ZEREMI 10:9 - Bible en langue guiziga

⁹ Kuli tayna i ɓiri bara kembreˀ kembreˀ, musoko di ti Tarsis, yo i ɓiri tapasl tapasl musoko di ti Ufas, migaka slra nah i misina slra ngi ɓirihey ati mipi ɓirihey ti pi, aka ka taŋ zana gagaza wit wit, waɗ gagaza ndezze. Miɗiyaka taŋ cek i misina ɗiya gwatay tewle.

ZEREMI 10:9 ပူးပေါင်းရင်းမြစ်များ

BUYOY MUDUMBUŊ NAŊ 10:22

Asi buyo naŋ da ti palalam ngi ruwuy Tarsisey mazuɓam mulak kileŋ angi mubuliye, jom ati ngi buy Hiramaya. Vi makir migi le gar na, palalamay a moko ti gwatay mbaf mbaf ar taŋ: ɓiri tapasl tapasl ati ɓiri bara, sliŋ ngi begenehey, virihey waɗ ɗiyuw teekuhoy.

ƁI NGI HINEY MUCUW NAŊ 9:21

Asi buyo naŋ da ti palalam ngi yamay, a slina taŋ nga Tarsis ati gawla ngi buy Hiramay. Angi vi makir gar na, palalamay tuwa, a moko ti Tarsise ti gwatay mbaf mbaf ar taŋ: i ɓiri tapasl tapasl, ɓiri bara, slin ngi begenehey, virihey waɗ ɗiyuw tekuhoy.

DIMISEY 115:4

Kuli ngi mizli tayna, i ɓiri bara ati ɓiri tapasl tapaslay, i mizli muvuɗaka taŋ ti vuɗ.

DIMISEY 72:10

Buy madiɗa ngi Tarsis waɗ ngir matura mikileŋ kileŋheye, a sa slinakaŋ ti gwat ngatarahay, buy madiɗa ngi ruwuy Saba ati Sebahay a sa wurkaka buutu da naŋ.

EZAYI 23:6

Mizli ngi ciki mubuliyey, tuwuɗam mubuliye sesẽŋ a Tarsis, a wudam cǝruw cǝruw.

EZAYI 40:19

Kuli kwa? Kuli i mbur mipi ɓiri mipa ti pi, mbur mupuyaŋ ɓiri tapasl tapasl kor kor, waɗ muluwaŋ ɓiri bara danjak.

EZEKIYEL 27:12

«Mizli Tarsisey ati mizli ɗikeye, a gam terere ngi gwatay wal wal haɗa. Ar deɗe ngi zlili ɗik mihaɗa na, taŋ a sukuw ti ɓiri bara, ɓiri ho gar, ndifri waɗ plom.

EZEKIYEL 27:7

Zana himiɗ mahizigiɗuw ti naŋ, i ngi gabaga mislirkeɗ ngi ruwuy Ezipte, midira dar dar ti gugumay, a sinukuw kutum ava, zle kileŋ. Misirit a hirnga ɗike, i gabaga miwitwit, waɗ mindezze ngir matura Sipre.

DANIYEL 10:5

I zuɓa hirnga paɗɗa, keɗ na, mbur deŋ ti zana ngi gugumay mislirkeɗ, kanda ngi ɓiri tapasl tapasl pal naŋ wak a dingiriŋ.

Ɗerewol OZE 8:6

Zuŋ sla kum a bo ti ruwuy Israyel, i mbur misina gwat mindiraŋ, ɓi ngi Buymisemuŋ anta ava neˀ le ta. Haˀaw, zuŋ sla ngi Samari na, a sa mam di muwaha le meɗ meɗe.

ZONAS 1:3

Amma Zonas a slikiɗ nga naŋ, ɓa a kil nga Tarsis, kileŋ avu Bumbulvuŋ. A pi sar nga Zafa, a lum palalam a diga maru nga Tarsis. A wurka dala ngi palalama, a ci asi migi slra ngir palalamaya, ɓa aru nga Tarsis, kileŋ avu Bumbulvuŋ.

HABAKUK 2:19

Misliŋvu miɓaˀ a ruwuyo ki ɓakaŋ: «Slikiɗi.» Malla ɗugur muro lek leke, ki ɓakaŋ: «Puɗuku.» A dubunukum gwat gu kwa? Da ko naŋ sirit ti ɓiri tapasl tapasl malla ti ɓiri bara kwana, ko musuwun fiɗek anta avu taŋ ta na si.