ZEREMI 10:5 - Bible en langue guiziga

⁵ Kuli miciɗa tayna, taŋ kaɓa majuwam gwat ngi zluwuna gwat misãmihey ar guva ngi tatiyak, t'anta ɓam gu ta, sey a jijiraka taŋ ti jijir, asi a ram digi gu ta. Vurˀe, ko ki zluwunam ti taŋ neˀ le ta: anta a gukum malambaˀ ko neˀ gu ta, t'anta pulukum gir ko neˀ gu ta ma kini.

ZEREMI 10:5 ပူးပေါင်းရင်းမြစ်များ

BUYOY MUDUMBUŊ NAŊ 18:26

Taŋ a jaka gusoŋ muvulaka taŋ di tuwa, a gaka slra nah. A dirba nah, a zlaka tumbulo Baˀala, zle ngi miprik hã pas deŋ, t'ada ar li widi: «Baˀal, zila ndra mi, Baˀal, zila ndra mi!» Amma, ko ˀay macin anta, zila mi anta. Taŋˀda, ara ɓurgam ngbik ngbik ngbik a ciki li gi mikuli taŋ miɗiyaka tuwa.

ƁI NGI HINEY MUCUW NAŊ 25:15

Akẽh na, Bumbulvuŋ a slikiɗ himaˀ ar Amasiya, a slinaŋ mijiviɗ, ɓa a ɓaŋ: «Mizli tayna, kuli taŋhay a tiɓaka taŋ tisi haŋ ɗike gu ta, na ki ɗuva hirnga da kuli tayna vur mike?»

EZAYI 16:12

Mizli a sa puraka Moˀapay masa giram ng'ar li miɗingirey, ɓa a ram nga tumbulo Bumbulvuŋ ar hay naŋ, amma i ngatara na si.

EZAYI 45:20

Kum sukwi ngi mizli mindiram ar sifa, kusom, soko. Soko jom arleˀe. Mizli mijijira kuli dum taŋhay na, a sinam gwat ta. A ra tumbuloko kuli taŋ tayna, malahaka taŋ gu ta na.

EZAYI 46:1

Kuli Bel ara guɓu, kuli Nebo ara wuɗ a diɗi. Foto taŋhay a roko a duba gwat misãmi mijijira gwatay. Gwat kum mazuɓaka taŋ ti zuɓ a muŋ ng'ar li gi mezegweley zleˀe na, ani wurenna i ginew migirahay le majijiraka taŋ.

EZAYI 46:7

I taŋ vuna a muŋ mazuɓaka a gagalaˀay, a jijirakaŋ, mavulakaŋ muskavu i taŋ, anja zleˀe i kuli vuna jak ayɗi. Kuli naŋ da ngbimme: anta kirih tir li nah gu ta. Da mbur ara widi ng'ava kwana, naŋ anta mbiɗaŋ di gu ta, naŋ anta laha mbur ar bonoyo gu ta.

ZEREMI 10:14

mbur gar na, a ndir ngirkik, a sla wala ngi gwata ta, mbur mipi ɓiri gar na, a ndir ti mesem ti kuli naŋ tuwa: kuli miciɗa ti ciɗ tayna i gwat ngatara lambaˀhay, musuwun anta a hur taŋ ta.

HABAKUK 2:19

Misliŋvu miɓaˀ a ruwuyo ki ɓakaŋ: «Slikiɗi.» Malla ɗugur muro lek leke, ki ɓakaŋ: «Puɗuku.» A dubunukum gwat gu kwa? Da ko naŋ sirit ti ɓiri tapasl tapasl malla ti ɓiri bara kwana, ko musuwun fiɗek anta avu taŋ ta na si.

KORENTIHEY MUDUMBUŊ 12:2

Ki sinaka le, ti kum misi i mizli duniyahay zleˀe na, a ɗuɗukum le gbor gbor ng'avu kulihey, gwatay maɓam ɓi ta.

KORENTIHEY MUDUMBUŊ 8:4

Ani so na, useˀ magam di kuli na, a zumaka zuy sukwa mbrike? I sinaka le, kuli i gwat mupuɗaw ar duniya ta, yo Buymisemuŋ naŋ purla si, ko mekelem anta.

Slu cuw 4:28

A diga, kisa huruk hurukam a mbuŋ kulihey, mizli miciɗaka taŋ ngi dum malla ngi ɗuguroy. Kuli tayna, a puram ta, a cinam ta, a zumam gwat ta, yo a zãˀãm hutuŋ ta.