ZEREMI 11:7 - Bible en langue guiziga

⁷ Diga ya mubo ti dideˀ kumoy ti ruwuy Ezipte, hã dana na, i hurdum le ɓa a tiɓaka ɓi ɗu, i hurdum le is mbeˀ mbeˀ, mbak le anta, i ɓa taŋ: «Cinaka mingiɓi ɗu!»

ZEREMI 11:7 ပူးပေါင်းရင်းမြစ်များ

BUYOY MUCUW NAŊ 17:13

Buymisemuŋ a ɓa Israyeleye ati Zudahaya le ɗaˀ ɗaˀ le vurˀe. Ɓi nah a bo le ti balam mijiviɗ naŋhay, yo tivi mizli misi kleŋ naŋhay gar, a ɓa Israyeleye: «Pulaka jiviɗ malambaˀ kumoyo moko. Ɓi ya ɓi micica ati ɓi ya mujuwa taŋ gar, kaslsla kaɓa ya mutoho ɓi nah da dideˀ kumoy, yo ya muɓu kum di, ɓi nah mubo ti balam gawla mijiviɗ ɗuwoy na, jaka taŋ a hirnga.»

ƁI NGI HINEY MUCUW NAŊ 36:15

Bumbulvuŋ Buymisemuŋ ngi dideˀ taŋhaya, a slino taŋ mizli, ɓa aka ka taŋ mumuyuŋ ngi zay sla a slimiɗe, asi mizli naŋhay waɗ hay nga naŋ vuna, ara gakaŋ ircece.

BI NGI ISRAYELEY 15:26

A ɓa taŋ: «Da ki ra cinikiy mi kuy kuy da ya Bumbulvuŋ Buymisemuŋ kumo, da ki ra gam gwat mijeŋŋe a mbuŋ ɗu, da ki ra cinaka ɓimuɗuva ɗu, da ki ra sipaka ɓimujuwa ɗuwoyo gar na, bonoy ya miga taŋ da Eziptehey na, y'anta sa gukum di ko pal asi taŋ ta. Asi, yi Bumbulvuŋ mambulukum avu jijihey.»

ZEREMI 11:4

I ɓi ya miɓa ɗaˀ le da dideˀ kumoy, ti di ya mabo taŋ ti ruwuy Ezipte, li ngi bonoy tuwa. I ɓa taŋ na: Cinaka mingiɓi ɗu, yo ɓi ya mawuɗ na, gam di slra, ɓa kisa tiram mizli ɗuwoy, ya kwana, i sa tiri Buymisemuŋ kum.

ZEREMI 25:3

«Diga vi kuruˀ nga makir ngi Zoziyas, mangal ngi Amoŋ mazum buy a ruwuy Zuda hã wurenna, a mbiɗeˀvra vi kukur cuw nga makir na, Bumbulvuŋ a ɓiy mingiɓi naŋ le da ya, ya kwana, i ra ɓukum di, ko mbak le anta, amma ko ki cinikiy di ta.

ZEREMI 25:4

Bumbulvuŋ a pula slinukum gawla naŋ mijiviɗeye mbak le ta. Amma ko ki cinam ta, ki jikaka slimiɗe ngi cine ɓi naŋ ta.

ZEREMI 31:32

Jumoˀay nah na, a sa gi naŋ wal avu ngi ndra mujumom ati dideˀ taŋhay, ti ya mubo taŋ kaw kaw avu haŋ ti ruwuy Ezipte na. Taŋ a ngilaka jumoˀay ɗu le, amma ya, yi buy ngi hay taŋ na si. I ya Bumbulvuŋ maɓi.

ZEREMI 32:23

A cam le, yo a pam le anga, amma so na, a cinaka mingiɓi ɗike ta, ɓi ka mudubuna taŋ di na, a sipaka ta. Gwat gar ka mucufuɗa taŋ ɓa a gaka na, a ngumam gi naŋ ta. Ka mica taŋ ar mendre tayna cek na vurˀe.

ZEREMI 34:14

«Vi tarnaˀ migi le na, mbur gar a sa pula sukum naŋ, mbur Heber, naŋ mihiɗika zleˀe na, a gi beke naŋ vi merkeɗ, a dirba nah, a sa pulaŋ.» Amma dideˀ kumoy a cinikiy di ta, a jikam slimiɗ asi mingiɓi ɗu ta.

ZEREMI 35:14

Mbaazla, Yonadap mangal ngi Rekap mitika ziri naŋhay ɓa a sam ta na, a cinam mi le: vurˀe, a sam mbaazla ɗaˀ ta wãˀ hã dana, ɓi ngi dideˀ taŋ mudubuna taŋ di na, a jaka le a hirnga. Na ya Buymisemuŋ, i ra ɓukum ko mbak le anta ngbaŋ, amma ko ki cinikiy di ta.

