ZEREMI 2:32 - Bible en langue guiziga

³² Zuŋ diili ada puyuk hirnga ti gwat ngi wuya naŋ kwa? Zuŋ mazuɓaka ngi hay zile, ada puyuk hirnga ti zana ngi zuɓa zile kwa? Amma kum mizli ɗuwoyo, ki puyukom ti ya hirnga le, diga misi ngadana ta.

ZEREMI 2:32 ပူးပေါင်းရင်းမြစ်များ

ZLI VIRZI 24:22

Zlogomohoy a sam yama, a kiɗ mi le muduba so. Mbur tuwa, a zuɓa dangwa mududok, mimezleŋ waɗ ɓalaŋ nga haŋhay cuw mimezlehey, mududok dudokoy, i muvuɗa taŋ cek ti ɓiri tapasl tapasl.

ZLI VIRZI 24:30

Naŋ mupura dangwa ati ɓalaŋhay a hirbazla sukumuŋ, yo naɓa a cine Rebeka a slufaŋ ɓi ngi gwat mucuh na le gar si, aru ng'avu mbur mideŋ ti zlogomo naŋhaya gweˀ a mi yam tuwa.

ZLI VIRZI 24:53

Dar a bo ti gwat muvuɗa ti ɓiri gazahay ati ngi ɓiri tapasl tapasl waɗ zanahay, a vula taŋ da Rebeka. A vula gwat mupuɗaw puɗaway da sukum ngi zuŋ ati mumuŋ ma.

SAMUYEL MUCUW NAŊ 1:24

Ngwas Israyeley, tuwaka Sawulo, Sawul makukum zana gagaza pilngiɗ pilngiɗ zleˀe, yo magukum gwat ngi wuyahay zleˀe, magukum gwat ngi wuya ngi ɓiri tapasl tapasl avu zana kumoy zleˀe tuwa.

DIMISEY 106:21

A puyukom hirnga ti Buymisemuŋ, milih taŋ le, Buymisemuŋ migi gwat madiɗahay a Ezipte,

DIMISEY 9:17

Bumbulvuŋ ara bugo vu, ɓa mizli a sinakaŋ, a zla kiita le, mbur miteŋteŋ ta na, a jaŋ ti kwar naŋ tehhe a muŋ.

EZAYI 17:10

Asi ka Israyele, ki puyuk hirnga le ti Buymisemuŋ milih ɗike. Mandazlay muwã, li ɗum ɗike, ki wulka keŋ mata. Vurˀe ki hirvi gwat mundumoy, yo ki zligi hilfa gwat ngi mulakay.

EZAYI 57:11

Mugukum zluwun haɗa i wa, ɓa hã ki gikiy gilaw kahana, ki wulkam keŋ ar ya mata na ka? Ki kikiy ɓaˀ le a mevel kumo ta. Yi ndir teˀteˀ, a zik le, kum mazluwunam ti ya mata na vurˀe.

EZAYI 61:10

I ra mumul haɗa, haˀaw i ra mumul vur Bumbulvuŋ. Membezleŋ ngi vu ɗu ara zluzluɓ vur Buymisemuŋ ɗu. Asi naŋ milihiy na, a kiy di i zana avu vu, naŋ micifi bugawla na, a sirtiy di i godo. Ya mamumul na, kaɓa gawla muzuɓ ngwas, mutuwuɗa hirnga le ti loppol ngi muguzlum, yo kaɓa meketeŋ ngi mbur miɗiya vu le ti gwat ngi wuya naŋhay.

ZEREMI 13:10

Mizli malambaˀ tayna mangumam cine mingiɓi ɗu ta, macicam kaŋ kaŋ ti cin ta taŋ, yo masipam kulihey, mahuruk hurukam, waɗ mahurukom a mbuŋ taŋ na, anja a tiram kaɓa kanda nah, mihirya le fuk wãˀ na.

ZEREMI 13:25

Zeruzalem, gwat mandilo avu ka ani, i mi ngi ɗik, ya mawuw di vu, asi ki ra puyuk hirnga ti ya, ɓa ki vula mevel ɗike da kulihey. I ya Bumbulvuŋ maɓi.

ZEREMI 18:15

Na mizli ɗuwoyo, a puyukom ti ya hirnga le, ara wuram gwatay taŋ mavulaka taŋ da gwat lambaˀhay, gwatay mabaka taŋ sar ar buwalay, a jiviɗ taŋ misi zleˀehey, a zuɓam jiviɗ mikelew kelewey, buwal manja cir.

ZEREMI 2:11

Sukwi ngi mizli a mbiɗaka kuli taŋhaya le ɗaˀ ti mekelemey kwa? kulihey vuna i gwat mupuɗaw puɗaway ta ngbaŋ ni! Amma mizli ɗuwoyo, a mbiɗikiy ya dudok taŋ le ti gwat mapul gir ko neˀ ta.

ZEREMI 2:33

Kayya, ki sinaka wer ngi sipa mangasl kumoyo le haɗa teˀe! Gisiŋ, mbak hã ki sirikaka gi mungra madiɗa.

ZEREMI 23:27

Taŋ maslufaka ɓi ngi musuwun taŋ ar wala taŋ na, a wuɗam ɓa mizli ɗuwoy a puyukoko hirnga ngi slimiɗ ɗu, kaɓa dideˀ taŋhay ati kuli taŋ Baˀal mupuyukoko hirnga ngi slimiɗ ɗu na ya.

ZEREMI 3:21

Widi ara cino tir li miɗingir ɗingireye, i Israyeley matuwam, yo matumbuloko Buymisemuŋ, asi taŋ mupuyukom hirnga ti Bumbulvuŋ Buymisemuŋ taŋ tuwa na, a zizam jiviɗ ti zizi.

EZEKIYEL 22:12

Asi hirwuy ɗike, a wurkaka mburo, ɓa ara kiɗ hirnga. Mbur a didiɗ gwat ɓa a sa mo di ti yam anga haɗa. Ki zuma gwat ngi cil ɗike ti gidaŋ, amma ya, ki puyuk hirnga le ti ya. I ya Bumbulvuŋ, Buymisemuŋ maɓi.

Ɗerewol OZE 8:14

Israyel a puyuk hirnga ti mbur migi naŋ le, a ndir mugum ngi buyoy. Zuda kwana, a ndir walahay muguno ti moholoy haɗa. Amma yi saka vu da walahay tayna, a sa wura walahay muguno ti moholoyo kap.

Slu cuw 32:15

Naŋ kine, Israyel a zum a mbi le, Yesuruŋ mimbi na, a slikiɗ ɓi. A zlumbur kikiɗif kikiɗif, paɗ vra vra. A zla pula Buymisemuŋ migi naŋ vuna. A pa mesem le da mandazlay muwã milih naŋ.

ƁIMUNJUYO 21:2

Keɗ na, walahay madiɗa mipal, Zeruzalem nawaya, ara po sar paɗ a muŋ ti ciki Buymisemuŋ. A juw vu le kaɓa ngwas miɗiya vu naŋ le ngi kutuko zil naŋ ngi sliˀi.

MIGI KIITAHAY 8:34

Israyeleye, Bumbulvuŋ Buymisemuŋ taŋ, miloho taŋ tisi haŋ ngi mesene taŋhay migun hirnga taŋ na, a puyukom di hirnga le.