ZEREMI 10:8 - Bible en langue guiziga

⁸ Taŋ cek i gilaway, manja lesley. Mudubuna taŋ gwata i dum ngatara lambaˀ.

ZEREMI 10:8 ပူးပေါင်းရင်းမြစ်များ

DIMISEY 115:8

Mizli muvuɗa kulihey vuna, waɗ mizli manjaham hiri asi taŋ gar na, a tiram le ka kulihey vuna ya.

DIMISEY 135:18

Mizli mapam kuli ti ɓiri muluwuslahay, ati mizli manjaham hiri asi kuli tayna gar na, anja a ndiram rak rak ati kuli taŋhay vuna.

EZAYI 41:29

Taŋ gar taŋ na, i migi malambaˀ da mizli! Gwat ngi gi taŋ i ngatara. Taŋ minge mikaˀ kaˀ na, i himiɗey, yo taŋ njoŋ njoŋ ngatara.

EZAYI 44:18

Mizli tayna, anta cinam ta, anta slaka wala ngi gwata ta. Asi hiri taŋ i mislirɓa le, mbak ko a puram mata, mevel taŋ kwana kanah ma, mbak ko a sinaka ɓi gu mata.

EZAYI 44:19

Ko mbur loŋ mawuluk a mevele anta, mbur misi lesl malla misli wala ngi ɓi, ɓa a ɓi: «Dumo cah, i ɗiy di vu le, zayvu naŋ, i di di ɗaf le, i tus di useˀ le, i ra humbuɗa. Yo is ngi dumo, i sa ciɗ di kuli, i sa huruk huruk a mbuŋ misliŋvu ngatara mbrike?» na, ko anta loŋ ta.

ZEREMI 10:14

mbur gar na, a ndir ngirkik, a sla wala ngi gwata ta, mbur mipi ɓiri gar na, a ndir ti mesem ti kuli naŋ tuwa: kuli miciɗa ti ciɗ tayna i gwat ngatara lambaˀhay, musuwun anta a hur taŋ ta.

ZEREMI 2:27

Ki ɓaka kuli dumo: «Ki cine ɗu!» Kuli ɗuguro ma na: «Miyiy i ka.» Haˀaw ɓula ni! Ɓa ki puroko hiri ng'avi ya jak na, ki mbiɗikiy di i duba. Amma da bonoy mulumukum le lum ɓula na, ki ɓikiy: «Kilawa, laha ndra takwa!»

ZEREMI 3:9

Naŋ muwuluk ta wãˀ, yo gi gwat naŋ ka ɓi ngi sefel tuwa na, joˀ hirwuy a hiryi aseˀe. A gi madama ati kuli ɗugur waɗ kuli dumoy.

ZEREMI 4:22

Haˀaw, mizli ɗuwoy i gilaway, a sinikiy ta. I ziri manja lesley, anta slaka wala ngi ɓi ko neˀ le ta. A sinaka wala ngi gi malambaˀa le wãˀ ɓula, amma a sinaka gi mezle ta.

ZEREMI 5:4

Dar ya Zeremi, i ɓi ti kwacay ɗu: «Taŋ i mizli mizlewey ngataraŋ, a wulkam geˀ preˀe, a sinaka gwat Bumbulvuŋ mawuɗo ta, a sinaka gwat Buymisemuŋ taŋ macufuɗo ta.

Ɗerewol OZE 4:12

Mizli ɗuwoy a cufuɗaka mingiɓi avu kuli dum, yo madubuna taŋ gwata, i mihaŋ naŋhay, asi wuluk ngi gi sulome ara zizaŋ, yo taŋ magam sulome tuwa na, ara muɗaka vu taŋ tivu Buymisemuŋ taŋ avra.

ZONAS 2:8

Naɓa yi ro fiɗek fiɗek zleˀe, yi wuluk keŋ ar ka, joˀ yi ziluw: «Bumbulvuŋ ɗu» Dar diradibiɗ ɗu a ndil sesẽŋ avu ka, sesẽŋ ar hay ɗik mipal.

HABAKUK 2:18

Misina ɗiya gwatay, maɗiyam kuli miciɗa ti ciɗey, malla mipa ti pi ngi dubuna gwat mijeŋ ta da mizli na, a pul gir ngi mike? Misina ɗiya gwat tayna, a pulaka mevel taŋ da kuli mingbimmehey, taŋ miɗiyaka taŋ tihaŋ taŋ na, vur mike?

ZAKARI 10:2

Asi mike na, kulihey, kum macufuɗaka taŋ na, a njukukum di i ɓi ngi slir lambaˀa, yo mihiziga njoloyo, gwat taŋ mapuraka na, i sir lambaˀ kine, taŋ mamusuwunam ti duvuɗ gar na, ɓi mikaslsla anta ara loŋ le ta. Vurˀe, mizli a ram digi lambaˀ kaɓa ginew mitaˀ gezleŋ, asi mijigin midar anta.