ZEREMI 15:1 - Bible en langue guiziga

¹ Bumbulvuŋ a ɓiy: «Da ko Moyis ati Samuyel a boko le dedeŋ a mbuŋ ɗu aka, vur ɓi ngi mizli tayna tekeɗe kwana, y'anta sa cine taŋ di ta na si. Ɓula taŋ a mbuŋ ɗu avra, anja a cohom!

ZEREMI 15:1 ပူးပေါင်းရင်းမြစ်များ

ZLI VIRZI 19:27

Cẽẽt ngi miprik na, Abraham aru ng'ar li naŋ micici a mbuŋ Bumbulvuŋ tuwa.

BUYOY MUCUW NAŊ 17:20

Vurˀe, Buymisemuŋ a zliɗa Israyeleye gar avra. A tika taŋ ay ɓa a hinam hirnga, yo a vula taŋ a haŋ mivi vuhoy ɓa a ɓulaka taŋ kileŋ ti mihiri naŋ.

DIMISEY 106:23

Buymisemuŋ a juwa le a mevele zleˀe ɓa a ngizla taŋ, amma Moyis, mbur naŋ muwunaŋ tuwa, a cici zlak a mbuŋ naŋ, a tikaŋ, ɓa a mucaŋ mevele, a ngizla taŋ mata.

DIMISEY 99:6

A wuzla masay naŋhaya, Moyis ati Aroŋ, yo a wuzla mizli mazilaka slimiɗ naŋ na kwana, i Samuyel, taŋ a tumbuloko Bumbulvuŋ le zleˀe, a zila taŋ mi le.

MIKUCUWULOY 14:35

Buy a ga mezle da gawla naŋ misi were, amma a vunaha himaˀ naŋ ng'ar mbur mapi mesem.

ZEREMI 10:18

Asi Bumbulvuŋ a ɓi na: «Wurenna, i sa hiziga mizli ngi si ruwuyoyo ti ŋvehŋvehlu muduba, i sa ga ɓa a ndiram guc arleˀe, vur taŋ makilam.

ZEREMI 11:14

Amma ka Zeremi, ko ki cufuɗiy ar deɗe ngi mizli hanayna ta. Ko ki tuwuy vur taŋ ta, ki tumbuliy ta. Taŋ masa zilikiy tapas hin ngi bonoy taŋ na, y'anta sa cine taŋ di ta.

ZEREMI 14:11

Bumbulvuŋ a ɓiy na: «Ki cici ar ɓi ngi mizli tayna ta, ki ɗuwul mi ɓa a ndiram ar wuya ta!

ZEREMI 14:12

Ko da ara gam dalyam kwana, y'anta cine tuwuy taŋ ta. Ko da ara gikiy mikuli mizlam zlam, yo ara sikiy ti gwat ngi vul taŋhay tekeɗe kwana, naŋ anta ciriy hiri ta. I wuɗ i ngizla taŋ pay ti maslalam, ti may waɗ ti jiji mozorbono.»

ZEREMI 15:19

Bumbulvuŋ a ɓi, yawwa: «Da ki mo le ng'avi ya na, i sa tuɓuw a muŋ, kisa cici ar li ɗik a mbuŋ ɗu a muŋ. Ar deɗe ngi ɓi mi ngi sefel na, kisa ɓi di i ɓi mupuɗaw, naɓa kisa tiri mijiviɗ ɗu. I mizli Zudahay masa soko ng'avi ka, ka, k'anta sa ru ng'avi taŋ ta!

ZEREMI 16:13

Vurˀe, i wuɗ i zliɗukum zlaɗ ng'ar hirwuy mekelem, kum misinaka ta, yo dideˀ kumoy kwana a sinaka ta ma. Ki sa huruk hurukam a diga a mbuŋ kulihey, papas ti duvuɗ gar na, ko kum anta sa njaham hiri asi gi mezle ɗu mata.›»

ZEREMI 16:5

Haˀaw, Bumbulvuŋ a ɓi na: «Ki ci ar hay vagaya ta, ki ci ar mezegwel ngi vagaya ta, ko ki ra pur mbur ar li vagaya ta, asi zuy ya muvula da mizli tayna, ji ngama ɗu ati taŋ waɗ pura ircece ɗu na, i tiɓa le a muŋ. I ya Bumbulvuŋ maɓi.

ZEREMI 18:20

Ada maka mezle ti malambaˀa makwa? Taŋ a gunikiy hirnga ɗu le gun gun ti gadaŋhay. Inga wulka keŋ takwa, ya micici a mbuŋ ɗik na, ɓa i cik vu vur taŋ, yo ɓa i tisluw mevel ɗik mufõh fõh ng'ar taŋ na.

