ZEREMI 2:2 - Bible en langue guiziga

² «A ra til mi ti ɓi ani da mizli Zeruzalemeye, ɓa taŋ: Bumbulvuŋ a ɓi na: Ti kum misi ti zuŋ zleˀe gumbaˀ gumbaˀ avu ya, kum mawuɗikiy zleˀe kaɓa wuɗa vu ngi mangasl, kum misipikiy a wuzlaɓuh mikirɗak kirɗak, waɗ ar papala mapus gwat ta na, yi ra wulka ɓi nah keŋ.

ZEREMI 2:2 ပူးပေါင်းရင်းမြစ်များ

DIMISEY 129:1

Dimis ngi zuɓa mulak nga diradibiɗ a Zeruzalem. A zlikiy le is mbeˀ mbeˀ ngi kiɗa vu, diga ya misi ti zuŋ, Israyeley, maka hiri nah ava:

BI NGI ISRAYELEY 14:31

Israyeley a puraka gidaŋ Bumbulvuŋ mikiɗ di Eziptehey na le. Dar a zluwunam ti Bumbulvuŋ, a pulaka mevel taŋ da Bumbulvuŋ waɗ da gawla naŋ Moyise.

BI NGI ISRAYELEY 16:8

Moyis a wuɗ a ɓi na: «Ki sa puraka, ti pastaˀa, Bumbulvuŋ a sa vulukum useˀ, ti miprike, a sa vulukum ɗaf hã ki mbam, asi Bumbulvuŋ a cine kum madirɗakaŋ na le. Ndra, ndr'i ndilaka ta. Kum madirɗam na, i ndra ta, amma ki dirɗam di i Bumbulvuŋ gisiŋ gisiŋ.»

MIKUCUWULOY 1:20

Sinmijileŋ ara widi a jiviɗ madiɗahay, ara gi mi zlazlaɓ zlazlaɓ ar li ngi luumahay.

DIMIS MIMEZLE 3:11

Kayya, kum diili ngir walahay hirnga, soko, singilaka buy Salomoŋ, muro hirnga tuwaɗ tuwaɗ ti loppol, mumuŋ mutuwuɗaŋ di, tapas naŋ mazuɓ ngwasa, tapas naŋ mumumul na.

DIMIS MIMEZLE 3:6

Maso ti wuzlaɓuh mikirɗak kirɗak na i waka? Maso kaɓa musuure ngi cunju, a go urdi mir ati mukuturɓuy ngi zlum ti zlum, bik bik kaɓa urdi musoko di ti so ti ruwuy mulak na i waka?

EZAYI 58:1

Bumbulvuŋ a ɓi: «Widi ˀay ngar ngar, ki tika vu ɗike ta. Anja ˀay ɗik a cin kileŋ kaɓa tulum. Mizli ɗuwoy mimbiɗam hirnga avu ya na, njika taŋ di, dideˀ ngi Zakopoy migam malambaˀ na, njika taŋ di.

ZEREMI 11:6

Bumbulvuŋ a ɓiy: «A ra til mi ti ɓi hana gar ar walahay Zudahay waɗ a jiviɗ madiɗa ngi Zeruzalemey, ɓi na: Cinaka ɓi ngi jumoˀay hana, yo gam di slra.

ZEREMI 19:2

A dirba nah, kisa ra bi ar hurjijiŋ Ben-Hinom misi tir vay mizlingre ngi gigaˀayay na, ɓa ki til mi a diga ti ɓi ya masa ɓuw di ɗaˀ ɗaˀ na gar.

ZEREMI 2:1

Bumbulvuŋ a ɓiy ani:

ZEREMI 2:6

A ɓam: «Bumbulvuŋ mubo ti ndra ti Ezipte na, mibiga ndra jiviɗ a wuzlaɓuh mikirɗak kirɗak, ar ɓuh, yo ar li misi hurjijiŋhey ara, ar hirwuy ngi kwalay, mamuɗ didak, hirwuy misi ko mbur macuh ti ra malla macifi ara anta» na, ɓa a ɓam misi naŋ amaka na, ko a ɓam ɗaˀ ta.

ZEREMI 3:4

Ani wurenna ma na, ki ra ziliy: «Baha! Ka yeme ɗu, diga ti ya misi ti zuŋ!

ZEREMI 7:2

Cici deŋ a mizlingre ngi hay nga ya Bumbulvuŋ, ɓa ki til mi ti ɓi ani: «Kum mizli Zudahay gar macam tir mizlingre hanayna nga huruk a mbuŋ Bumbulvuŋ na, cinam.

EZEKIYEL 16:22

Ar gi gwat ɗik mukuy tahay wãˀ ati gi sulome ɗik na, ko ki wulka hin ngi diili ɗik na keŋ ta. Ka zleˀe migulndiŋ kine, manja zana, ki kiɗ vu ɓaˀ ar pumbus ɗike.

EZEKIYEL 16:60

Ya na, jumoˀay ɗu ati ka ti hin ngi diili ɗik na, yi sa wulka keŋ, i sa jumˀay ngi sete ati ka.

EZEKIYEL 16:8

Ya macuh a ciki ɗike na, yi puruw na, dambalaka hin ɗik a ndila le ngi wuɗa zil. Yi sirta mi ngi godo ɗu sirit ar ka mugulndiŋ kine tuwa. Yi ɓuw ti hudum, i jumom ˀay ati ka, dar ki tiri nga ya. I ya Bumbulvuŋ, Buymisemuŋ maɓi.

