ZEREMI 1:5 - Bible en langue guiziga

⁵ «Ya misa kicuwuw a kwacay munuk na, naɓa i sinuw le si. Ka misa bo tikeˀe ti kwacay naŋ na, naɓa i guhuw le gwah pal vur slra ɗu si. I tiri ti ka mijiviɗ le ng'avu sukwi ngi mizli.»

ZEREMI 1:5 ပူးပေါင်းရင်းမြစ်များ

DIMISEY 139:15

Ti ka mindiriy yaŋŋa, yo ti ka makilikiy klek klek a kwacay maha na, ki puriy le kweŋ kweŋ, gwat ngi dumvu ɗu muɗum avu ka anta.

DIMISEY 139:16

Ya ma juɓ ti juɓ aruŋ na, ki puriy le si. Ka misliy hin ngi zik ɗu a ruwuy aka na, ki toho le cek ar ɗerewol ɗike si, naɓa hin pal a gi t'aruŋ ngbaŋ.

BI NGI ISRAYELEY 33:12

Moyis a ɓa Bumbulvuŋ na: «Cin ɗi Bumbulvuŋ, ka ti haŋ ɗike ki ɓiy na: Aru ti mizli tayna, amma ki ɓiy ɓi ngi mbur ka mawuɗo sliniy di, ɓa a jiniy na ta. Na zle, ki ɓiy na: Ki muɗiy le ceɗ pal, yo ki ra giy mezleŋ.

BI NGI ISRAYELEY 33:17

Bumbulvuŋ a mbiɗa da Moyise: «Ɓi ka miɓa ani na, i sa gaŋ. I sa guw mezleŋ, asi i guw mezle le, yo i wini di i ka gisiŋ.»

EZAYI 44:2

Ya Bumbulvuŋ migi kum, mindir kum zle a kwacay mumuŋ kumoy, ya mijini kumo, i ɓukum: «Kum gawla ɗuwoy, mizli ngi Zakopoy, ki zluwunam ta, kum mizli ngi Yesuruŋhoy, ya muwunukum.

EZAYI 49:1

Kum mizli mikileŋ kileŋhey, cinaka mingiɓi ɗu ani, kum mizli mizar zaray, jikaka slimiɗe. Bumbulvuŋ a ziliy zle ti taŋ miyikiy t'aruŋ, a zila slimiɗ ɗu zle ti ya misi a kwacay maha aruŋ.

EZAYI 49:5

Asi mike na, wurenna, Bumbulvuŋ a ɓa le njah, naŋ mukicuwiy zle a kwacay maha na, ɓa i tiri gawla naŋ, ɓa ngi mo ti dideˀ ngi Zakopoyo ng'avaŋ, ɓa i cikilaŋ hirnga ngi Israyeleye jom ar leˀe. Akẽh so na, Bumbulvuŋ a puriy, ya puɗaw a mbuŋ naŋ muduba, yo gidaŋ ɗu i Buymisemuŋ vuna.

ZEREMI 1:10

Sina sin le dana, i slinuw le nga gi slra a wuzla sukwi ngi mizli waɗ ar zuma buyoyo, ɓa ngi muɗa gwataya muroh muroh, ngi putukuso taŋ putukos putukos, ngi hirya taŋ, waɗ ngi waha taŋ, yo ngi ndira taŋ waɗ ngi hirva taŋ a muŋ.»

ZEREMI 1:4

Bumbulvuŋ a ɓiy ani:

ZEREMI 20:15

Mbur muso ti labara mezle ngi vula mumul madiɗa da baha, miɓaŋ: «A yukuw mangal mizile le» na, a ndir i minisaŋ.

ZEREMI 25:13

Hirwuy hana, ɓihey ya muslufa taŋ ati ɓi mutoho taŋ ar ɗerewol hana gar vurˀe na, i sa ga taŋ. I ɓi Zeremi minjika a hirnga sukwi ngi mizli tayna gar tuwa.

ZEREMI 36:2

«Wuɗ ɗerewol, ɓihey ya muɓuw taŋ vur Israyel, vur Zuda waɗ vur sukwi ngi mizli gar na, toho toh toh angaŋ. Zlo di zle avu ya muɓuw ɓi ar hin ngi Zoziyas hã dana na.

ZEREMI 50:34

Amma micika vu a hirnga taŋ naŋ gidaŋ, a zilaka Bumbulvuŋ misi gidaŋ wãˀ. A ra cik vu a hirnga taŋ ti gidaŋ, ɓa a mo ti zuy ng'asi ruwuy naŋ a muŋ, ɓa a jijika mizli Babiloŋhoyo.

Ɓimezle ngi Yesu Kristu LUK mitil di mi 1:15

Asi mike na, a sa tiri mbur madiɗa a mbuŋ Bumbulvuŋ. N'anta sa si mbaazla ta, anta sa si baraasa ta. A sa nih ti ˀUf Mipal zle a kwacay mumuŋ.

Ɓimezle ngi Yesu Kristu LUK mitil di mi 1:41

Ti Elizabet micina Mariya mijaŋ haŋ na, mangal a wus a kwacaya, joˀ Elizabet a nih ti ˀUf Mipal.

Ɓimezle ngi Yesu Kristu LUK mitil di mi 1:76

Na ka, mangala, a sa zulukuw mijiviɗ ngi Buymisemuŋ Mimadiɗa, asi kisa ki ɓaˀ a mbuŋ, a mihiri ngi Bumbulvuŋ, ɓa ngi ɗiyaŋ jiviɗi,

Ɓimezle ngi Yesu Kristu ZAŊ mitil di mi 10:36

Mbur Buymisemuŋ muwunaŋ, yo mislino di ng'ar duniya na, ki ɓakaŋ: ‹ki ra za Buymisemuŋ›, asi ya miɓi yi Mangal ngi Buymisemuŋ na.

ROMAHAY 1:1

I ya Pol, gawla ngi Yesu Kristu. Buymisemuŋ a ziliy ɓa yi tiri mislin naŋ, a winiy ngi tila mi ti Ɓimezle mubo baɗ ava.

ROMAHAY 8:29

Asi mike na, mizli Buymisemuŋ misina taŋ le daf dumbuŋ zleˀe si na, a wuna taŋ le dumbuŋ zleˀe ya, ɓa a bam vu heˀ ati Mangal naŋ, ɓa Mangal naŋ a tiri modogom a wuzla sukum naŋhay mihaɗi na.

KORENTIHEY MUDUMBUŊ 8:3

Amma da mbur ara wuɗ Buymisemuŋ na, Buymisemuŋ a sinaŋ le.

EFESEY 1:22

Haˀaw, Buymisemuŋ a pa gwataya le gar asi sar ngi Kristu. A cifaŋ i buy ngi gwatay gar, i hirnga ngi Cikil ngi misikristuhoy.