ZEREMI 15:3 - Bible en langue guiziga

³ I sa ga taŋ gwatay ani mufaɗa, maslalam ngi kiɗ taŋ, kirihey ngi ɗiɗi taŋ kileŋ, ɗiyuw ngi ɓuhoy ati gwat misãmi ngi si ruwuyoy, ɓa ngi zuma taŋ, yo ngi humbuɗa taŋ humbaɗ humbaɗ leɗeɗ wãˀ. I ya Bumbulvuŋ maɓi.

ZEREMI 15:3 ပူးပေါင်းရင်းမြစ်များ

DIMISEY 68:23

Bumbulvuŋ a ɓi na: «I ra mo ti mesene kumoyo ti Basaŋ, i ra mo taŋ tir mijileŋ ngi mubuliy,

EZAYI 18:6

A sa pulaka taŋ gar da kilkandaŋ ngi muwãhay ati gwat misãmi ngi ɓuhoy. Kilkandaŋhay a sa ngiraka kiya lendeɓe ara, yo gwat misãmihey gar, a sa ngiraka kiya himiɗe a diga.

ZEREMI 12:9

Sukwi ɗu a tiri le avu ya, kaɓa ɗiyuw minjeɗeɗe, ɗiyuw muzuma useˀhey masuroko nga hirnga naŋ ti ka ti ka gar sukwa? A ram, cikilaka gwat misãmi ngi ɓuhoyo cek! Soko taŋ nga zuma ɗaf ngi muguzlum!

ZEREMI 14:12

Ko da ara gam dalyam kwana, y'anta cine tuwuy taŋ ta. Ko da ara gikiy mikuli mizlam zlam, yo ara sikiy ti gwat ngi vul taŋhay tekeɗe kwana, naŋ anta ciriy hiri ta. I wuɗ i ngizla taŋ pay ti maslalam, ti may waɗ ti jiji mozorbono.»

ZEREMI 14:16

Yo mizli taŋ manjikaka taŋ ɓi na, may ati vurum a sa kiɗa taŋ sunokko a jiviɗ madiɗa ngi Zeruzalemeye. Taŋ vuna, ngwas taŋhay, ziri taŋ mizile ati mongosohoyo, ko mbur loŋ anta ngi sa dik taŋ ta. I sa pa moˀore taŋ na nga hirnga taŋ tehhe a muŋ kahana.

ZEREMI 16:4

A sa micam ti bonoy ngi may, ko mbur masa tuwa taŋ malla masa dika taŋ anta. A sa ndiram ngi zãˀã li kaɓa zay gwatay tewle. A sa ngizlam ti kiɗ ti maslalam waɗ ti may, vagay taŋhay a sa tiram gwat ngi zum ngi ɗiyuwoy ati ngi gwat misãmi ngi si ruwuyoy.

ZEREMI 7:33

Vagay taŋhay miɓaˀ ɓaˀ na, a sa tiram gwat ngi zum ngi ɗiyuwoy ati gwat misãmi ngi ruwuyoy, ko mbur anta ngi sa ɓula taŋ ta.

TUWUY 3:11

A ngizli ti ya avu jiviɗe, a buˀiy baˀ murvay, a puliy ɗoɗok.

EZEKIYEL 14:21

Naŋ kine, ya Bumbulvuŋ, Buymisemuŋ i ɓi na: Bonoy mumufaɗ hanayna: vurum, may, gwat misãmi miji vu ngi ɓuhoy waɗ jiji mozorbono na, ko da i slino taŋ le ar walahay Zeruzaleme, ɓa a ngizla mizli ati gwat misãmiheye tekeɗe kwana,

EZEKIYEL 33:27

Ki sa ɓa taŋ na, ya Bumbulvuŋ, Buymisemuŋ i ɓa taŋ na: ‹Kaɓa ya misi ti siifa gisiŋ na! Mizli mindiram ngir diŋhey na, a sa kiɗaka taŋ kuros kuros ti maslalam. Mbur misi a ɓuh na, i sa vulaŋ da gwat misãmihey a zumakaŋ, yo mizli misi a muwãhay ati misi angi butumoy na, i jiji mozorbono masa ngizla taŋ.

LEVIHEY 26:16

yawwa! gwat ya masa gukum di ani: I sa slino ti gwat ngi gukum zluwun, i jiji makiɗ vu kutum ta waɗ gamba mihimaˀ, matikaka gidaŋ ngi hiri, yo mazizaka siifa ngi mburo zayãˀ zayãˀ. Ki sa zligaka guva kumoyo, amma gar ngataraŋ, asi masa zumaka gwat ngi migam kumoy i mesene kumoy.

LEVIHEY 26:22

I sa slino gwat misãmi ngi ɓuhoy ng'ar kumo, a sa jukum ziri, a sa ngizlaka ginew kumoyo leɗeɗ, yo a sa nguzlukum pay, hã jiviɗ kumoy a sa tiram ɓuh.

LEVIHEY 26:25

I sa go vurum ng'ar kumo, ngi pula bol ngi kum mingilaka jumoˀay ɗu ati kum na, dar kisa kusom hirnga turkpus ar walahay madiɗa kumoyo. I sa slino ti mozorbono nga wuzla kumo, yo i sa pulukum zlaɗ da mesene kumoy.

AMOS 5:19

Tapasa, a sa gi kaɓa mbur makil ti mobor, ara ji hirnga ti luˀuf. Naŋ mici ngi hay na, haŋ kaw avu dalam ma na, kaw a humbuɗaŋ.

Slu cuw 28:26

Vagay kumoy a sa tiram gwat ngi zum ngi ɗiyuwoy gar ati gwat muzuma vu ngir ɓuh kumoy, ko mbur masa ɓula taŋ anta.

Slu cuw 32:24

Da may a sa sla taŋ zlambar le, vu culok avu vu taŋ, yo jiji ngi ngizla vuhoy, a gaka taŋ bonoy le so na, i sa pulo gwat ɓuh miji vuhoy ati kaw mihimaˀhay ng'ar taŋ.

ƁIMUNJUYO 6:8

Keɗ na, pilis muˀufroho. Mbur muanga na, a cakaŋ slimiɗe «Mucu», waɗ li cifi ngi mizli mumucahay ɓaˀ aseˀeŋ. Hirwuy muwuɗka a wuzla mufaɗ na, a vulaka taŋ gidaŋ ɓa a gam slra angi vay purla, ɓa a kiɗaka mizli vagay vagay ti maslalam, ti may, ti jiji, waɗ ti gwat muzuma vu ngi ɓuhoy.