ZEREMI 2:25 - Bible en langue guiziga

²⁵ Jam lesl Israyeley, vur kum maram sar ɓaˀ ɓaˀ kine, yo vur mumburlok kumoy mamuˀulom. Amma ki ɓam na: «Ĩˀĩ! Kanah ta! I wuɗam kuli mulakaya, i ra wuɗam sipi taŋ.»

ZEREMI 2:25 ပူးပေါင်းရင်းမြစ်များ

ƁI NGI HINEY MUCUW NAŊ 28:22

Ahasa, ko ti taŋ mindahakaŋ hirnga ndah na tekeɗe kwana, ara ziriɗa mi ngi Bumbulvuŋ ti vendeke na si jaka.

ƁI NGI HINEY MUCUW NAŊ 28:23

A ga mikuli da kuli ngi si ruwuy Damasay, mipakaŋ hirnga vuna jaka, a ɓi: «Ani kuli ngi buy Sirihey ara jinaka taŋ, zuwen i ga taŋ mikuli ɓa a soko jinikiy ya.» Dambalaka migaka ɓa buy ati Israyeley gar a zizaka hirnga taŋ na, i kuli tayna vuna.

EZAYI 2:6

Aw Bumbulvuŋ, mizli ɗikey, dideˀ ngi Zakopoyo, ki pula taŋ le. Mizli ngi si pas ngi miprikey, a roko hoyo hoyo a diga, mupura daˀasaya, taŋ fineˀ Filistiheye, asi ziri ngi mulakay a diga haɗi wãˀ.

EZAYI 57:10

Kum miram haɗa tuwa na, ki giram le kupuyah kupuyah. Amma ɓa ki ɓam: «Ingatara» na, ki ɓam ta. Ki lumam gidaŋ a muŋ ma, ki ɓulaka gire le avra.

ZEREMI 13:21

Mizli makutukuw kuti ngi bonoyo, kisa ɓi vur taŋ mbrike? I ka vuna misirka taŋ, ɓa a wukuwo. Haˀaw, ɓi nah a sa giruw, kaɓa kwacay magira ngwas ngi yi.

ZEREMI 13:22

Ki sa ɓi ti kwacay ɗike: «A gi kanah avu ya vur mike?» Taŋ makursukuw mi ngi rop ɗike nga muŋ, yo taŋ magukuw moˀore na, asi gi malambaˀ ɗik mukuyta wãˀ na.

ZEREMI 14:10

Bumbulvuŋ a ɓa mizli tayna tuwa na: «Kanah, a wuɗam nga taŋ i liˀi, hirnga kaˀ lambaˀa, t'anta deŋ ar li purla ta.» Vurˀe, gwat ngi gi taŋ anta cira hiri da Bumbulvuŋ ta, malambaˀ taŋ a ro keŋŋe a hirnga naŋ, a kuta taŋ kuti ngi bonoy asi malambaˀ taŋ na.

ZEREMI 18:12

Amma taŋ a sa ɓam: «A ca ndra ta! I sa gam ngi ndra i gwat ndra mihinam di a kwacay ndra na si, yo mbur gar a sa cici kaŋ kaŋ ar cin ta naŋ malambaˀ wãˀ na.»

ZEREMI 2:31

Kum mizli migwenehey, cinaka mingiɓi ngi Bumbulvuŋ! Ani yi tiri le avu Israyele, yi wuzlaɓuh mikirɗak kirɗak sukwa? Malla yi hirwuy misi luvuŋ timbiɗim avu taŋ sukwa? Na mizli ɗuwoy a ɓam: «I ram ng'ar li ndra muwuɗam le, ko i moko ng'avi ka mata na, vur mike?

ZEREMI 22:20

Zeruzalem, jiɗ nga muwã Libaŋ, hiziga widi, bo ti ˀaya kaˀ a muwã Basaŋ. Hiziga widi ɓaˀ li, asi mangasl ɗikey a ngizlam le.

ZEREMI 22:21

Ti ka muro zleˀe ko zluwun anta na, i ɓuw le, ki mbiɗiy di: ‹I wuɗ cin ɓi neˀ ta.› Gwat ka mugo di diga ti zuŋ na, i nah, ko ki ciniy mi ɗaˀ ta ndiɗaˀ!

ZEREMI 3:13

Amma si na malambaˀ ɗik na ɓula: ka mislikiɗ ɓi na, avu Bumbulvuŋ Buymisemuŋ ɗiki. Ki wus vu ngi ru aka aka ng'avi kulihey, asi widis mutukuf tukufoy gar. Ki cine mingiɓi ɗu ta. I ya Bumbulvuŋ maɓi.

