ZEREMI 2:31 - Bible en langue guiziga

³¹ Kum mizli migwenehey, cinaka mingiɓi ngi Bumbulvuŋ! Ani yi tiri le avu Israyele, yi wuzlaɓuh mikirɗak kirɗak sukwa? Malla yi hirwuy misi luvuŋ timbiɗim avu taŋ sukwa? Na mizli ɗuwoy a ɓam: «I ram ng'ar li ndra muwuɗam le, ko i moko ng'avi ka mata na, vur mike?

ZEREMI 2:31 ပူးပေါင်းရင်းမြစ်များ

BUYOY MUDUMBUŊ NAŊ 11:22

Buy madiɗa ngi Ezipte a cufuɗaŋ: «Ki pur jiviɗ gurjik kine ɓa ki mi le ng'asi ruwuy ɗik na, ka misi avu ya aka na, gwat mukicuw ada kwa mbrike?» Genubat a ɓaŋ: «Ko gwat mikiciy neˀ anta, amma puliy i mi le ng'asi ruwuy ɗu si.»

ƁI NGI HINEY MUCUW NAŊ 31:10

masay Azariya, madiɗa, muy ngi Sadok, a mbiɗaŋ di: «Diga mizli mizlaka so ti gwat ngi migam taŋhay ng'ar hay ngi Bumbulvuŋ na, i zumam hã i mbam, is naŋ a ndir lambaˀ, asi Bumbulvuŋ a ɗuwula mi le da mizli naŋhaya, mizikitiŋ zikitiŋ hana i is naŋ mindir.»

Ɗerewol JOP 21:14

A ɓaka Buymisemuŋ le zleˀe ngbaŋ: «Pula ndra mbakka, ɓi ngi sipa jiviɗ ɗik na, anta cira ndra hiri ta.

MIKUCUWULOY 30:9

asi da i gi zlili le haɗa ma na, i sa ji mi, i sa ɓi: «Bumbulvuŋ vuna i waka? I si na ta», malla da i gi viya le ma na, i sa hul, naɓa i sa hirya slimiɗ ɗik, ka Buymisemuŋ ɗu na ma.

EZAYI 45:19

Ya miɓa ɓi ɗu na, i ɓa ɗum ti ɗum ta, i ɓa ar luvuŋ mukulkuc ngi ruwuy ta. Dideˀ ngi Zakopoyo, ɓa a sipikiy ar li munjoŋ kine na, i ɓa taŋ ta. Bumbulvuŋ i ya, yi ɓi di i ɓi mijeŋŋe, i til mi ti ɓi mikaslsla.

ZEREMI 2:20

Diga zlezle na, ki ra ngilaka galalaŋ mukukum di gindiɗ asi ˀay na, ki ra mburucaka zeweɗey mujuwukum ti taŋ na, joˀ ki ɓam na: «Ndr'anta wuɗam gi beke mata.» Amma ar li miɗingir ɗingir madiɗahay gar, asi widis mutukuf tukufoy gar na, ki roko gbangbaŋ mirkendel kaɓa ngwas sulomehey.

ZEREMI 2:25

Jam lesl Israyeley, vur kum maram sar ɓaˀ ɓaˀ kine, yo vur mumburlok kumoy mamuˀulom. Amma ki ɓam na: «Ĩˀĩ! Kanah ta! I wuɗam kuli mulakaya, i ra wuɗam sipi taŋ.»

ZEREMI 5:5

I sa ru ng'avi mizli madiɗa taŋhaya, ɓa i ɓam ɓi ati taŋ. Ko mbri na, taŋ a sinaka gwat Bumbulvuŋ mawuɗo le, a sinaka gwat Buymisemuŋ taŋ macufuɗo le.» Amma taŋ gar i magayak purla, a ngumam cine mi ta, a slam himaˀ le.

ZEREMI 5:6

Yawwa! moboroy a sa boko tisi dum, a jaka taŋ, Kiriɓuhoy, a sa jaka taŋ. Dirlengehey a sa ndahaka walahay taŋhaya, da mbur mubo le put si na, a puwaka njeɗek, asi ara gam mungra ti vendeke, taŋ mapulaka sipi jiviɗ tuwa, ara bigi ko mbak le anta.»

EZEKIYEL 14:5

Kanah na, Israyeley mikiraham kileŋ avu ya asi ɓi ngi kuli taŋhay na, ɓa ɓi nah a ga taŋ gigisl a mevele.

Ɗerewol OZE 13:6

Kum mindiloko ndil ar li misi gwat ngi zum ara si na, ki mbam le, amma kum mimbam si na, joˀ ki huhumomvu, kum mupuyukom hirnga ti ya na vurˀe.

AMOS 1:1

Ɗerewol hana, a ɓi di i ɓi ngi Amos mbur misi ginewey a ruwuy Tekoˀa. A ndir vi cuw ɓa ruwuy a jijik na, Buymisemuŋ a ɓaŋ ɓi vur zumabuy ngi Israyel, a ɓaŋ hirak ti Oziyas ma zum buy a ruwuy Zuda, yo Zeroboˀam mangal ngi Yoˀas i buy angi hirwuy Israyel.

MISE 6:9

Mizli mazluwunam ti Bumbulvuŋ na, naŋ a sa laha taŋ, Dar a zila mizli ngir walahayaya, a ɓa taŋ: kum sukwi ngi mizli mukos kos ar walahay, cinam:

KORENTIHEY MUDUMBUŊ 4:8

Wuy ta na, ki mbam le si, ki gam zlili le si, kum i buyoy, mbak ndra ndra le so. Haˀaw, i wuɗ le haɗi ɓa ki tiram buyoy vuna gisiŋ, naɓa ndra kwana, i sa zumam buy ati kumo!

Slu cuw 31:20

Naŋ kine, yi sa ci ti mizli tayna nga hirwuy misi ɗuwa ati mam ara ɓulom a ra, hirwuy ya miɓa ti hudum da dideˀ taŋhay tuwa. Adiga, a sa zumam ka taŋ mawuɗam, a zlumburam. A dirba nah, a sa mbiɗam hiri ng'avu kulihey, a gaka gwat kulihey mawuɗama. A sa hirsikiy ya, a sa ngilaka jumoˀay ɗu ati taŋ.

Slu cuw 32:15

Naŋ kine, Israyel a zum a mbi le, Yesuruŋ mimbi na, a slikiɗ ɓi. A zlumbur kikiɗif kikiɗif, paɗ vra vra. A zla pula Buymisemuŋ migi naŋ vuna. A pa mesem le da mandazlay muwã milih naŋ.

Slu cuw 32:18

Haˀ aw Israyel, ki ki slimiɗ ar micikavu a hirnga ɗike ta, ar migi ɗike ta, ki puyuk hirnga le ti Buymisemuŋ muvuluw siifa.