ZEREMI 14:2 - Bible en langue guiziga

² «Mizli Zudahay a roko ti tuwuy ngi vagay, walahay naŋhay ara zizam, mizli curusl curusl a ruwuy, hiri hindrik hindrik, widi ngi Zeruzaleme, ara zuɓ nga muŋ.

ZEREMI 14:2 ပူးပေါင်းရင်းမြစ်များ

Ɗerewol JOP 34:28

Hã widi ngi mbur misi murga a cin gbaˀ avu Buymisemuŋ, yo a cine widi ngi mizli muguzuvuraˀahaya.

DIMISEY 144:14

Anja sla ndrahay a zlumburam kuleɗ kuleɗe, anja mizli a ndiloko ɓuyoh, a jam ndra ng'ar beke mata, yo anja widi, ˀay ngar ngar, anta ar li ngi luuma ndraˀahaya mata.

BI NGI ISRAYELEY 2:24

Buymisemuŋ a cin tuwuy taŋ na le, a wuluk keŋ ar jumoˀay naŋ ati Abraham, Izak waɗ Zakopo.

EZAYI 15:5

I ra zil mikila widi nga jina Moˀapay. Mizli naŋhay ara kilam le nga Soˀar, hã sesẽŋ a Eglat-Selisiya. Li miɗingir ngi Luhite, a tuwuɗaka bal ti tuwuy. Dar a tuwam cərəwcərəw ar jiviɗ ngi Horonayime.

EZAYI 24:11

A ra cufuɗam mbaazla a jiviɗ madiɗahaya, mumul a kiɗ le wãˀ, cira hiri a kiɗ le asi ruwuyo.

EZAYI 24:4

Hirwuy ara gi vagay, ara tiri diŋ, Duniya keɗeɗe ara zizi, ara tiri diŋ, muwãhay ara zizam ati hirwuyo.

EZAYI 24:7

Mbaazla si a ro ar li vagay, gudubun ara ɓutu. Mizli mezle mindiram ar siifa, ara niˀicam.

EZAYI 3:26

Walahay gar a sa niˀic, yo a sa tuwuy. Joˀ kisa cifi kupuyah ti lik, kaɓa ngwas miziza ziri naŋhay le cek.

EZAYI 33:9

Hirwuy ara tuwuy vagay, ara zizi. Muwã Libaŋ, a ro ti mesem, widis ngi raˀahay ara guvoˀom. Li micay ngi Saroŋ naŋ kaɓa li papala, Basaŋ ati Karmele, widisey anta mata.

EZAYI 5:7

Guva ngi gudubun ngi Bumbulvuŋ, misi gidaŋ wãˀa, i sukwi Israyel. Widis naŋ muwuɗ taŋ haɗa, i mizli Zudahay. A kutuk zle ɓa a gam gwat mikaslsla, amma a sa gam di i gwat mijeŋ ta. A kutuk zle ɓa a gam gwat mijeŋŋe, a sa lum di i widi ngi mendere.

ZEREMI 11:11

Akẽh na, Bumbulvuŋ a ɓi, yo mbak ɗagay so: ‹i sa so taŋ ti bonoy misi taŋ mabam ti raˀa gu ta. A sa zilikiy ɓa i kilo widi taŋ, amma ko y'anta sa cine taŋ di ta.

ZEREMI 12:11

A tiram di diŋ le cay, n'ani cay a mbuŋ ɗu, sey tuwuy. Hirwuy gar a ndir le daŋ daŋ, ko mbur mawulka ɓi nah anta.

ZEREMI 12:4

Hirwuy ara tuwuy vagay, yo giziŋ ngi ɓuh gar a ro hiikom. Na a sa kiɗ mi, hã ti vunaka? Gwat misãmi ngi ɓuhoy ara ngizlam, asi moˀore ngi mizli ngi ruwuy tayna, taŋ a ɓam na: «Gwat ndra magaka na, Buymisemuŋ anta pura ta.»

ZEREMI 18:22

Ti ka misa slino mivi vuhoy le gurjik ngi hay taŋ na, anja widi ngi bonoy a cin ngirzliŋŋe a hay taŋ, asi a gunikiy hirnga le gun ti gadaŋhay ɓa ngi ji ɗu, a pam mazaɓ le ɗum ɗum ar jiviɗe.

ZEREMI 4:28

Vurˀe, hirwuy a ro ti tuwuy a hiri, yo muŋ, i luvuŋ timbiɗim, asi yi cica ɓi nah le kanah, kaɓa ya mumbuza zleˀe a mevel ɗu ngi sa gi, y'anta pula ɓi nah teˀ ta, yo y'anta mo ti ɓi nah a dirba ta.

