ZEREMI 11:4 - Bible en langue guiziga

⁴ I ɓi ya miɓa ɗaˀ le da dideˀ kumoy, ti di ya mabo taŋ ti ruwuy Ezipte, li ngi bonoy tuwa. I ɓa taŋ na: Cinaka mingiɓi ɗu, yo ɓi ya mawuɗ na, gam di slra, ɓa kisa tiram mizli ɗuwoy, ya kwana, i sa tiri Buymisemuŋ kum.

ZEREMI 11:4 ပူးပေါင်းရင်းမြစ်များ

ZLI VIRZI 17:8

Hirwuy mulak ka misi anga wurenna na, i sa vuluw di, a ndir da ka ati dideˀ ɗikey a dirba ɗike. Hirwuy Kanaˀan gar a sa ndir da taŋ ngi set, joˀ yi sa tiri Buymisemuŋ taŋ.»

BUYOY MUDUMBUŊ NAŊ 8:51

Asi mike na, taŋ i mizli ɗikey, i ngi ɗikey, zle ti ka mubo ti taŋ tir bonoy ngi Ezipte.

BUYOY MUCUW NAŊ 18:6

Naŋ a ndir gumbaˀ avu Buymisemuŋ, manja a mbiɗaŋ duba. Ɓimujuwahay, Buymisemuŋ muvula taŋ da Moyis na, a ja taŋ le a hirnga.

BI NGI ISRAYELEY 20:6

Amma da mbur ara wuɗiy, yo ara ja ɓimuɗuva ɗuwoy a hirnga na, i sa gaŋ mezle gbaˀ avu dideˀ dideˀ durmuk mbeˀ mbeˀe.

EZAYI 30:6

Tila mi: Ginewey ara ram kini tir vay muŋ. A ra tuwuɗam li ngi bonoy, li ngi lik ati li mikirɗak, gidaŋ gidaŋ. I li ngi mobor mizile ati mongoso, ngi kwecesl ati ngoŋngoŋ maslikiɗ ti zlara. Mizli ara ram ti zlili taŋhay, ara ram gwat ngi lum taŋhay, ɓaˀ ɓaˀ a duba zungu ati zlogomohoy. A ram taŋ da mizli magam gwat ati taŋ tahay.

EZAYI 48:10

Ani i luwuslukum le ar vu, anta kaɓa ɓiri bara ta ɓula, amma i purukum ar kukutu ngi bonoy.

ZEREMI 11:7

Diga ya mubo ti dideˀ kumoy ti ruwuy Ezipte, hã dana na, i hurdum le ɓa a tiɓaka ɓi ɗu, i hurdum le is mbeˀ mbeˀ, mbak le anta, i ɓa taŋ: «Cinaka mingiɓi ɗu!»

ZEREMI 24:7

I sa vula taŋ lesl, ɓa a sinikiy. Haˀaw, ya i Bumbulvuŋ, joˀ taŋ a sa tiram mizli ɗuwoy, yo ya kwana, yi sa tiri Buymisemuŋ taŋ ya. I taŋ masa moko ng'avi ya ti wuluk ngi mevel taŋ wãˀ.

ZEREMI 26:13

Amma wurenna, mbiɗaka kpak kumo, mbiɗaka gwat ngi gi kumo, Bumbulvuŋ Buymisemuŋ kumo mazulukum na, cinakaŋ. Kanah na, Bumbulvuŋ a sa pula hiryi, naŋ mujuwa a mevele ngi gukum di tuwa.

ZEREMI 30:22

Ki sa tiram mizli ɗuwoy, ya kwana, i sa tiri Buymisemuŋ kum.

ZEREMI 32:28

Ya Bumbulvuŋ i ɓi na: i sa vula walahay hana asi haŋ ngi Babiloŋhoy waɗ asi haŋ ngi Nabukodonozor, buy madiɗa ngi Babiloŋ. A sa tiɓa da naŋ.

ZEREMI 38:20

Zeremi a mbiɗaŋ di: «Anta sa vulukuw asi haŋ taŋ ta. Cina mi ngi Bumbulvuŋ kaɓa ya maɓuw di na, gwat gar a sa gi tir mezle avu ka, kisa laha hutuŋ ɗike.

EZEKIYEL 11:20

Kanah na, ɓa ki sipam jiviɗe, kaɓa ɓimujuwa ɗu mawuɗo, ɓa ki jaka sirik ɗuwoy a hirnga waɗ ɓa ki gam taŋ slra. Ki sa tiram mizli ɗuwoy, yo yi sa tiri Buymisemuŋ kum.

EZEKIYEL 14:11

Kanah na, naɓa Israyeley anta sa kiraham kirah le avu ya mata, t'anta cam ar dili ti slikiɗa ɓi taŋ na mata. A sa tiram mizli ɗuwoy, yo ya kwana, i sa tiri Buymisemuŋ taŋ. I ya Bumbulvuŋ, Buymisemuŋ maɓi.»

