ZEREMI 17:3 - Bible en langue guiziga

³ Ka Zuda, ka mahuruk huruk a mbuŋ kulihey a hirnga muwã a ɓuh na, zlili ɗik ati gwat ngisi haŋ ɗik gar na, i vula da mizli a hilaka, asi malambaˀ ɗik ka miga ar li miɗingir ɗingirey fuk si li ɗik gar.

ZEREMI 17:3 ပူးပေါင်းရင်းမြစ်များ

BUYOY MUCUW NAŊ 24:13

Zlili ngir hay ngi Bumbulvuŋ ati zlili ngi hay buyo Nabukodonozor a hila gar. Yo gazlanga ngi ɓiri tapasl tapaslay misi ar hay ngi Bumbulvuŋ, Salomoŋ, buy Israyel muvuɗa taŋ zleˀe na, a nguɓuco taŋ gar nguɓoc nguɓoc. Hana gar a gi na kaɓa Buymisemuŋ miɓa zleˀe.

DIMISEY 78:58

A gakaŋ gwat ngi ji mevel ti gi mikuli da kulihey ar li miɗingir ɗingireye, a slikiɗakaŋ suloŋ ti kuli taŋhaya.

EZAYI 27:9

Yo mungra madiɗa ngi mizli Israyeleye, a sa susuyum kanah ya. Yo migir ngi pula mungra taŋhaya, n'ani: a sa wahaka ɗugur ngir li gi mikuliheye cek, kaɓa mawaham burkoɗok ngi kur da gwata, kuli ɓamtalay ati li wura ˀurdiheye, anta sa ng'aka taŋ mata.

ZEREMI 12:12

Mihirya gwataya, ara zuɓoko jiviɗ ngi wuzlaɓuh mikirɗak kirɗakaya gar. Maslalam ngi Bumbulvuŋ, ara zuma hirwuyo, hã a mivay naŋ ti ka ti ka gar: mbur muzuy zuy anta ko loŋ mata.

ZEREMI 15:13

Zuda, zlili ɗik ati gwat ngi lum ɗike, i vula le da mizli ɓa a hilakaŋ. Hana i migir ngi malambaˀ ɗikey na gar, asi ruwuy ɗik keɗeɗe.

ZEREMI 20:5

Gwat walahay Zeruzalem miwi di vu gar, migir ngi slra naŋ gar, gwat mupuɗaw puɗaw naŋhay, zlili ngi buy Zudahay gar na, i vula taŋ asi haŋ ngi mesene taŋhay: a sa vaka taŋ, a sa hilaka taŋ, a sa cohom taŋ nga Babiloŋ.

ZEREMI 21:13

Wurenna, mindiram i ndra cuw ndra, ka mbur ngir sozo, ngir mandazlay micay. Kumo ki ɓam na: «Masa po sar ngi zla ndra i waka? masa ci ng'ar li ndra muɗum anga i waka?» I ya Bumbulvuŋ maɓi.

ZEREMI 26:18

«Mise, mbur Moreset, ti naŋ miga slra naŋ ngi mijiviɗ ti hin ngi Ezekiyas, buy Zuda na, a ɓa mizli Zudahaya gar: Bumbulvuŋ misi gidaŋ wãˀa, a ɓi na: Walahay Siyoŋ, mesene naŋhay a sa huvakaŋ kaɓa guva, Zeruzaleme kwana, a sa tiri diŋ hoŋ, yo muwã ngir hay Buymisemuŋ, a sa tiri ɓuh misi widis ngiriɗi.

TUWUY 1:10

Mizli mazliram ti naŋ ta, a tiɗam haŋ le ar zlili naŋhaya gar. Naŋ kanah, ara pura mizli duniyahay, ara cam ng'ar hay naŋ mipala, Buymisemuŋ, ki ɓi le ɗaˀ le zleˀe, mizli duniyahay na, a cam ng'ar kus ngi ɗike ta ngbaŋ.

EZEKIYEL 16:39

I sa vuluw asi haŋ taŋ, li miviriw ati li mijiɗngwil, ka miɗiya taŋ na, a sa wahaka avra. A sa cikukuw zana ɗikeye waɗ a sa hilaka gwat ngi wuya ɗik mimezleheye da taŋ. A sa pulukuw vu ɓaˀ ti mi, gulndiŋ kine.

EZEKIYEL 23:46

Vurˀe, ya Bumbulvuŋ, Buymisemuŋ i ɓi na: «Anja zigiduw a slikiɗ, ara luuma taŋ, anja mbak didak a muɗa taŋ, a vaka taŋ gwataya.

EZEKIYEL 6:3

Ki sa ɓa taŋ na: Mizli ngir muwã Israyeley, cinaka mingiɓi ngi Bumbulvuŋ, Buymisemuŋ ani. Bumbulvuŋ, Buymisemuŋ a ɓukum, kum mizli ngir muwãhay ati ngir li miɗingir ɗingirey, ngir hurjijiŋ ati ngir sozohoy na: Y'ani i ra ga ɓa vurum a ndilo ar kum, i sa hirya li miɗingir ɗingir kumoy mipal ngi gi mikuliheye.

LEVIHEY 26:30

I sa susuymo li miɗingir ɗingir ngi kuli kumoyo, li gi mikuli kumoy ti urdi na, i sa waha taŋ avra, yo i sa kuso vagay kumoyo kos kos nga hirnga kuli kum mingila meɗ meɗ na. Dar i sa mbuɗukum duba.

MISE 3:12

Vurˀe, asi ɓi kumo, Siyoŋ a sa tiri kaɓa guva muhuva le ɓultoŋ ɓultoŋ, Zeruzalem a sa tiri kaɓa kitikil, yo muwã ngir hay ngi Bumbulvuŋ a sa tiri ɓuh.

SOFONI 1:13

Yawwa, a sa vaka taŋ zlili taŋhaya, a sa mbizlaka taŋ hayaya. A sa ndiram hayay, amma t'anta sa cifam ar taŋ ta. A sa hirvam gudubunoy, amma t'anta sa sam mbaazla naŋ ta.