ZEREMI 10:7 - Bible en langue guiziga

⁷ Ka buy madiɗa ngi sukwi ngi mizli gar, mazluwun ti ka ta i waka? Zluwuno, sey ti ka. A wuzla mizli misi sinmijileŋ ngir sukwi ngi mizli gar, yo ar zumabuy taŋhay gar na, ko mbur misi kaɓa ka anta.

ZEREMI 10:7 ပူးပေါင်းရင်းမြစ်များ

BUYOY MUCUW NAŊ 17:39

Ki sa zluwunama sey ti ya Bumbulvuŋ Buymisemuŋ, kum tewle. Masa luhukum ti haŋ mesene kumoy gar na i ya.»

ƁI NGI HIN GAR MUDUMBUŊ NAŊ 16:25

Asi Bumbulvuŋ naŋ madiɗaŋ, a ndila le ɓa a hunumakaŋ, a gi zluwun, yo a funa kuliheye le gar:

ESTER 1:13

A dirba nah, buy a kiɗam slir ar ɓi nah ati buy ngi ɓimujuwahay waɗ ati ngi migi kiitahaya.

DIMISEY 147:5

Buymisemuŋ ndra, naŋ madiɗaŋ, yo naŋ gidaŋ haɗa, sin nga naŋ anta kiɗ mi ta.

DIMISEY 22:28

Anja mizli ngi si ruwuy keɗeɗe gar, a wulkam keŋ angi Bumbulvuŋ, yo a moko ng'avaŋ. Anja sukwi ngi mizli gar, a a hurkom huruk huruk a mbuŋ naŋ.

DIMISEY 47:3

Asi Bumbulvuŋ Mimadiɗa, a gi zluwun da mbur. I buy madiɗa muwãˀ ngi si ruwuy gar.

DIMISEY 72:11

Buy madiɗahay gar a sa huruk hurukam a mbuŋ naŋ, sukwi ngi mizli ngi si ruwuyoy gar a sa gam gawla naŋ.

DIMISEY 76:7

Buymisemuŋ ngi Zakop, ka mubuca taŋ ɓar na, mota ngi vurumoy ati pilis miɗiɗi taŋhaya gar a tikam is le.

DIMISEY 86:8

Bumbulvuŋ, a wuzla gwat mizli mahuruk hurukam avu taŋ gar na, munduluw ka anta! Gwat ka maga gar na, ko ngi wa ati naŋ anta.

DIMISEY 86:9

Bumbulvuŋ, sukwi ngi mizli, ka miga taŋ gar na, a sa hurukom huruk huruk a mbuŋ ɗiki, a sa gukuw dudok ti zila slimiɗ ɗike.

DIMISEY 89:6

Bumbulvuŋ, anja modro ɗik ngi muŋhoy a hunumukuw asi gwat ngi zuma hirng'aka maga na, yo anja a hunumukuw ar kus ngi mizli ɗikey a muŋ asi gi teŋteŋ ɗik na.

BI NGI ISRAYELEY 8:10

A hilaka taŋ zikitiŋ zikitiŋ, Ezipte gar a zĩˀĩ gec tititi.

BI NGI ISRAYELEY 9:14

Asi wurenna, i wuɗ i slino bonoyoy cek ng'ar ka muduba, nga hirnga ɗik vuna, ng'ar gawla ɗikey waɗ ng'ar mizli ɗikey, ɓa kisa sina, ko mbur pal ngi wa ti ya anta asi ruwuyo ta.

EZAYI 2:4

A sa tiri migi kiita ar wala ngi sukwi ngi mizli, a sa tiri miɗiya ɓi ngi mizli haɗa. Maslalam taŋhaya, a sa vuɗ taŋ gulekey, ziwit taŋhaya, a sa vuɗ taŋ slagwayay. Sukwi ngi mizli anta sa pukam maslalam ng'ar sukwi mekelem mata, anta sa dubunaka gi vurumo mata.

ZEREMI 10:6

Bumbulvuŋ, mbur misi kaɓa ka, anta! Ka madiɗaŋ, yo slimiɗ ɗike, ara zil haɗa asi ka magi gwat madiɗahay.

