ZEREMI 2:17 - Bible en langue guiziga

¹⁷ Gwat hana migi avu kum gar na, asi kum mupulaka Bumbulvuŋ Buymisemuŋ kumo mbak, ti di naŋ mukusukum zleˀe na takwa?

ZEREMI 2:17 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 28:9

Na ka, mangal ɗu Salomoŋ, dubuna si na bunuko, gi gawla naŋ ti mevel purla, yo ti membezleŋ ngi vu miwirwir. Asi Bumbulvuŋ ara ci a kwacay mizli gar, yo a sla wala ngi wuluk ngi mizli le gar. Da ki ra sipaŋ na, a sa buguw vu ɓa ki lumaŋ. Amma da ki pulaŋ le fuk na, a sa huzuguw a avra ngi sete.

ƁI NGI HINEY MUCUW NAŊ 15:2

a bi, ara luuma Asa, a ɓaŋ: «Ka asa ati mizli Zudahay waɗ Benjameŋhey gar, cinaka mingiɓi ɗu! Da kum ada ati Bumbulvuŋ na, naɓa naŋ da ati kumo. Da ki ra sipakaŋ na, a pulukum vu, ki lumakaŋ. Amma da ki pulakaŋ le fuk na, a pulukum fuko ya.

Ɗerewol JOP 34:27

Asi a ngumam sipakaŋ ta, a sinaka sipa jiviɗ naŋ gar mata.

Ɗerewol JOP 4:8

Ya misin nga ya, ani: mbur magi slra malambaˀ, yo mayi bonoy cak cak da mizli na, malumaka migir nah i taŋ vuna a muŋ.

DIMISEY 107:7

Akẽh na, a zuɓ ti taŋ jiviɗ cirre, ng'ar li misi walahay araŋ.

DIMISEY 136:16

A ngir ti sukwi naŋ ti wuzlaɓuh mikirɗak kirɗaka, asi gi teŋteŋ naŋ, anta kiɗ mi ta,

DIMISEY 77:20

Ki ka jiviɗ ngi ru ɗike ɓaˀ a wuzla mubuliye, li cuh ɗik ada angi yam mijileŋ jileŋheye, amma ko mbur mapura baraf ɗike gu anta.

MIKUCUWULOY 15:10

Mbur mapula jiviɗ mezle na, a kutakaŋ ti bonoy kuyta wãˀ, mbur mapura mbiɗi hirnga hiris le na, a sa mucu.

EZAYI 1:4

Sukwi migi mungrahay, kum ar bonoy, mizli migi mungra madiɗahay, sukwi ngi migi malambaˀay, kum i ziri mitikinahay le. Ki pulaka Bumbulvuŋ le, Buymisemuŋ mipal ngi Israyel na, ki hirsakaŋ, ki mbiɗakaŋ duba le.

EZAYI 59:13

Bumbulvuŋ, i cunukuw mi ta, i jam ti ka mi le, i ngumam ɓa i supukuw ka Buymisemuŋ ndra ta. Misi a mevel ndra i ɓi ngi guzuvura vu ati ngi slikiɗa ɓi tewle, ɓi ngi tikina vu kilaw kilaw, kaw a hirnga ndra.

ZEREMI 13:22

Ki sa ɓi ti kwacay ɗike: «A gi kanah avu ya vur mike?» Taŋ makursukuw mi ngi rop ɗike nga muŋ, yo taŋ magukuw moˀore na, asi gi malambaˀ ɗik mukuyta wãˀ na.

ZEREMI 19:4

Keɗ keɗ na, mizli Zudahay a pulikiy le, taŋ mawuram gwat taŋ mavuka taŋ da kulihey ara na, a mbiɗaka le, mbak anta sin mata. I kulihey misi a jinaka taŋ vuna gu ta, a jinaka cine taŋhaya gu ta, yo ko a jinaka buy ngi Zudahaya gu ta ma. A nahaka li hana le ti pumbus ngi ziri migam gwat ta.

ZEREMI 2:13

Haˀaw, mizli ɗuwoy, a gam malambaˀ le hã makaw cuw: ya miviɗiviɗi ngi yam mavul siifa na, a pulikiy le fuk, a lam futuŋhoy, futuŋ mindislahay le, yam anta cifi angi taŋ ta.

ZEREMI 2:19

Anja a kutukum ti bonoy vur malambaˀ kum tehhe a muŋ! Sinaka sin le, saka bonoy kumo, yo naŋ ɗalak avu kum hã ar kiɗa mi naŋ, asi kum mupulaka sipi jiviɗ kum na, a mbuɗukum hirnga a muŋ! Asi kum mupulaka Bumbulvuŋ Buymisemuŋ kumo fuk, yo kum majijikam a mbuŋ ɗu ko neˀ mata na. I ya Bumbulvuŋ Buymisemuŋ misi gidaŋ wãˀ maɓi.

ZEREMI 4:18

Musuw ti ɓi hana gar na, i joˀ ɗik ati gwat ngi gi ɗik na. I migir ngi moˀore ɗik na, Naŋ ɗalak avu ka gisiŋ! A cuw sesẽŋ a mevel!

ZEREMI 44:3

A gi kanah, asi malambaˀ taŋ migakaŋ. A gikiy gwat ngi ji mevel ti taŋ mawuram gwat ngi migamay, taŋ mahuruk hurukam a mbuŋ kulihey misi a jinaka taŋ ɗaˀ vuna ta, a jinukum kum malla ko dideˀ kumoy vuna ɗaˀ ta ma.

ZEREMI 5:25

Ɓi miɓa le ɗaˀ le maga loɗiy loɗiy na, i mungra kum madiɗa na, yo i malambaˀ kum matika gwat mezle tayna.

EZEKIYEL 39:24

Yi gi ti taŋ weˀe avu ci taŋ ar dili ati slikiɗa ɓi taŋ na. Ya muɗum ɗum avu taŋ na vurˀe.

Ɗerewol OZE 13:9

Israyel, ani ki mihirya le, makil widi ɗik gu, i ya pal ɗu.

MISE 1:5

Hana a gi gar na, vur dideˀ ngi Zakopoy mislikiɗam ɓi, yo vur Israyeley migam mungra. Slikiɗa ɓi ngi dideˀ ngi Zakopoy vuna i wanaka? I walahay Samari takwa? Li miɗingir ɗingir ngi Zudahay vuna i wanahay ka? I walahay Zeruzalem takwa?

SLUFA VU 32:23

Amma sinaka sin le, da ki gaka kanah ta na, naɓa ki gam mungra le a mbuŋ Bumbulvuŋ, joˀ zayɓi naŋ a sa mbiɗi nga hirnga kum.

Slu cuw 32:10

Bumbulvuŋ a luuma mizli naŋhaya a wuzlaɓuh mikirɗak kirɗak, pal taŋ a wuzla gwat ngi ɓuhoy matuwam. A ki slimiɗ ar taŋ, a dubuna taŋ gwatay, a jigina taŋ, kaɓa i zingaˀ ngi hiri naŋ.

Slu cuw 32:19

Bumbulvuŋ a pura keɗ keɗ na, ziri naŋ mizilehey ati mongosohoy ara singiram ara, a zla a hirsa taŋ.