ZEREMI 17:2 - Bible en langue guiziga

² Li gi mikuli taŋhay, kuli ɓamtal taŋhay migweˀ avu widis mutukuf tukufoyoy ndrehhe, misi ar li miɗingir ɗingirey na, a wulkaka ɓi taŋ kaɓa taŋ mawulkaka ɓi ngi ziri taŋhay na ya.

ZEREMI 17:2 ပူးပေါင်းရင်းမြစ်များ

ƁI NGI HINEY MUCUW NAŊ 24:18

A pulaka hay ngi Bumbulvuŋ Buymisemuŋ ngi dideˀ taŋhaya, ara gam mezegwel da kuli ɓamtal waɗ da kulihey. Malambaˀ taŋ a slikiɗa himaˀ ngi Buymisemuŋ ar Zudahay waɗ ar Zeruzalemeye.

ƁI NGI HINEY MUCUW NAŊ 33:19

Dira dibiɗ naŋ, yo Buymisemuŋ micinaŋ di, ɓi ngi mungra naŋhay gar ati gi teŋteŋ naŋ ta gar ti naŋ mihin hirnga zleˀe t'aruŋ, waɗ lihey naŋ mindir li miɗingir ɗingirey ngi gi mikuli ar taŋ, naŋ mingi kuli ɓamtalay ati gwat miciɗa ti ciɗey gar na, i mutoho taŋ le ar Slra ngi Hozay.

ƁI NGI HINEY MUCUW NAŊ 33:3

Li miɗingir ɗingir ngi mikulihey, cine naŋ Ezekiyas muwaha taŋ zleˀe na, a ndira hiri taŋhay a muŋ. A ɗiyi li gi mikulihey da Baˀalay, a ɗiyi kuli ɓamtalay. A huruk huruk a mbuŋ gwat mipal ngi muŋhoy, a ga taŋ mezegwel.

DIMISEY 78:58

A gakaŋ gwat ngi ji mevel ti gi mikuli da kulihey ar li miɗingir ɗingireye, a slikiɗakaŋ suloŋ ti kuli taŋhaya.

BI NGI ISRAYELEY 34:13

Amma wahaka li gi mikuli taŋhay ati ɗugur taŋhay mikaˀ kaˀhaya, yo bukoko kuli ɓamtal taŋhay avra.

EZAYI 1:29

Mezegwel kumoy, kum mawuɗam gi taŋ haɗa ar wulgirey na, a sa pukum mesem, yo si virzi ngi widis tayna, kum muwunaka ngi gi mikuli kum malambaˀhay na, a sa gukum mesem.

EZAYI 17:8

Li ngi gi mikulihey, taŋ miɗiyaka taŋ ti haŋ taŋ na, t'anta sa ɗuvam hiri avu taŋ mata. Kuli ɓamtalay ati li wura ˀurdihey, taŋ miɗiyaka taŋ ti haŋ taŋ na, t'anta sa ɗuvam hiri avu taŋ mata.

ZEREMI 2:20

Diga zlezle na, ki ra ngilaka galalaŋ mukukum di gindiɗ asi ˀay na, ki ra mburucaka zeweɗey mujuwukum ti taŋ na, joˀ ki ɓam na: «Ndr'anta wuɗam gi beke mata.» Amma ar li miɗingir ɗingir madiɗahay gar, asi widis mutukuf tukufoy gar na, ki roko gbangbaŋ mirkendel kaɓa ngwas sulomehey.

ZEREMI 3:23

Ndra magam a muwã na, i gwat mijeŋ ta gisiŋ. Hurum ngi gwatay macino ti muwã na, i ngatara lambaˀa. Ɓa Israyel a lih gisiŋ na, sey tivu Bumbulvuŋ, Buymisemuŋ ndra.

ZEREMI 3:6

Ti di Zoziyas mazum buy na, Bumbulvuŋ a ɓiy ani: «Israyel mapula sipi jiviɗ na, ki pura gwat naŋ miga na le ya? Israyele, aru nga muwã madiɗahay gar, ng'asi widis mutukuf tukufoy gar, ngi gi sulome.

ZEREMI 7:18

Ziri ara juwoko dum, cine taŋhay ara ɗiyaka vu, yo ngwasaya kwana, ara fukuɗam maɗaf ngi tus ar vu da maˀãy ngi muŋ. Ki ra puslam mbaazla da kuliheye ma, kum maslikiɗikiy mevel na kahana so.

EZEKIYEL 20:28

I ci ti taŋ le angi hirwuy ya muhudum, haŋ paɗ a muŋ, ɓa i vula taŋ di na. Li miɗingir ɗingirey ati siziɓey gar na, taŋ hiri taˀ angi taŋ. A gaka mikuli taŋhay a diga, gwat ngi vul taŋhay ngi slikiɗa mevel na, a gaka taŋ a diga, a paka urdi taŋhay ngi tisla mevel a diga, waɗ a puslaka mbaazla taŋhay a diga.

Slu cuw 12:2

Kulihey misi a hirnga muwãhay, ar li miɗigirey, a wuzla widis mutukuzohoy gar na, kisa nguɓucaka taŋ avra wãˀ, asi sukwi ngi mizli kum masa ɓulaka taŋ na, ada huruk hurukam a mbuŋ kulihey vuna a diga.

MIGI KIITAHAY 3:7

Israyeley a gam gwat malambaˀ a mbuŋ Bumbulvuŋ. A puyukom hirnga ti Bumbulvuŋ taŋ Buymisemuŋ, a gam mezegwel da Baˀal ati Aseras.