ZEREMI 17:1 - Bible en langue guiziga

¹ Malambaˀ ngi mizli Zudahaya i mutoho le gor gor ti milngama, i mutoho le nguɗ nguɗ ti ɗugur mupuɗaw gingiliw gingiliw, miyeŋ yeŋ. I mutoho le nguɗ nguɗ a mevel taŋ, waɗ avu gwat muyoŋ yoŋ kaɓa durumoy misi avu li gi mikuli taŋhaya.

ZEREMI 17:1 ပူးပေါင်းရင်းမြစ်များ

MIKUCUWULOY 3:3

Gi mezle ndrehhe, yo gi gwat mikaslsla, luwa taŋ law law asi ˀay ɗike, toho taŋ nguɗ nguɗ ar beleler ngir mevel ɗike.

MIKUCUWULOY 7:3

Juwa taŋ kaˀ avu haŋ ɗike, toho taŋ toh toh avu beleler ngir mevel ɗike.

EZAYI 49:16

Slimiɗ kumo, i toho le ngeɗ ngeɗ a hur haŋ ɗuwoyo, yo mohol mugun hirnga kumoyo, hiri ɗu anta zuɓ paɗ le ti raˀa ta.

ZEREMI 11:13

Hey Zudahay, kuli kumoy a gam le haɗi teˀe, kaɓa walahay kumoy mihaɗa na ya. Zeruzalemey, li gi mikulihey kum miɗiyaka taŋ ɓa ngi gi mikuli ngi wur ti wur da Baˀal kuli Mesem na, taŋ haɗi teˀe kaɓa jiviɗ kumoy na ma.›

ZEREMI 2:22

Anja ko da ki bunam ti muguduwuŋ, ko ki tikam sabuno kiteka gar na, malambaˀ kum na, naŋ da a pur ndilimme a mbuŋ ɗu na si. I ya Bumbulvuŋ Buymisemuŋ maɓi.

ZEREMI 31:33

A dirba hin nah na, jumoˀay, ya masa jumo ati Israyeley ani: I sa ca ɓimujuwa ɗu a mevel taŋ, i sa toho ar membezleŋ ngi vu taŋ, i sa ndir yi Buymisemuŋ taŋ, yo taŋ kwana, a sa ndiram i mizli ɗuwoy. I ya Bumbulvuŋ maɓi.

ZEREMI 4:14

Zeruzalem, da ki wuɗ lih na, sey ki pula moˀore ɗik na wãˀ. Wuluk malambaˀɗikey na, kisa pula taŋ avra ti vunaka?

Ɗerewol OZE 12:11

I sa ɓa ɓi da mijiviɗeye, i sa ga ɓa a puram gwatay haɗa, ya mibiga taŋ di, Ɓi ɗuwoy miweˀ ti wi, i sa ɓo taŋ ti balam mijiviɗey.

Ɗerewol OZE 7:2

Gwat malambaˀ taŋ magaka na, ya Buymisemuŋ i ra si nah na, ko mbur loŋ maɓi kanah ti kwacay naŋ anta. Wurenna gwat ngi gi taŋ a sirta taŋ le, t'ani a mihiri ɗu ani.

Ɗerewol OZE 8:11

Efrayim a ɗiyi li gi mikulihey haɗa, ɓa ngi puya mungra, amma, li gi mikuli tayna tuwa, a tiram vaˀa, i jiviɗ ngi gi mungra jaka.

LEVIHEY 4:25

Li gi mikuli ngi zluma gwata, mivay naŋhay muyoŋ yoŋ kaɓa durumoyo, masay a ca muzuŋ haŋ yop ar pumbus ngi ginew mikiɗaka ngi gi mikuli ngi pula mungra tuwa, a ga taŋ di njoffo njoffo, waɗ is naŋ sek ng'asi virzi ngi li gi mikuli ngi zluma gwata.

ZAKARI 7:12

A tiram ti mevel taŋ gidaŋ ka ɗugur mupuɗaw gingiliw gingiliw, mingiɓi Bumbulvuŋ misi gidaŋ wãˀ, ˀUf naŋ ati mijiviɗ misi zleˀehey maɓaka taŋ di na, ɓa a cine ka ta Dar Bumbulvuŋ misi gidaŋ wãˀa, a slikiɗ mevel haɗa teˀe.

KORENTIHEY MUCUW NAŊ 3:3

Gisiŋ gisiŋ, kum i ɗerewol ngi Kristu mutohoŋ, muvulam ndra di ngi gi slra. A tohoko ti yam ngi hilseɓ ta, amma ti ˀUf ngi Buymisemuŋ misi ti siifa. A tohoko ar beleler ta, amma a mevel mizli.