu, yo muzuŋ haŋ kumoyo, i mihiryahay le ti gi gwat malambaˀ mukuytahay wãˀ, mi ngi balam kumo, i ngi ziza mbur tewle.

EZAYI 59:7

Ki kilam kutum nga gi gwat malambaˀa, mbur migi gwat ta si na, ki kilam nga kiɗ naŋ vagay, wuluk kumo, i ngi gi malambaˀ tewle, baraf kumo, gwat mihiryahay ati muwahahay saɓaɓa araŋ.

ZEREMI 19:4

Keɗ keɗ na, mizli Zudahay a pulikiy le, taŋ mawuram gwat taŋ mavuka taŋ da kulihey ara na, a mbiɗaka le, mbak anta sin mata. I kulihey misi a jinaka taŋ vuna gu ta, a jinaka cine taŋhaya gu ta, yo ko a jinaka buy ngi Zudahaya gu ta ma. A nahaka li hana le ti pumbus ngi ziri migam gwat ta.

ZEREMI 2:33

Kayya, ki sinaka wer ngi sipa mangasl kumoyo le haɗa teˀe! Gisiŋ, mbak hã ki sirikaka gi mungra madiɗa.

ZEREMI 6:15

A roko lesl welele, asi a gam gwat le mukuyta wãˀa, amma ko anta ga taŋ mesem ta ma, busukum ngi vi dangwal taŋ a diɗ le na, a sinaka vuna ta. Kuy! A sa ndilam kaɓa mizli mekelemey gar vuna ya, tapas ya masa ga taŋ gwat ngi kwacay mombroŋ na, a sa puraka na, taŋ saɓaɓa a ruwuy.

ZEREMI 7:31

A ɗiyam li ɗiyeˀ ɗiyeˀ ɗingir da Tofet ar hurjijiŋ ar sozo Hinom, ɓa ngi gi mikuli mizlam zlam anga ti ziri taŋ mizile ati mongosohoy. I cufuɗa taŋ gwat kanah ɗaˀ ta, ko wuluk naŋ a so hirnga ɗu ɗaˀ ta ndiɗaˀ.

ZEREMI 7:6

Moholoy, mutuhu ati wudiga na, ki zumaka taŋ ta. Mbur migi gwat ta na, ki kiɗaka vagay ar li hana ta. Ki sipam kulihey ɓa hiryi a so ar kum ta.

ZEREMI 8:12

Ya Bumbulvuŋ i ɓi na: «Mesem a ja taŋ le, asi taŋ migam gwat malambaˀ mukuy ta naŋ wãˀ na, amma ko mesem vuna anta ga taŋ neˀ le ta. Busukum ngi vi dangwal taŋ midiɗ na, ko a si na ka ta Yo mbak ɗagay so, a sa ndilam saɓaɓa a ruwuy kaɓa mizli gar, ya masa cufuɗa taŋ ɓa a slufikiy gwat taŋ migaka na, a sa ndilam kros kros a ruwuy.»

TUWUY 1:9

Dili a pur ndim ndim avu patari naŋ, gwat masa lumaŋ na, a wulka ɓaˀfar le ta. Naŋ mihĩhĩy na, kay a zumaŋ hirnga le, ko mbur ngi tikin naŋ ar li tuwuy anta. Dar a ɓi: «Aw Bumbulvuŋ ɗu, pura, a tikikiy ˀay le, mesene ɗu a lum bugawla le ar ya.»

TUWUY 4:14

A ram ti liˀi kiŋkiŋ lambaˀ, kaɓa dangaray a jiviɗ madiɗahaya, zana taŋhaya jigiɓ jigiɓ ti pumbusu, mbak ko jiviɗ anta ngi ja haŋ avu zana taŋhaya ta.

EZEKIYEL 20:31

Da kum mira soko ti gwat ngi vul kumoy, kum mira gam mikuli ti ziri kum mizilehey na, kite ki cam le ar dili ati kuli kumoyo hã dana. Israyeley, ɓa ya, i pulukum vu, ki purikiy sukwa? Kaɓa ya misi ti siifa gisiŋ na! I ya Bumbulvuŋ, Buymisemuŋ maɓi: Y'anta pulukum vu ɓa ki purkiy ta.

EZEKIYEL 22:25

Mijiviɗ ngi si ruwuy naŋhay a juwam vu ti ɓi ngi gidiɓihey. A ra zumaka mizli, kaɓa mobor matuwuy ar li humbuɗa useˀ. A ra tiɓaka dala ati zliliheye. A ra gaka ɓa wudigahay a yam vu haɗa ar walahaya.

EZEKIYEL 23:45

Amma mizli mijeŋŋehey a sa gaka taŋ kiita, i kiita maja ngwas migi madamahay ati ngwas mikiɗa hirngahay, asi i migi madamahay, yo haŋ taŋ jigiɓ jigiɓ ti pumbus ngi mizli.»

EZEKIYEL 24:7

Asi pumbus ngi mizli naŋ mikiɗa taŋ na, naŋ da aruŋ. A pa pumbus nah vuna ar mandazlay mupurɗak ar li babara si, a pa a ruwuy ta, ko a pi muyuŋ a hirnga naŋ ta.

EZEKIYEL 9:9

A ɓiy na: «Mungra ngi Israyel ati Zudahaya, a gi le haɗa, naŋ fineˀ gidaŋ. Pumbus a pi asi ruwuyo haɗa teˀe, yo gi moˀore a fini gidaŋ le ar walahaya, asi a ɓam na: ‹Bumbulvuŋ, a muɗ haŋ le avu hirwuyo, Bumbulvuŋ anta pura ndra gu ta›.