ZEREMI 35:15

I slinukum gawla mijiviɗ ɗuwoyo, ko mbak le anta, a ɓukum: ‹Mbur gar na, anja a mbiɗa kpak ngi vu naŋ malambaˀ na, haˀaw, ɗiyaka hiri ngi gwat ngi gi kumoyo. Ki ram ti sipi kulihey ɓa ki huruk hurukam a mbuŋ taŋ ta, yo kum ndiram asi ruwuy ya muvulukum di da kum waɗ da dideˀ kumoy na!› Amma ko ki jikam slimiɗ asi mingiɓi ɗu ta, ko ki cinikiy di ta.

ZEREMI 7:13

Ani wurenna keɗ keɗ na, ki gaka gwat malambaˀ tayna le gar, i ɓukum ɓi nah le, ko mbak le ta ngbaŋ, amma ko ki cinaka ta, i zilukum le ngbaŋ ni, amma ko ki zilikiy mi ta. I ya Bumbulvuŋ maɓi.

Ɗerewol OZE 4:1

Israyeley, cinaka mingiɓi ngi Bumbulvuŋ. Bumbulvuŋ ara ga kiita da mizli ngisi ruwuyoy. Asi gwat migisiŋ anta, wuɗa mbur migweˀ ngivi ka anta. Yo a sinaka Buymisemuŋ asi ruwuyo ta ma.

Ɗerewol OZE 5:1

Kum masayay, cinaka ɓi ani, kum mizli Israyeley, cinam kuy kuy, yo kum ngi mamay buyoy, jikam slimiɗe: kiita mijeŋŋe, anja magaka i kum zleˀe, na a Mispa, ki tiram le kaɓa kwar ngi ji mizli, yo ar muwã Taboro, ki tiram kaɓa zuva ming'aka le,

ZAKARI 1:4

Ki sipaka sar ngi dideˀ kumoyo ta. Mijiviɗ mudumbuŋhoyo, a tilaka taŋ mi le zleˀe, a ɓaka t'ani: ‹Bumbulvuŋ misi gidaŋ wãˀa, a ɓi na: Moko so, jiviɗ malambaˀ kum masipaka ati gwat ngi gi kum malambaˀ na, pulaka›, amma a cinam mi ta, yo a kam slimiɗ ar ya ta. I ya Bumbulvuŋ maɓi.

EFESEY 4:17

Ya maɓukum, yo ya magi sedewo ar ya mujom ati Bumbulvuŋ, puraka n'ani: anja ki sipam sirik ngi mizli duniyahay mata, wuluk taŋ ar ti taŋ nga zizi.

Slu cuw 30:20

Wuɗam Bumbulvuŋ Buymisemuŋ kumo, cinakaŋ mi, ndiram teŋteŋ, hinaka mevel aseˀe: naɓa kisa gam vi haɗi asi ruwuy Bumbulvuŋ miɓi a sa vula da dideˀ kumoy, ti Abraham, Izak waɗ Zakop na.

Slu cuw 4:6

Da ki ra jaka taŋ a hirnga, yo ki ra gam taŋ slra na, masa vulukum sinmijileŋ ati lesl i nah.» Mizli misa cinaka ɓimuɗuva tayna le cek na, a sa ɓam: «Sukwi madiɗa hana, sinmijileŋ ava haɗi, lesl ava haɗi!»

Slu cuw 5:29

Da a juwam vu le ngi caˀa, ɓa a zluwunam ti ya, ɓa a jaka ɓimuɗuva ɗuwoy a hirnga na, naɓa taŋ ati ziri taŋhay a sa ndiram ar wuya hã ngi sete!

Slu cuw 6:2

Naŋ kine, ar kum misi ti siifa aruŋ gar na, kum ati ziri kumoy waɗ dideˀ kumoyo, zluwunam ti Bumbulvuŋ Buymisemuŋ kumo, yo ɓimuɗuvahay ati ɓimujuwahay ya maɓukum taŋ gar na, jaka taŋ a hirnga, ɓa ki zikam haɗi a ruwuyo.

Slu cuw 8:6

Ɓimuɗuva ngi Bumbulvuŋ Buymisemuŋ kumo, jaka a hirnga, gaka gwata kaɓa naŋ mawuɗo, yo cinakaŋ mi.

TESALONIKEY MUCUW NAŊ 3:12

Mizli misi ka tayna na, anja a gam slra ti mi teˀteˀe, ɓa a zumam gidaŋ taŋ. Ndra maɓaka taŋ ati ndra makutaka taŋ kahana na, ti slimiɗ ngi Buy ndra Yesu Kristu.

SAMUYEL MUDUMBUŊ NAŊ 8:9

Wurenna so na, taŋ maɓukuw na, cine taŋ di. Amma sey ka taŋ mumuyuŋ zay sla ɓaˀ le a slimiɗe. Buy masa wa taŋ na, a sa zum buy ar taŋ kahana kahana na, ɓa taŋ di ɗaˀ ɗaˀ le.»