ZEREMI 12:2 - Bible en langue guiziga

² Ki hirva taŋ le, a pam dimbasl le, a gilam, hã a yam. A zilaka slimiɗ ɗike daˀ avu mi tewle, amma a mevel taŋ, taŋ kileŋ avu ka.

ZEREMI 12:2 ပူးပေါင်းရင်းမြစ်များ

Ɗerewol JOP 24:12

Ar walahaya, mizli ara tuwam, misi waˀahay ara niˀicam, a wuɗam ɓa mbur a kilo widi taŋ, amma Buymisemuŋ, a ro slimiɗ disl disl avu gwat mukuyta wãˀ tayna!

Ɗerewol JOP 5:3

Naŋ kanah, mbur gilaw micifi le dar dar na, i pur le, amma i hirsa hay naŋ kutum si, i ɓi:

DIMISEY 37:35

Yi pur mbur miziriɗa mi le, maga gwata gaɗay gaɗay le, yo a cici le zlak gidaŋ gidaŋ kaɓa widis mutukuzo.

EZAYI 29:13

Bumbulvuŋ a ɓi na: «Mizli, a kircohoko ng'avi ya ti mingiɓi si, a hunumikiy daˀ avu mi si, amma mevel taŋ naŋ kileŋ avu ya. Taŋ maɓam ara sluwunam ti ya vuna, i gwat ngi sirik ngi mizli titrahay, mudubuna ti dubun.

ZEREMI 11:17

Muhurvuw i Bumbulvuŋ misi gidaŋ wãˀ, muzulo bonoy madiɗa nga hirnga ɗik i naŋ, asi malambaˀ ngi Israyeley ati Zudahay migaka na: a jakaŋ mevel le ti gi mikuli ngi wur ti wur da Baˀal.

ZEREMI 3:10

Gar ti nah kwana, Zuda sukum naŋ mongoso miteŋteŋ ta na, a mo ng'avi ya ti mevel purla ta: a zil marava ti jiviɗ naŋ kaslsla ta. I ya Bumbulvuŋ maɓi.

ZEREMI 45:4

- Mingiɓi ka masa ɓaŋ di ani. Bumbulvuŋ a ɓi na: Gwat ya mindira le na, i ya vuna masa waha a muŋ, gwat ya mihirva le na, i ya masa muɗa a muŋ, i ga kanah asi ruwuy gar.

EZEKIYEL 33:31

Mizli ɗuwoyo, a sa joko kaw kaw ng'avi ka, a cifam joa mbuŋ ɗike. A sa cinaka mingiɓi ɗik na, amma t'anta sa gam di slra ta, asi a ɓam mi mideɗek ɓula, dambalaka a mevel taŋ a sipam di i jiviɗ ngi lum.

Ɗerewol OZE 7:14

Taŋ mawudam ng'avi ya na, ti mevel taŋ wãˀ ta. Taŋ tup tup ar li niˀici, a ciraka vuhoyo ɓulot ɓuloto, amma a gaka ngi luuma alkamari nawaya ati mbaazla si. Taŋ mabigaka cine mi taŋ na, da ya.

HABAKUK 1:13

Pura hiri ɗike, malambaˀ anta ara ta, ki ɓusa pura malambaˀa gu ta, maguzuvraka mizli na, k'anta wuɗ pur naŋ ta, k'anta ngum pura bonoy ngi mizli ti hiri ta. Na, mitikina vuhoyo ki pura taŋ ti hiri na vur mike? Da mbur misi moˀore ara njirsla mbur mijeŋ fineˀ naŋ na, ka lek lek vur mike?

Matiye 15:8

«Mizli tayna a ɗuvikiy hirnga ti mi tewle, amma mevel taŋ, naŋ kileŋ avu ya.

Mark 7:6

Yesu a ɓa taŋ: «Ezayi a njika ɓi ngi Buymisemuŋ le kaslsla wãˀ a hirnga kumo, kum miɓi mi cuw cuwoy, asi a ɓi na: ‹Mizli tayna, a ɗuvikiy hirnga ti mi tewle, amma mevel taŋ naŋ kileŋ avu ya.

Ɗerewol TIT 1:16

A gam kaɓa a sinaka Buymisemuŋ le, amma avu gwat ngi gi taŋ na, ko a sinakaŋ ta. Taŋ i malambaˀhay wãˀ, i mislikiɗa ɓihey, gwat mezle gar na, a ndilaka gi nah ta.