ZEREMI 22:28

Mizli a cufuɗam vu: «Mbur mazilaka Koniya vuna, naŋ kaɓa kukulum muwaha le, mawuɗam mata, zlaɗ avra wãˀ kwa? Na a ɓulaka taŋ ati ziri naŋhaya, zlaɗ nga ruwuy taŋ misinaka ta na vur mike?

ZEREMI 23:39

mbak ɗagay so! I sa diɗ vu plak avu kum gisiŋ, i zliɗukum kileŋ a mihiri ɗu, kum ati walahay, ya muvulukum di da kum ati dideˀ kumoy na.

ZEREMI 35:19

na, da kine na! ya Bumbulvuŋ misi gidaŋ wãˀ, Buymisemuŋ ngi Israyele, i ɓi na: Yonadap, mangal ngi Rekapa, mbur ngi cici deŋ a mbuŋ ɗu, anta sa kic kic le a hay naŋ ta ndiɗaˀ wãˀ.»

ZEREMI 52:3

Gwat migi a Zeruzalem waɗ a Zuda na, a slikiɗa mevel le da Bumbulvuŋ, mbak hã a pula mizli naŋhaya kileŋ ava. Sedekiyas a slikiɗ ɓi avu buy madiɗa ngi Babiloŋ.

ZEREMI 9:19

Ngwasay, cinaka mingiɓi ngi Bumbulvuŋ! Anja ki jikaka slimiɗ asi mingiɓi naŋ maɓa na! Dubunaka kuɗma tuwuy da ziri mongoso kumoyo, dubunaka da cil kumoyo!

EZEKIYEL 14:14

Nowe, Daniyel waɗ Jopo, ko da t'ada makir taŋ a hirwuy nah tekeɗe kwana, i taŋ masa laham tewle asi gi jeŋŋe taŋ na. I ya Bumbulvuŋ, Buymisemuŋ maɓi.

EZEKIYEL 22:30

I sipi mbur a wuzla taŋ, ɓa ngi ndira hiri ngi mohol a muŋ, ɓa a cici deŋ a mbuŋ ɗu ar mifiliw ngi moholo, ngi jigina hirwuyo, ɓa i waha walahaya ta, amma ko i lum ta.

Ɗerewol OZE 9:15

Bumbulvuŋ a ɓi: «A Gilgala, moˀore taŋ na, a bugo vu le wãˀ a diga: Ya migi mesene ti taŋ na, a diga, yi sa ɓula taŋ ti hay ɗu avra, asi taŋ magaka gwata ti moˀore na. Y'anta sa wuɗ taŋ mata, asi buy taŋhay gar i mislikiɗa ɓihey.

ZAKARI 3:3

Yesuwa mideŋ a mbuŋ modro tuwa na, a ki zana mujupahay avu vu.

Slu cuw 9:26

I tumbulo Bumbulvuŋ, i ɓaŋ: «Bumbulvuŋ Buymisemuŋ, ki ngizla mizli ɗikeye ta, i ngi ɗikey. Ki mbuɗo hirnga taŋ le ti Ezipte mbele ka migidaŋ, yo hirbazla ɗik migidaŋ na ma.

HEBEREY 9:24

Vur mike na, hay ngi Bumbulvuŋ, Kristu mici anga na, i hay mizli miɗiyaka ti haŋ, yo i foto ngi hay migisiŋ gisiŋ naŋ na ta. Amma Kristu a ci nga muŋ vuna, ɓa a cici deŋ wurenna ar deɗe ndra a mbuŋ Buymisemuŋ.

MIGI KIITAHAY 5:9

Mevel ɗu naŋ ar miwi Israyeley, naŋ ar mizli muvulaka vu taŋ le taˀ wãˀ ngi mongoy taŋ. Gaka sise da Bumbulvuŋ!

SAMUYEL MUDUMBUŊ NAŊ 12:19

Sukwi gar a ɓaka Samuyele na: «Tumbulo Bumbulvuŋ Buymisemuŋ, ɗike vur ndra, ɓa anja i micam ta, asi ndra mucufuɗam buy da ndra vuna a muŋ na, i goko di i ɓesde ng'ar mungra ndrahay na gar ma.»

SAMUYEL MUDUMBUŊ NAŊ 12:23

Nga ya kwana, ɓa i pula tumbulo Buymisemuŋ vur kumo na, i mungra mukuyta wãˀ avu Buymisemuŋ. Jiviɗ mezle, yo mikaslsla na, yi sa bugukum di nga mbuŋ nga mbuŋ ava.

SAMUYEL MUDUMBUŊ NAŊ 7:9

Akẽh na, Samuyel a wuɗ tumuŋ masi ɗuwa aruŋ, a gi di mikuli mizlam zlam wãˀ da Buymisemuŋ. Samuyel a til mi ng'avu Buymisemuŋ vur Israyeleye, yo Buymisemuŋ a cinaŋ di le.