ZEREMI 10:1 - Bible en langue guiziga

¹ Mizli Israyeley, cinaka mingiɓi Bumbulvuŋ maɓa ar kum!

ZEREMI 10:1 ပူးပေါင်းရင်းမြစ်များ

BUYOY MUDUMBUŊ NAŊ 22:19

Mise a mbiɗaŋ di ma: «Haˀaw Cina mingiɓi ngi Bumbulvuŋ. Yi pura Bumbulvuŋ le ar janga naŋ ngi buyo. Yogawla naŋhaya, dedeŋ dedeŋ tir vay hazum waɗ tir vay gula naŋ a muŋ.

DIMISEY 50:7

Mizli ɗuwoy cinam, yi wuɗo ɓukum ani, Israyel, i wuɗ i mbuɗuw hirnga: «Buymisemuŋ i ya, Buymisemuŋ ɗiki.»

EZAYI 1:10

Kum misi ka madiɗa ngi Sodomoy, cinam mingiɓi ngi Bumbulvuŋ. Kum misi ka mizli Gomoroy, jikam slimiɗ ar gwat Buymisemuŋ ndra madubuna ndra di na.

EZAYI 28:14

Kum mizli migi mi ngi wuyahay, kum mawaka mizli Zeruzalemey na, cinaka mingiɓi ngi Bumbulvuŋ so.

EZAYI 40:18

Ki wuɗam ki waka Buymisemuŋ ati waka? Gwat mubam vu ati naŋ neˀ ada kwa?

EZAYI 44:6

Israyeley, Bumbulvuŋ, buy madiɗa kum, mimbiɗi hirnga kum, Bumbulvuŋ, Misi Gidaŋ wãˀa, a ɓukum na: «Mudumbuŋ i ya, ngi dirba i ya ma. Mbak ya le na, Buymisemuŋ mekelem anta.

ZEREMI 10:2

Bumbulvuŋ a ɓi na: «Ki dubunaka gwat ngi gi ngi sukwi mekelemeye ta! Gwatay magam a muŋ ngi bigi gwat na, anja a zluwunukum ta! Vur mapulaka vu taŋ mbak, ɓa gwat tayna a zluwuna taŋ na, i sukwi mekelemey.

ZEREMI 2:4

Kum dideˀ ngi Zakopoy ati kum Israyel muyoy gar, cinaka mingiɓi ngi Bumbulvuŋ.

ZEREMI 22:2

kisa ɓi na: ‹Ka buy Zuda muar janga ngi buy ngi Daviti, ka ati gawla ɗikey waɗ mizli ɗikey macohom tir mizlingre hanayna na, cinaka mingiɓi ngi Bumbulvuŋ!

ZEREMI 42:15

yo mbak ɗagay so! Kum mizli Zudahay mindiram ti siifa na, cinaka mingiɓi ngi Bumbulvuŋ so. Bumbulvuŋ misi gidaŋ wãˀ, Buymisemuŋ ngi Israyele, a ɓi na: ‹Da ki zuɓam jiviɗ le gisiŋ nga Ezipte, ɓa ki ra ɗumom a diga na,

Ɗerewol OZE 4:1

Israyeley, cinaka mingiɓi ngi Bumbulvuŋ. Bumbulvuŋ ara ga kiita da mizli ngisi ruwuyoy. Asi gwat migisiŋ anta, wuɗa mbur migweˀ ngivi ka anta. Yo a sinaka Buymisemuŋ asi ruwuyo ta ma.

AMOS 7:16

Wurenna, cine mingiɓi ngi Bumbulvuŋ maɓuw di: Ani ka ki ɓiy na: Ki njik ɓi ngi mbuŋ da Israyeleye ta, yo ki ɓi mi kwiliŋ kwiliŋ da mizli ngi Izakaya ta kini!

TESALONIKEY MUDUMBUŊ NAŊ 2:13

I ra gaka sise da Buymisemuŋ hõyyõ ma, asi ti ndra mutulukum mi ti ɓi Ɓimezle naŋ na, ki tiɓaka kaɓa i mingiɓi ngi mbur titra ta, amma kaɓa i mingiɓi ngi Buymisemuŋ. Gisiŋ i mingiɓi ngi Buymisemuŋ, ara gi slra a hur kum mitiɓiheye.

ƁIMUNJUYO 2:29

Mbur misi ti slimiɗ macin na, anja a cine ɓi ˀUf Mipal maɓa da cikil ngi misikristuhoyo.»