ZEREMI 2:20 - Bible en langue guiziga

²⁰ Diga zlezle na, ki ra ngilaka galalaŋ mukukum di gindiɗ asi ˀay na, ki ra mburucaka zeweɗey mujuwukum ti taŋ na, joˀ ki ɓam na: «Ndr'anta wuɗam gi beke mata.» Amma ar li miɗingir ɗingir madiɗahay gar, asi widis mutukuf tukufoy gar na, ki roko gbangbaŋ mirkendel kaɓa ngwas sulomehey.

ZEREMI 2:20 ပူးပေါင်းရင်းမြစ်များ

BUYOY MUDUMBUŊ NAŊ 12:32

Ŋhoyyo na, a gaka muguzlum a Zuda angi hin mukuruˀ nga zlum ngi kiya midangafaɗ naŋ. Zerorboˀam tuwa, a ɗuva hin ngi muguzlumo kanah ya, a jiɗ ng'ar li gi mikuli, a ga mikuliheye ti haŋ naŋ. A Betele, a ga mikuli da ziri sla ngi ɓiri tapasl tapaslay, naŋ muvuɗa taŋ tuwa, waɗ a cufa migi sedeheye ar li miɗingir ɗingirey ngi mikuli, naŋ muɗuva taŋ ngi gi mikulihey tuwa.

BUYOY MUDUMBUŊ NAŊ 14:23

Taŋ ka dideˀ taŋhay tuwa ya, a ɗiyam li miɗingir ɗingir ngi gi mikulihey, a ngam ɗuguroy ati kuli miɗiya ti dum miciɗa ti ciɗey, ar muwãhay waɗ asi widis tukuzohoy gar.

DIMISEY 107:14

A ɗiɗo taŋ tir luvuŋ, tir li mitimbiɗim mazizi vu tuwa, a buko taŋ celeluhoyo buk buk avra.

DIMISEY 2:3

A ɓam: «Gwat majumo ndra ati taŋ na, mburcukum di, purtukum dambla taŋhay na, huzugukum taŋ avra.»

DIMISEY 78:58

A gakaŋ gwat ngi ji mevel ti gi mikuli da kulihey ar li miɗingir ɗingireye, a slikiɗakaŋ suloŋ ti kuli taŋhaya.

BI NGI ISRAYELEY 19:8

Mizli gar a mbiɗakaŋ di misi purla: «Ɓi Bumbulvuŋ miɓa ndra taŋ gar na, i sa gakaŋ.» Joˀ Moyis ara mbiɗa mingiɓi ngi mizli da Bumbulvuŋ.

BI NGI ISRAYELEY 24:3

Moyis ara sipa ɓi ati jiviɗ ngi gwat ngi gi Bumbulvuŋ miɓaŋ taŋ na gar da Israyeleye. A mbiɗakaŋ di misi purla, a ɓakaŋ: «Mingiɓi Bumbulvuŋ miɓaŋ taŋ gar na, i sa gam taŋ slra.»

BI NGI ISRAYELEY 3:8

I po sar le ɓa i laha taŋ tisi haŋ ngi Ezipteheye, yo ɓa i ru ti taŋ tir hirwuy hana, nga hirwuy mezle mikirngiŋ, ngir ti ruwuy misi ɗuwa ati mam, ara ɓulom ara, ngir tivi hirwuy Kanaˀanay, Hitihey, Amorihey, Perizihey, Hivihey waɗ Zebusihey misi araŋ.

EZAYI 1:21

Mizli miteŋteŋ ngir walahay, yo migi gwat mijeŋŋehey tuwa, a tiram sulomehey mbri mbri maka? I mizli migi gwat mikaslslahay zleˀe, na wurenna, a tiram mikiɗa hirngahay mbrike?

EZAYI 10:27

Ti hin nah na, jijir ng'ir pepesl kumoy ati galalaŋ migindiɗ asi ˀay kumoyo, a sa cuko taŋ avra. Galalaŋ a sa diɗ, dar gwat a sa gi ka zay.