ZEREMI 46:12

Sukwi ngi mizli a cinaka ɓi ngi pi mesem ɗik na le, asi widi ɗik mufuk fuk na, a cin le asi ruwuy keɗeɗe. Mbur miwirwire, a diɗ ar mbur miwirwir, a ndilam prisl cuw taŋ arleˀeŋ.

ZEREMI 8:21

Mevel ɗu kucoˀosl kucoˀosl, asi hiryi muluma mizli ɗuwoy na. Y'anta i pur gu mata, bonoy madiɗa a jiy le!

TUWUY 2:8

Bumbulvuŋ a juwa le ngi waha mohol ngi Siyoŋ mimezle. a sa waha ngirnin, naŋ anta pula haŋ ava ta, sey da naŋ mususuyumo le ngirnin. Mohol ngi huroˀo ati ngi vra, a tiri taŋ diŋ le, ara mbizlam cuw taŋ.

TUWUY 2:9

Mizlingre ngi Siyoŋhoy a cam le nga ruwuy, a hirya waɗ a ngila magandaŋ naŋhaya. Buy naŋ ati yarma naŋhaya, taŋ asi haŋ ngi mizli misi i duniyahay. Ɓimujuwa anta mata. Ko mijiviɗ naŋhay kwana, anta puram gwat ngi Bumbulvuŋ ti kleŋ mata.

TUWUY 5:10

Kuturkuy ndra culok kaɓa liwis, asi may a bul vu le a hur ndra kaɓa ngi kiɗa ndra.

Ɗerewol OZE 4:3

Yo ma na, ruwuy a ndir le ɗoɗok, mizli ngi rahay gar a roko hĩhĩyãm, jom ti gwat misahmi ngi ɓuhoy ati ɗiyuwoyo. Kilif ngi si yamay kwana, a sa ngizlam kap aya.»

ZOWEL 1:10

Guvahaya, i mumusukuɗohoy le tir tir, hirwuy a ro ti tuwuy ngi vagay. Alkamari i mitirnaˀa le, mbaazla dedeɗeke anta mata, zuŋ mal muɗuco wureˀ anta ɗek mata.

ZOWEL 1:11

Kum muhuvoy, gam dəh dəh lambaˀ, kum muhuva gudubunoy, tuwam irslik irslik, vur ɓi ngi daw alkamari ati daw giziŋ kumoyo: gwat ngi migam gar a hiryi le.

ZOWEL 1:14

Gam dalyam ɓa ki tiram pal, tilam mi ngi gi cikil mipal, kusoko mizli micawwahaya, waɗ mizli ngi si ruwuyo gar, ng'ar hay ngi Bumbulvuŋ, Buymisemuŋ kum, yo tilam mi ng'avu Bumbulvuŋ.

ZOWEL 2:6

Mizli a jijikam ngbaˀ ngbaˀ a mbuŋ taŋ, mihiri taŋhay a mbiɗam ndiryik ndiryik.

Ɗerewol AZE 1:11

Yi ga ɓa kwalay a gi asi ruwuyo: a muwãhay, ar guva ngi alkamarihey, ngi gudubunoy, ngi tutumburoy, yo ar gwat hirwuy maga gar, ar mizli ati gwat misãmihey waɗ ar gwat ngi migam kumoy gar.»

ZAKARI 7:13

Vurˀe, Bumbulvuŋ misi gidaŋ wãˀa, a njika taŋ di ani: A zilikiy na, i cine taŋ di ta, kaɓa ya mizila taŋ, taŋ micinikiy di ta na ya.

SAMUYEL MUDUMBUŊ NAŊ 5:12

Mizli mumicamay ta na, a luuma taŋ jiji ngi tandaw le si, hã widi ngi bonoy ngi walahaya, a ndil sesẽŋ a muŋ.

SAMUYEL MUDUMBUŊ NAŊ 9:16

«Tiprik, kasl ti pas hana, i sa slinuw ti mbur baɗ angi hirwuy Benjameŋ, yo kisa paŋ mal a hirnga, ɓa a cifi buy ngi sukwi ɗu angi hirwuy Israyele, yo ɓa a sa laha sukwi ɗu Israyele tisi haŋ ngi Filistiheye. Asi i pura ɓi ngi mizli ɗuwoyo le, yo tuwuy taŋ a ndilo le gbaˀ avu ya.»