ZEREMI 44:17

Gwat ndra majuwaka a mevel ndra ngi gi ngi gi gar na, i sa gaka gbaˀ na si: i wuraka gwat ngi migamay da Maˀay ngi muŋ, i puslakaŋ, kaɓa ndra vuna ati cine ndrahay, buy ndrahay ati mizli madiɗa ndra ngi slrahay migaka ar walahay Zudahay waɗ a jiviɗ ngi Zeruzalemey na. Hã gwat ngi zum a gi le ka zay, i cifam le ti mumul, ko hiryi anta.

TUWUY 1:2

Vur duvuɗ gar na, a ro ar li tuwuy, kwala ceɗ ceɗ ti tuwuy. A wuzla ngama naŋhay gar na, ko mitikin naŋ ɓa a taˀa tuwuy anta. Cil naŋhay gar a vulakaŋ le ngi ji, a tiram mesene naŋhay le.

TUWUY 4:4

Irne ngi ziri gazahay ara ngbˀam a balama, asi madalyam, ziri memeɗehey a cufuɗam ɗaf, amma ko mbur masa taŋ di anta.

EZEKIYEL 20:32

Gwat kum mawulkaka na, anta sa ndilo ta, kum maɓam: ‹I wuɗam i ndiram kaɓa sukwi ngi mizli mekelemey, kaɓa muy ngi mizli ngi si ruwuy mekelemey, ɓa i gam mezegwel da dumoy ati ɗuguroy na›.

Ɗerewol OZE 2:3

Ɓaka sukum kum mizileheye na: «Mizli ɗuwoy», yo sukum kum mongosohoyo ɓaka taŋ: «mawuɗam taŋ haɗa».

Ɗerewol OZE 2:5

Da kanah ta na, i sa cukoŋ zanahaya, i pulaŋ gulndiŋ kine, i sa pulaŋ gulndiŋ kaɓa tapas hin ngi yi naŋ, i sa tiri di kaɓa ɓuh mikirɗak kirɗaka, i sa tiri di li mumuˀulo, i sa pulaŋ ɓa a muc ti madalyam.

MALASI 3:14

Ki ɓam ma na: «Gi mezegwel da Buymisemuŋ vuna, a pul gir mike? Yo Bumbulvuŋ misi gidaŋ wãˀa, ɓi naŋ miɓa taŋ ɗaˀ ɗaˀ le, yo cifi ti tuwuy a mbuŋ naŋ vuna, ji taŋ a hirnga a pul gir mike?

Ɓimezle ngi Yesu Kristu LUK mitil di mi 15:22

Amma cine a ɓa gawla naŋhaya: ‹Wusam vu, zuɓoko zana hirnga, kakaŋ di, cakaŋ dangwa avu muzuŋ haŋ, yo cakaŋ tarak a sara.

Ɓimezle ngi Yesu Kristu LUK mitil di mi 16:24

Dar misi zlili a tila mi da Abrahama: ‹Baha ɗu Abraham, puriy ˀircece takwa! Inga slina Lazar na, ɓa ara ca muzuŋ haŋ naŋ ar yam, ɓa a sa njufiy di avu irne, asi i ra si bonoy haɗi ar vu aka.›

ROMAHAY 8:24

Asi Buymisemuŋ a laha ndra le, amma i njaham hiri aseˀe ti njih aruŋ. Na, da mbur ara pura gwat naŋ manjih hiri aseˀe tuwa na, kite a njih hiri ti njih mata. Gwat mbur mira pura ti hiri naŋ ma na, a njih hiri ti njih ɓula mbri mbri maka?

Slu cuw 28:48

Ki sa tiram beke ngi mesene kumoy, Bumbulvuŋ masa slino taŋ ngi kiɗa vu ati kum na. May a sa jukum, yam a sa gukum, kisa ndiram gulndiŋ gulndiŋ kine, ko gwat kum neˀ anta. Bumbulvuŋ a sa kukum galalaŋ ngi ɓiri asi ˀay kumoyo, hã ki ngizlam pay wãˀ.

Slu cuw 32:16

Israyeley, a gaka gwat ngi ji mevel da Bumbulvuŋ ti gwat ngi gi taŋ malambaˀ miwãˀ na. A slikiɗakaŋ suloŋ ti huruk huruk taŋ a mbuŋ kulihey na.