ZEREMI 19:9 - Bible en langue guiziga

⁹ I sa ga ɓa a zumam useˀ ngi ziri taŋ mizilehey ati ngi ziri taŋ mongosohoy. Mesene taŋhay mawuɗam kiɗ taŋ vagay vagay masa gaka taŋ bonoy, yo masa muɗaka taŋ didak haɗa na, hã a sa humbuɗam vu ar wala taŋ.

ZEREMI 19:9 ပူးပေါင်းရင်းမြစ်များ

BUYOY MUCUW NAŊ 25:3

Ti hin mungoltir naŋ ngi kiya mumufaɗ naŋ na, ko gwat ngi zum anta avu mizli ngir walahaya mata, asi may ara bul vu ti gidaŋ ar walahaya.

EZAYI 9:20

Muy ngi Manasehey a sa humbuɗam muy ngi Efrayimey, muy ngi Efrayimeye kwana, a humbuɗam muy ngi Manasehey aya, a jumom cuw taŋ ng'ar muy ngi Zudahay. Amma, bam ti nah kwana, mevel ngi Buymisemuŋ a tisl t'aruŋ, a ro haŋ pak ng'ar taŋ aruŋ na si.

ZEREMI 13:14

I sa buɗusla taŋ hirnga da cala da cala, cine ati ziri taŋ mizileheye buɗisl buɗisl jom arleˀe, ko i pul mbur loŋ ti siifa ta. Ircece malla gi mezle anta, na zle ko gwat masa tikiy neˀ ɓa i ngizla taŋ ta na, anta.›»

ZEREMI 38:9

A ɓaŋ na: «Buy kumani ɗu, gwat mizli migaka da mijiviɗ Zeremi gar na, i moˀore. A kakaŋ le ng'ar vigiɗ ngi yam, may a sa kiɗa ar vigiɗe, asi ɗaf anta ar walahaya mata.»

TUWUY 2:20

Bumbulvuŋ ɗu, pura ɗi, mbur ka magi di kanah vuna i waka, inga pura. Ɓa ngwasay a humbuɗaka ziri taŋhay mugundur gundur, taŋ mawuɗam taŋ na, a zlir le kwa? Masayay ati mijiviɗeye, ɓa mizli a kiɗaka taŋ daˀ ar hay ngi ɗik ka Bumbulvuŋ na, a tiɓaŋ le kwa?

TUWUY 4:10

Ti bonoy muluma mizli ɗuwoy na, ngwas muwuɗa ziri taŋhaya, a da ka ziri taŋhaya ti haŋ taŋ tehhe, ziri a tiram gwat ngi zum taŋ.

EZEKIYEL 5:10

Naŋ kine, cine ngi ziri a sa humbuɗaka ziri ngir walahaya, yo ziri kwana, a sa humbuɗaka cine taŋhaya. Kiita ɗu mujuw na, i sa mbuɗuw hirnga, yo gwat masa ndiruw gar na, i sa zliɗa hirnga taŋ lambaˀa.

LEVIHEY 26:29

Ki sa zumam useˀ ngi ziri kum mizilehey ati mongosohoy tehhe a muŋ.