EZAYI 14:25

Hirwuy Asiri, i sa kiɗa tisi ruwuy ɗu avra. I sa njirsla ti sar ar muwã ɗuwoyo. Galalaŋ ngi Asirihey mines ar taŋ na, i sa cuko taŋ di avra. jijir ngir pepesl taŋ na, i sa zuɓa taŋ di avra.»

EZAYI 9:4

Tarak ngi sar soje mesene kumoy mawaka ruwuy ar li ru, yo zana ngi himiɗ mujuguɓo le ar pumbus na, taŋ mezle ngi wur, vu a zuma taŋ.

ZEREMI 13:27

Kay! Madamaka maga, may gwat ɗik, gi sulome ɗik mapi mesem na, i pura taŋ le. Kuli ɗik mukuy tahay misi a muwã waɗ a ɓuh na, i pura taŋ le kaɗaŋ kaɗaŋ. Aw Zeruzalem ɗu, ki ngum sipiy ɓa dili ɗik a zuɓ avra ta so! Na kisa zik kite wana aruŋ ka?

ZEREMI 17:2

Li gi mikuli taŋhay, kuli ɓamtal taŋhay migweˀ avu widis mutukuf tukufoyoy ndrehhe, misi ar li miɗingir ɗingirey na, a wulkaka ɓi taŋ kaɓa taŋ mawulkaka ɓi ngi ziri taŋhay na ya.

ZEREMI 2:31

Kum mizli migwenehey, cinaka mingiɓi ngi Bumbulvuŋ! Ani yi tiri le avu Israyele, yi wuzlaɓuh mikirɗak kirɗak sukwa? Malla yi hirwuy misi luvuŋ timbiɗim avu taŋ sukwa? Na mizli ɗuwoy a ɓam: «I ram ng'ar li ndra muwuɗam le, ko i moko ng'avi ka mata na, vur mike?

ZEREMI 3:13

Amma si na malambaˀ ɗik na ɓula: ka mislikiɗ ɓi na, avu Bumbulvuŋ Buymisemuŋ ɗiki. Ki wus vu ngi ru aka aka ng'avi kulihey, asi widis mutukuf tukufoy gar. Ki cine mingiɓi ɗu ta. I ya Bumbulvuŋ maɓi.

ZEREMI 30:8

Tapasa, i sa ngila galalaŋ naŋ, i sa cukoŋ di tisi ˀay avra, i sa mburca zeweɗey majuwakaŋ ti naŋ na, naŋ anta sa gi beke ngi mizli mulakaya mata ndiɗaˀ. I ya Bumbulvuŋ misi gidaŋ wãˀ maɓi.

ZEREMI 5:5

I sa ru ng'avi mizli madiɗa taŋhaya, ɓa i ɓam ɓi ati taŋ. Ko mbri na, taŋ a sinaka gwat Bumbulvuŋ mawuɗo le, a sinaka gwat Buymisemuŋ taŋ macufuɗo le.» Amma taŋ gar i magayak purla, a ngumam cine mi ta, a slam himaˀ le.

EZEKIYEL 16:28

Ki pura na, gi sulome ɗik a kiɗuw may ta, dar ki zla gi naŋ ati mizli Asirihey, ki vula taŋ vu ɗike ngi gi sulome, amma ko a kiɗuw may ta na si.

EZEKIYEL 16:31

Ti ka miɗiyi li viriw nga muŋ, a mazlaka jiviɗ gar, yo ti ka miɗiyi li mijiɗngwil angi li mizli macikilam anga gar na, ki hirsa ɓi ngi migir ɗike le, ki gi kaɓa sulomehey ta.

EZEKIYEL 16:41

A sa wurukuw hayaya, a sa gukuw kiita a mihiri ngwasay, zigiduw taˀ. I sa kiɗa hutuŋ ngi gi sulome ɗike. K'anta sa vul dala da mizli ar deɗe ngi migir taŋ mata.