EZEKIYEL 36:28

Hirwuy, ya muvula da dideˀ kumoy na, kisa cifam anga. Ki sa ndiram kum i mizli ɗuwoy, ya i sa ndir yi Buymisemuŋ kum.

EZEKIYEL 37:23

Kuli kumoy ati gi gwat kum mukuyta wãˀ, malla ko slikiɗa ɓi kum na, anta sa ar dili mata. I sa loho kum tir li kum misi ara gar, li kum migam mungra ara. I sa zuɓa dili kumoy avra, joˀ kisa tiram mizli ɗuwoy, yo ya kwana, i sa tiri Buymisemuŋ kum.

EZEKIYEL 37:27

Li cifi ɗu a sa ndir a wuzla kum. I sa ndir yi Buymisemuŋ kum, yo kumo, kisa ndiram i mizli ɗuwoy.

DANIYEL 3:26

Dar Nabukodonozor a girjih ng'avi mi ngi vu munjulili tuwa, a ɓi: «Sadrak, Mesak ati Abet-Nego migi slra ngi Buymisemuŋ mimadiɗa, boko, soko!» Dar ti Sadrak, Mesak ati Abet-Nego a boko ti wuzla vu.

LEVIHEY 26:12

I sa ru ɓaˀ a wuzla kumo, yi sa tiri Buymisemuŋ kum, yo kumo kwana, kisa tiram mizli ɗuwoy.

LEVIHEY 26:3

Ɓimujuwa ɗuwoyo, da ki ra sipaka taŋ, ɓimuɗuva ɗuwoyo da ki ra jaka taŋ a hirnga, yo da ki ra gam taŋ slra na,

ZAKARI 13:9

Ziri mindiram ngac li taˀ purla tuwa na, i sa pura taŋ ar vu. Kaɓa mapam ɓiri bara malla ɓiri tapasl tapasl ti vu na, i sa pa taŋ kanah ya. Dar taŋ a sa zilaka slimiɗ ɗu, yo ya i sa cine taŋ di. I sa ɓi vur taŋ: «I mizli ɗuwoy», yo taŋ a sa ɓam vur ya: «Ya Buymisemuŋ taŋ, yi Bumbulvuŋ.»

ZAKARI 6:15

Mizli mikileŋ kileŋheye, a sa soko gam slra ar hay nga ya Bumbulvuŋ, dar kisa sinaka mislino ya ng'avu kum i Bumbulvuŋ misi gidaŋ wãˀa. Da ki ra cinikiy mi kuy kuy wãˀ da ya Bumbulvuŋ kumo na, gwat nah a sa gi cummo.

ZAKARI 8:8

I sa mo taŋ, a sa cifam a Zeruzaleme. A sa ndiram i mizli ɗuwoy, yo i sa ndir yi Bumbulvuŋ taŋ miteŋteŋ, yo mijeŋŋe avu taŋ.»

Matiye 28:20

Dubunaka taŋ ɓi ya muɓukum di ɗaˀ le na gar, ɓa a jaka a hirnga. Yo ya, y'ada ati kumo vur hin gar hã avu kiɗa mi ngi duniya.»

KORENTIHEY MUCUW NAŊ 6:16

Hay ngi Buymisemuŋ ati kuliheye, a jumom arleˀe mbri mbrike? Asi ndra, ndr'i hay ngi Bumbulvuŋ misi ti siifa, kaɓa Buymisemuŋ vuna miɓi: «I sa cifi ti hay ɗu a wuzla taŋ, yo i sa liˀi a wuzla taŋ. I sa tiri Buymisemuŋ taŋ, yo taŋ a sa tiram mizli ɗuwoy.»

Slu cuw 11:27

ɓimuɗuva ngi Bumbulvuŋ Buymisemuŋ kum, ya maɓukum di dana na, da ki ra jaka a hirnga na, naɓa i sa ɗuwulukum mi,

Slu cuw 4:20

Amma kumo, Bumbulvuŋ a hilo kum, a bo ti kum ti ruwuy Ezipte, hirwuy misi bonoy haɗi ara, ɓa ki tiram mizli nga naŋhay, kaɓa kum misi ani dana na.

Slu cuw 5:6

«I ya Bumbulvuŋ Buymisemuŋ ɗik mubo ti ka tir beke baɗ ti ruwuy Ezipte.

HEBEREY 5:9

Naŋ mitiri manja hereweɗ so na, mizli macinakaŋ mi gar na, a tiri le i buy milih taŋ hã ngi sete.

SAMUYEL MUDUMBUŊ NAŊ 15:22

Akẽh na, Samuyel a ɓaŋ: «Buymisemuŋ a wuɗ di i mikulihey mizlam zlam waɗ mikuli mekelem, mbak cinaŋ mi le jak kwa? Kanah ta, cine mi a funa mikulihey magakaŋ taŋ ti mal ngi tumuŋhoyo le.