ZEREMI 2:16 - Bible en langue guiziga

¹⁶ Ko mizli Memfihey ati Tapanesey kwana, ara hujukum ngwic hirngahaya.

ZEREMI 2:16 ပူးပေါင်းရင်းမြစ်များ

BUYOY MUCUW NAŊ 18:21

Ani ki ɗuva wuluk ɗike le taˀ ar jini ngi Ezipte, misi kaɓa lavaɗ mingila le. Da mbur mihuruk huruka haŋ le anga gar na, a zligaŋ haŋ gor njoŋ. Buy madiɗa ngi Ezipte, buy Ezipte, naŋ kahana avu mizli gar muɗuvaka wuluk taŋ le taˀ angi naŋ.

BUYOY MUCUW NAŊ 23:33

Buy madiɗa ngi Ezipte Neko aru di, ara gica ar dangay a Libna, anja ɓa a zum buy a Zeruzaleme mata. Akẽh na, Neko a tikaˀay da mizli ngi si ruwuyoyo ɓa sey a wurkakaŋ buutu, ɓiri bara kilo durmuk makir waɗ ɓiri tapasl tapasl kilo kukur makir.

EZAYI 19:13

Buy Soˀaŋhay, a tiram gilawahay le, buy Memfiseye, ara gam biyãˀ biyãˀlambaˀ, Taŋ, mizli mupuɗaw puɗaw ngi Ezipte mana, ara zizaka Eziptehey.

EZAYI 59:13

Bumbulvuŋ, i cunukuw mi ta, i jam ti ka mi le, i ngumam ɓa i supukuw ka Buymisemuŋ ndra ta. Misi a mevel ndra i ɓi ngi guzuvura vu ati ngi slikiɗa ɓi tewle, ɓi ngi tikina vu kilaw kilaw, kaw a hirnga ndra.

EZAYI 8:8

A sa zuma hirwuy Zuda rekrek, a sa tuwuɗa mibuzugumoyo, a zuɓvra vra, hã giw ti ˀay. Aw Emanuwel! Mihaŋ naŋhay maɓulomo, a sa naha hirwuy ɗike zlar.»

ZEREMI 44:1

Mizli Yudehey gar mipam asi ruwuy Ezipte: ar walahay Mikdol, Tapanes, Memfi waɗ tir vay Patroso, Bumbulvuŋ a ɓa Zeremi vur taŋ na:

ZEREMI 46:14

Ɓaka mingiɓi hana a Ezipte, ɓaka a Mikdol, ɓaka a Memfi waɗ a Tapanes. Ɓaka taŋ: ‹Slikiɗam ng'ar li kumoy! Hilaka gwat ngi vurum kumoyo! Maslalam ara zuma mizli ngi ciki ɗikeye si.

ZEREMI 46:19

Mizli Eziptehey, juwaka gwat kumoyo, ɓa ki kilam nga ɗum a hirwuy mulak, asi walahay Memfi a sa tiri li midaŋ daŋ cay lambaˀ, muwura le war war, ko mbur loŋ anta diga ta.

ZEREMI 48:45

Mizli makilamay, migiram le na, a sa musukom vu a susuɗuk a Heseboŋ. Amma vu a bo bivbiw tir walahay Heseboŋ, vu mihilɓiɓ, a bo tir mugum ngi buy Sihoŋ. A wura Moˀapa zle ar maakwaya, hã sesẽŋ a wuzla walahay.

EZEKIYEL 30:13

Ya Bumbulvuŋ, Buymisemuŋ i ɓi na: I sa susuyumo kulihey avra, gwatay mizli mahuruk hurukam a mbuŋ taŋ misi a Memfis na, i sa zliɗa taŋ avra. Miwi lihey anta sa ndiram asi ruwuy Ezipte mata, yo i sa ya zluwun cak cak da hirwuy Ezipte.

EZEKIYEL 30:16

I sa wura hirwuy Ezipte, didak a sa muɗa mizli Sineye haɗa. A sa slinam li njoŋ avu walahay No, yo walahay Memfise, mesene naŋhay a sa zumaka ti papasa si.

Ɗerewol OZE 9:6

A puraka, ara wahaka li na, a kilam le. Hirwuy Ezipte a sa tiɓa taŋ mulaka, Walahay Memfi a sa tiri kaɓa zivi taŋhay. Zlili taŋ mupuɗaw piɗawa, hadaw a sa sirta taŋ, walahay guɗuk taŋhaya, hadaw a sa sirta taŋ.

Slu cuw 33:20

Moyis a ɓi vur dideˀ ngi Gataya na: «I ga sise da Bumbulvuŋ muvula li mifirndiw da Gat na! Gat a hin le tup kaɓa mobor, useˀ naŋ mija na, a zlaha zle avu sar ngi mbuŋhoy hã sesẽŋ avu hirngaŋ.