EZEKIYEL 20:28

I ci ti taŋ le angi hirwuy ya muhudum, haŋ paɗ a muŋ, ɓa i vula taŋ di na. Li miɗingir ɗingirey ati siziɓey gar na, taŋ hiri taˀ angi taŋ. A gaka mikuli taŋhay a diga, gwat ngi vul taŋhay ngi slikiɗa mevel na, a gaka taŋ a diga, a paka urdi taŋhay ngi tisla mevel a diga, waɗ a puslaka mbaazla taŋhay a diga.

EZEKIYEL 23:5

Amma Ohola, i ngwas nga ya ngbaŋ, amma a tiri sulome. A biga may zil naŋ avu mangasl naŋhay waɗ avu Asiriheye:

Ɗerewol OZE 1:2

Mingiɓi ngi Bumbulvuŋ miɓa ti balam Oze na, zli virzi naŋ n'ani. Bumbulvuŋ a ɓa Oze na: «Aru, zuɓ ngi ngwasa, i ngwas magi sulome vur Buymisemuŋ. Ziri kum masa ya ka taŋ ati naŋ na, i ziri ngi ngwas sulomehey, asi mike na, hirwuy taˀ gar a mbiɗa duba le da Bumbulvuŋ, ara gam sulome lambaˀ.»

Ɗerewol OZE 2:5

Da kanah ta na, i sa cukoŋ zanahaya, i pulaŋ gulndiŋ kine, i sa pulaŋ gulndiŋ kaɓa tapas hin ngi yi naŋ, i sa tiri di kaɓa ɓuh mikirɗak kirɗaka, i sa tiri di li mumuˀulo, i sa pulaŋ ɓa a muc ti madalyam.

Ɗerewol OZE 3:3

Joˀ yi ɓaŋ: «Ki sa ndir da ya ngi hin mbeˀ mbeˀe, ki gi sulome ta, ki hinam ati mbur mekelem ta. Ya kwana, yi sa gi vur kakanah ya.»

Ɗerewol OZE 4:13

A sirkam le ngi gi mikuli a hirnga muwãhay, a sirkam le ngi wura gwat ngi mikulihey ar li miɗingirey, asi widis migidaŋ ka miter, asi widis madiɗa ati terebeŋhey, asi susuɗuk taŋhaya taŋ zuy zuy! Ziri mongoso kumoy, ara gam sulome, yo ngwas ngi ziri kumoy, ara gam madama.

Ɗerewol OZE 9:1

Israyel, asi ki ra gi sulome kileŋ avu Buymisemuŋ ɗike, yo asi migir ngir məlaŋ ngi alkamarihey gar na, kumo ki hĩyãm di i nah. Anta ngi cira hiri hã ngi zliɗukum lesl kaɓa sukwi mekelemey na ta.

LEVIHEY 26:13

I ya Bumbulvuŋ, Buymisemuŋ kumo mubo ti kum ti ruwuy Ezipte, ɓa ki gam beke taŋ mata. Mingila galalaŋ ngisi ay kumoyo, yo mubo ti kum hirnga paɗ a muŋ na, i yaha.

NAHUM 1:13

Wurenna, i ra ngila galalaŋ naŋ mihirisl ar kum vuna, yo i ra pusukukum celelu kumoy avra.»

Slu cuw 12:2

Kulihey misi a hirnga muwãhay, ar li miɗigirey, a wuzla widis mutukuzohoy gar na, kisa nguɓucaka taŋ avra wãˀ, asi sukwi ngi mizli kum masa ɓulaka taŋ na, ada huruk hurukam a mbuŋ kulihey vuna a diga.

Slu cuw 15:15

Kum misi zleˀe i bekehey a Ezipte, Bumbulvuŋ Buymisemuŋ kumo mutuɓo hirnga kumo na, inga wulkaka kwaɗay. Ya maɗuvukum ɓi hana dana na vurˀe.