ZEREMI 5:22

Bumbulvuŋ a ɓi na: Ki zluwunam ti ya ta mbrike? Ki jijikam a mbuŋ ɗu ta mbrike? Mipa muyuŋ ar deɗe ngi maakway da mubuliy, maakway naŋ ngi set, ɓa a tuwuɗ ta na, i ya takwa? Yam a slikiɗ jirif jirif, amma naŋ anta lum gidaŋ ta, naŋ mangi diɓel na, a hurum cufuyoh cufuyoh, amma ko a tuwuɗa ta.

DANIYEL 2:27

Daniyel a mbiɗa da buyo: «Gwat ka masla wala naŋ ta hana na, misi sinmijileŋhey, muɓula musuɗukoy, misi cucukoy, malla mipi daˀasaya, ko pal maɓuw di, yo manjukuw ɓi naŋ gu anta.

DANIYEL 2:28

Amma Buymuŋ ada, a njik gwat mufuna wuluk ngi mbur, yo gwat masa gi ti mbuŋ na, i naŋ mabuguw di da ka buy madiɗa Nabukodonozoro. Musuwun ɗik ati gwat ka mupura ti kleŋ, ti ka mutup na, n'ani.

HABAKUK 3:2

Aw Bumbulvuŋ ɗu, mingiɓi ɗik ka miɓa na, i cine le, a giy zluwun le haɗa. Ambuh Bumbulvuŋ ɗu, ga taŋ ar vi hanayna matakwa! Ar vi hanayna na, ga taŋ, ɓa mizli a puraka taŋ takwa, amma ko da ki ro ti mevel tekeɗe kwana, wuluk keŋ, ki mbur mapur ircece haɗa.

ZAKARI 2:11

Kum mizli Zeruzalemey, kum micifahay le hǝrǝk hǝrǝk a Babiloŋ, Sumuɗom, akum le.

MALASI 1:11

Slimiɗ ɗu ara zil haɗa a wuzla sukwi ngi mizli, zle tisi pas ngi miprik hã tisi pas ngi pastaˀa. Ar li gar na, mizli ara zlumam urdi vur ya, yo ara vulikiy gwat manja dili ngi gi mikuli, asi slimiɗ ɗu ara zil haɗa a wuzla sukwi gar. I ya Bumbulvuŋ misi gidaŋ wãˀ maɓi.

Ɓimezle ngi Yesu Kristu LUK mitil di mi 12:5

Mbur ngi zluwun di na, yi sa bugukum di: Naŋ na, a dirba naŋ mikiɗa mburo le vagay na, naŋ ti gidaŋ ngi hizigaŋ ng'ar vu ma. Haˀaw, yi ɓukum na, sey ki zluwunam di i naŋ.

KORENTIHEY MUDUMBUŊ 8:6

Amma ngi ndra, Buymisemuŋ naŋ purla si. I Cine ndra miga gwatay gar, ndra maram kini ng'avaŋ. Yo ndra ti Buy purla si, i Yesu Kristu. Gwatay migam gar, yo ndra misi ti siifa na, mbele naŋ.

ZOZUWE 4:24

A ga kanah na, ɓa mizli ngisi ruwuy gar a sinaka gidaŋ ngi Bumbulvuŋ, yo ɓa hin gar na, ki zluwunam ti Bumbulvuŋ, Buymisemuŋ kumo.»

ƁIMUNJUYO 11:15

Modro mitarnaˀ taŋ, a fa tulum naŋ. ˀAy ka ngi mizli a cin ti gidaŋ a muŋ, a ɓam: «Wurenna, zumabuy ngi ruwuyo i ngi Bumbulvuŋ ndra ati Mesi naŋ muduba, yo zumabuy nah a sa ndir hã ngi sete.»

ƁIMUNJUYO 15:4

Aw Bumbulvuŋ, mazluwun ti ka ta, i waka? Mavuluw dudok ta, i waka? Asi mipal i ka tewle. Sukwi ngi mizli gar a sa soko, a dilkam a mbuŋ ɗiki, asi gwat ngi gi ɗikey gar na, a njikam le ti jiviɗ naŋ kuy kuy.»