EZEKIYEL 23:19

A ra ga sulome naŋ makaw mbeˀ mbeˀ, kaɓa ar hin ngi gi zuŋ naŋ, ti di naŋ migi sulome zleˀe a Ezipte tuwa.

EZEKIYEL 23:3

A tiram sulomehey a Ezipte, ar diili taŋ kine aruŋ. Ɗuwa taŋ mijaka haŋ ɗaˀ avu taŋ ta na, a tutumaka taŋ di le a diga, a kaka taŋ haŋ le a didaka.

EZEKIYEL 23:8

Gi sulome, naŋ muzlo virzi naŋ a Ezipte tuwa, ara ru di nga mbuŋ nga mbuŋ. Adiga, mizli a hinam di le ar diili naŋ kine aruŋ, ɗuwa naŋ mijaka haŋ ɗaˀ ava ta, a tutumakaŋ di le, yo a tiram di sulome le zleˀe.

Ɗerewol OZE 11:1

Bumbulvuŋ a ɓi na: «Ti Israyel misi i zuŋ zuŋ aruŋ na, i wuɗaŋ le, yo naŋ mangal ɗu na, i zilo di le ti Ezipte.

Ɗerewol OZE 2:15

Hin ngi naŋ mawur taŋ gwat ngi mikulihey da Baˀal na, i sa ɓaŋ ɓa a slufa ɓi nah: Ti di nah, a ɗiyi vu ti dangwa ati gwat ngi wuyahay, aru ti kil asi mangasl naŋhay, na ya so na, a puyuk ti ya hirnga ɓula. I Buymisemuŋ miɓa.

Ɗerewol OZE 2:17

Ar nah so na, i sa maŋ ti guva ngi gudubun naŋ a muŋ, sozo ngi hiryi a Akor, i sa tiri di miviŋ ngi njaha hiri, a sa mahiri ngi gwat ngi gi naŋhay kaɓa ar hin ngi diili naŋ, kaɓa ar hin ngi naŋ mubo ti Ezipte.

Ɗerewol OZE 2:7

Gisiŋ, mumuŋ taŋ a gi sulome le, ngwas miyi taŋ a gi gwat ngi mesem le, asi a ɓi zleˀe na: «Yi wuɗ kil gizirihhe asi mangasl ɗuwoy, mavulikiy ɗaf ati yam ngi si, ngwic ngi tumuŋ ati gugumay mislirkeɗ waɗ mal ati gwat ngi si, i taŋ.»

Ɗerewol OZE 8:1

Fam tulum, tilam mi, ar mizli ngir hay ngi Bumbulvuŋ, mendere ara po sar kaɓa kurom, asi mike na, a ngilaka jumoˀay ɗu le, yo gwatay ya mudubuna taŋ di na, a slam huma le ava.

Ɗerewol OZE 9:10

Bumbulvuŋ a ɓi: «Israyele, yi luuma na, naŋ kaɓa yi ngi gudubun ar li papala, yo ti ya muluma dideˀ kumoy na, taŋ kaɓa yi ngi ˀuruf minih mudumbuŋ naŋ ar widise. Taŋ mindilam ndil a Baˀal-Peˀor si na, a vulaka vu taŋ da kuli nah mapi mesem, a tiram gwat mukuy tahay wãˀ, kaɓa kuli taŋ mawuɗam nah vuna.

ZONAS 1:2

«Aru kutum nga Niniv, walahay madiɗaŋ. Ki sa buca mizli ngi digahaya, asi moˀore taŋ na, a mbiy kwacay le muduba.»

Matiye 11:15

Mbur misi ti slimiɗ na, anja a cin!

Ɓimezle ngi Yesu Kristu LUK mitil di mi 12:13

Mbur a ɓo Yesu ti wuzla zigiduwo: «Kumani, inga ɓa sukum ɗu na, ɓa i wunkaka zlili cine ndra mupula ndra di na takwa?»

Slu cuw 2:7

Asi Bumbulvuŋ Buymisemuŋ kum, a ɗuwulukum mi le ar gwat ngi gi kum gar. Kum mutuwuɗoko wuzlaɓuh mikirɗak kirɗak na, a ki slimiɗ le ar kum, yo a gi ani vi kukur mufaɗ ati kumo, ko gwat mukicukum anta.»

Slu cuw 33:3

Haˀaw, Bumbulvuŋ a wuɗ sukwi Israyele, mizli nga naŋhay cek taŋ asi haŋ naŋ. A cikilam le cek asi sar naŋ, ara dubuna taŋ gwat.

Slu cuw 8:2

Wulkaka Bumbulvuŋ Buymisemuŋ kumo mutukukum ˀay ngi zuɓa jiviɗ madiɗa angi vi kukur mufaɗ a wuzlaɓuh mikirɗak kirɗak na. A zlirukum ati ɓi mutuwaˀ tuwaˀhay, ɓa ngi jiɗa kwacay kumo, ɓa a si na wuluk ngi mevel kumo, da ki ra jaka ɓimuɗuva naŋhaya a hirnga, malla kum anta jaka taŋ ta kwana.

Ɗerewol ZAK 4:4

Gwat sulomehey lambaˀ! Ji ngama ti duniya, i gi mesene ti Buymisemuŋ na, ki sinaka takwa? Mbur mawuɗ ji ngama ti duniya na, kite ara gi mesene ti Buymisemuŋ.

ƁIMUNJUYO 2:4

Amma gwat ya mambuɗuw hirnga aseˀe na, n'anihĩ: k'anta wuɗiy kaɓa angi zli virzi naŋ zleˀe mata ɓula.