Slu cuw 26:17

Ki tiɓaka le dana, Bumbulvuŋ a ɓi: A tiri Buymisemuŋ kumo le, ɓa kumo kwana, ki sipaka jiviɗ naŋ, ɓi mujuwa naŋhay, ɓimuɗuva naŋhay waɗ ɓi ngi sirik naŋhaya, ki jaka taŋ gar a hirnga, yo ki cinaka mingiɓi naŋ.

Slu cuw 4:20

Amma kumo, Bumbulvuŋ a hilo kum, a bo ti kum ti ruwuy Ezipte, hirwuy misi bonoy haɗi ara, ɓa ki tiram mizli nga naŋhay, kaɓa kum misi ani dana na.

Slu cuw 4:34

Malla kuli muguf ɗaˀ ngi tuɓo mizli naŋhaya, tisi haŋ ngi mesene taŋhay ti ga taŋ bonoy, ti gi cekenehey ati gwat migam ɗaˀ tahay, ti gi vurum, ti haŋ naŋ migidaŋ, ti hirbazla paɗ a muŋ, ti gi zluwun haɗi da mizli, kaɓa Bumbulvuŋ Buymisemuŋ kumo mgukum di, mur kum a Ezipte na, ki puram le ɗaˀ kwa?

Slu cuw 5:27

Moyis, ka kirih ng'avu Bumbulvuŋ Buymisemuŋ ndra, cine mingiɓi naŋ maɓa, ɓa kisa ɓa ndra di ya, i sa cinakaŋ, i sa gam di slra.»

ZOZUWE 1:16

Taŋ a mbiɗaka da Zozuwe na: «Gwat ka miɓa ndra di ɗaˀ le ngi gi gar na, i sa gakaŋ, yo li ka masa slina ndra ng'ara gar na, i sa rama si.

ZOZUWE 24:24

Mizli a mbiɗaka da Zozuwe: «Ndr'i sa gaka mezegwele da Bumbulvuŋ Buymisemuŋ ndra, yo i sa cinam di i mi da naŋ.»

ZOZUWE 24:26

Mingiɓi tayna gar na, Zozuwe a toho taŋ toh toh angi ɗerewol ɓimujuwa ngi Buymisemuŋ. A zuɓ ɗugur madiɗa waɗ a ng'akaˀ asi widis migidaŋ, misi angi hay ngi Bumbulvuŋ.

ƁIMUNJUYO 17:1

Akẽh na, pal a wuzla modro ngi Buymisemuŋhoy mitarnaˀ misi ti sikiɗey kaw kaw tarnaˀ tuwa, a so ngavi ya, a ɓiy: «Sawa, yi sa buguw kiita ngi ngwas sulome madiɗa micifi a mi mubuliy madiɗa na.

MIGI KIITAHAY 10:6

Mizli Israyeley a zlaka gi malambaˀ a mbuŋ Bumbulvuŋ sima. A huruk hurukam a mbuŋ Baˀal ati Astarte, waɗ a mbuŋ kuli ngi mizli Aramay, ngi Sidoŋhoy, ngi Moˀapay, kuli ngi Amoŋhoy, waɗ a mbuŋ kuli ngi mizli Filistihey. A pulaka Bumbulvuŋ mbak, a gam gawla naŋ mata.

MIGI KIITAHAY 2:11

Israyeley a gam gwat malambaˀ avu Bumbulvuŋ, a huruk hurukam a mbuŋ Baˀalay.

MIGI KIITAHAY 2:13

A pulaka Bumbulvuŋ fuku, a gam mezegwel da Baˀal ati Astarte.

SAMUYEL MUDUMBUŊ NAŊ 12:10

Akẽh na, a tilam mi ng'avu Buymisemuŋ, a ɓam: «I gam mungra le, asi ndra mupulaka Buymisemuŋ, yo ndra mihuruk hurukam a mbuŋ Baˀalay ati Astartehey na. Wurenna, laha ndra ti haŋ mesene ndraˀahaya, ɓa i sa huruk hurukam a mbuŋ ɗiki.»