ZEREMI 15:9 - Bible en langue guiziga

⁹ Ngwas miyi ziri mizilehey tarnaˀa, a ɓuruzl le, a mucu, pas nga naŋ a diɗ ti papasa si, mesem a sirtaŋ le, hirnga jik a ruwuy. Mizli masa ndiram ti siifa, i sa vula taŋ asi haŋ ngi mesene taŋhay, a ngizlaka taŋ ti maslalam. I ya Bumbulvuŋ maɓi.

ZEREMI 15:9 ပူးပေါင်းရင်းမြစ်များ

EZAYI 47:9

Mendere mucuw hanayna, a sa lumukuw gurjik, ar hin purla si. Ziri ɗikey a sa micam, joˀ ki kiɗa mi nah ti cifi wudiga. A sa ndilukuw cummo, ko ti lum ɗik haɗa ti gi cekene ati pur ɗik ti njol ati daˀas na tekeɗe kwana, anta tikaka mendere tayna gu ta.

ZEREMI 19:7

Ar li misenna, ɓi ngi zumabuy ngi ngomna ngi ruwuy Zuda ati ngi walahay Zeruzalem na, i sa geˀ geˀ kiɗip, i sa kiɗa mizli ti maslalam daˀ a mbuŋ mesene taŋhaya, i sa vula taŋ vuna asi haŋ ngi mizli muroko ti may ngi kiɗ taŋ vuna si, i sa pula vagay taŋhay mupuyas kuros na da ɗiyuw ngi ɓuhoy ati gwat misãmi ngi si ruwuyoy, a humbuɗaka taŋ.

ZEREMI 21:7

A dirba nah, Sedekiyas buy Zuda, gawla naŋhay, mizli mindiram ti siifa, milaham avu jiji mozorbono, avu ngum ti maslalam waɗ avu may na, i sa vula taŋ asi haŋ ngi buy madiɗa ngi Babiloŋ, asi haŋ ngi mesene taŋhay, yo waɗ asi haŋ ngi mizli mawuɗam kiɗ taŋ vagay vagay na. A sa ngizlaka taŋ kuɗup manja ircece, manja mbur mandir loŋ le, waɗ manja kila mesem. I ya Bumbulvuŋ maɓi.›»

ZEREMI 44:27

I wi vu le weˀ ti taŋ ngi ga taŋ malambaˀ, mbak gi mezle le: Yudehey misi asi ruwuy Ezipte na, a sa zizam cek ti kiɗ ti maslalam waɗ ti may, hã a ngizlam pay wãˀ.

ZEREMI 50:12

Mesem a kiɗa mumuŋ kumo le, ngwas miyi ɗike, busukum ngi vi dangwal naŋ a diɗ le! A tiri hirwuy ngi dirba le wãˀ: wuzlaɓuh mikirɗak kirɗak, li papala, li muˀuloŋ!

ZEREMI 6:4

Tilam mi ɓa i gam vurum mipal ati naŋ! Slikiɗam! zlukum di ngi kiɗa vu ti wuzla papas vuna si! Ɓi a luuma ndra le! Li ara ji, susuɗuk ngi pastaˀa, ara sirta li.

ZEREMI 7:19

Taŋ maslikiɗam mevel na da ya gisiŋ kwa? A slikiɗam di i mevel taŋ tehhe a muŋ ta kwa? Anja a pa taŋ mesem. I ya Bumbulvuŋ maɓi.

TUWUY 1:1

ˀEy eh! Walahay misi mizli haɗa araŋ, mbak ɗoɗok pal naŋ ka ngwas wudiga mbrike! Zleˀe na, slimiɗ naŋ a zil deŋ a wuzla sukwi ngi mizli ngbaŋ, i maˀãy a wuzla hirwuy ngi buy miwi liheye, ani wurenna i beke ngi gi slra mitakˀay so.

TUWUY 4:10

Ti bonoy muluma mizli ɗuwoy na, ngwas muwuɗa ziri taŋhaya, a da ka ziri taŋhaya ti haŋ taŋ tehhe, ziri a tiram gwat ngi zum taŋ.

EZEKIYEL 5:12

Ar walahay ɗike, mizli micah mudumbuŋhoyo, i sa ngizla taŋ ti jiji matiɓi vu malla ti may, mucuw naŋ, i sa kiɗa taŋ ti maslalam gun walahay ɗiki, yo mimakir taŋ, yi sa zliɗa hirnga taŋ lambaˀ da himiɗ, i sa muɗ maslalam kwak waɗ ya ɓaˀ asi taŋ.

EZEKIYEL 5:13

I sa ru ti mevel fõh fõh, hã ar kiɗa mi naŋ, i sa kiɗa may ngi himaˀ ɗu ar taŋ, yo i sa pula cuwal ɗu. Kanah na, a sa sinaka, yi Bumbulvuŋ, ya miɓi na, asi gi teŋteŋ taŋ ta na, i ɓusa ɓi nah gu ta, hã i ndil di ar kiɗa mi ngi himaˀ ɗu angi taŋ.

SAMUYEL MUDUMBUŊ NAŊ 2:5

Mizli mimbamle ara gam slra ngi luuma gwat ngi zum, yo misi ti mayay ara muskam vu, naŋ kine aya, ngwas dirlaya a yi ziri tarnaˀa, amma ngwas miyi ziri haɗa, ara pusluɗ babara kpozloŋ kpozloŋ.