3 Bumbulvuŋ, ka ki siniy le, ki ra puriy, yo ki ra jiɗa wuluk ɗu: ya tisi ka. Amma mizli misi moˀoreheye, pa taŋ sek pal, kaɓa tumuŋhoy nga sli ˀay! Wi taŋ vu weˀ ngi kutuko hin ngi kiɗ taŋ!
«Haˀaw Buymisemuŋ, ya micifi a mbuŋ ɗik na, ti jiviɗ naŋ kaslsla, ti mevel mezle, yo yi gi di i gwat mucuruw hiri. Ambuh, wulka keŋ takwa!» Dar Ezekiyas a tuwuy tuwuy mangalaw kol kol.
Buymisemuŋ ɗu, i si na le, ki jiɗa mevel ngi mburo, yo ki hĩyã gi gwat mijeŋŋe. Gwat ya muvula taŋ gar na, i ngi mongoy ɗu, yo ti mevel mezleŋ. Wurenna, i pura sukwi ɗik mise aka na, a vul di gwat ngi mongoy naŋ, ti mumul aseˀe ya.
Naŋ, a si na jiviɗ ya maru ti raˀa le ngbaŋ, da a ci le a kwacay ɗu kwana, i sa bo cakar kaɓa ɓiri tapasl tapasl mipal naŋ kine micaka le ngi pur ar vu.
Naka Bumbulvuŋ, ki si na le! kiy ar gwat ngi kis ɗike, ki slimiɗ ar ya, pula bol ɗu avu misipi ɗuwoy nder ndere. Ka maji mevel kutum ar taŋ ta na, ki ziziy ta! Sina sin le, ya maɓusa zi gar na, asi ka.
Mizli misipi ɗuwoy nder nder na, anja mesem a kiɗ di i taŋ, a kiɗ di i ya ta jaka. Anja mahuluɓam hilaɓ hilaɓa i taŋ, mbak ya le! So ti hin ngi bonoy nga hirnga taŋ, ngila taŋ meɗ meɗe.
Bumbulvuŋ misi gidaŋ wãˀ, ka ki sla wala ngi mbur mijeŋŋe le, ki si na mevel ati wuluk ngi mburo le, i sa pura ka masa pula bol ɗik a hirnga taŋ na, asi i pula ɓi ɗu le asi haŋ ɗiki.
A ngizlaka Moˀapa le, ara kiɗaka walahay naŋhaya. Gawla hirnga ngi raˀahaya, ara pam taŋ sar nga sli ˀay.» - Maɓi I ya Buy madiɗa mazilikiy: Bumbulvuŋ misi gidaŋ wãˀa.
A ɓaŋ sar mimakir naŋ ma: «Simoŋ, mangal ngi Zaŋ, k'ada wuɗiy kwa?» Yesu miɓa Piyere sar mimakir naŋ: «Kˀada wuɗiy kwa?» na, a gaŋ kuy ta, a slaŋ di, a ɓaŋ: «Buy, ki si na gwataya le gar, ki si na le, i ra wuɗuw ngbaŋ!» Joˀ Yesu a ɓaŋ: «Jigina tumuŋ ɗuwoy.
Amma mizli tayna, taŋ kaɓa gwat misããmi manja lesley, mihĩˀĩ ngi ji ti ngamngamay ati ngi kiɗ vagay vagay na si na, a zam di i gwat taŋ misina ka ta A sa zãˀãm hirɓislik hirɓislik ka gwat misããmihey mazãˀãm na ya.