ZAKARI 11:7 - Bible en langue guiziga

⁷ Ginew, mijiginay muvulaka taŋ ngi sli ar li kiɗ taŋ na, i sa jigina taŋ so. I hil gandayay cuw. I zila ganday mudumbuŋ Gi mezle, yo ganday mucuw naŋ, i zila Ngiɓiˀay, dar i sa zla jigina gineweye.

ZAKARI 11:7 ပူးပေါင်းရင်းမြစ်များ

DIMISEY 23:4

Ko da i ra cuh tir butum misi luvuŋ ngi li ngi muc kwana, y'anta zluwun ti gwat neˀ ta wãˀ, asi k'ada ati ya, ki ra kisiy, ki ra cik vu angi ya, ya manjih hiri na, aseˀeŋ.

DIMISEY 27:4

Gwat ya macufuɗ avu Bumbulvuŋ, naŋ purla si, yo i hurdum di hirdam: i wuɗ cifi a hay Bumbulvuŋ ar hin ngi siifa ɗu gar, ɓa i singila kuy ngi Bumbulvuŋ, yo ɓa i ki slimiɗ ar hay naŋ.

DIMISEY 90:17

Bumbulvuŋ, Buymisemuŋ ndra, ga ɓa i ndiram teˀ teˀ kaɓa ka, ga ɓa slra ndrahay a ndiram i slra midar daray, haˀaw, ga ɓa slra ndrahay, a ndiram i slra midar daray.

EZAYI 11:4

Amma mizli hĩhĩyahaya, a sa ga taŋ kiita taŋ jeŋŋe, a sa ga gwat mikaslsla da misi murga ngisi ruwuyoyo. Mingiɓi naŋ a sa kiɗa hirwuyo, kaɓa makiɗam vu ti ganday, yo mi mabo ti balama, a sa kiɗa misi moˀoreheye vagay vagay.

EZAYI 40:11

Naŋ kaɓa mijigin maru ti ginewey ng'ar li zum, a ska haŋ sik na, a kuso taŋ arleˀe. A hila ziri tumuŋhoyo jup a didak, yo tumuŋ misi ziri asi taŋ na, aru taŋ ti sekvu.»

EZAYI 61:1

ˀUf ngi Bumbulvuŋ Buymisemuŋ naŋ da ar ya. Naŋ kine, Bumbulvuŋ a tiri ti ya mbur, naŋ muwuna le. A slino ya ɓa ngi so ti ɓi mezle da misi murgahay, ɓa ngi tisla mevel da mizli malikam, ɓa ngi tila mi ti ɓi ngi pula mizli mijahay le, ɓa ngi cuko celelu ngi dangayay avra,

ZEREMI 39:10

Amma sey a pul misi murgahay cah asi ruwuy Zuda, mizli misi gwat taŋ anta neˀ ta, dar a vula taŋ guva ngi widis ngi zumoy ati guva ngi huvoy.

LEVIHEY 27:32

Mukuruˀngi slahay, tumuŋhoy malla away, mbiɗeˀvra, a wuzla gwat misãmihey kuruˀ gar na, purla a wuzla taŋ i mumuɗa le ceɗ i gwat mipal da ya Bumbulvuŋ.

MISE 7:14

Jigina mizli ɗikeye ti ganday ɗike. I ginew ɗik mitaˀ gezleŋ, mi ngi ɗiki, taŋ misek pal taŋ asi widis mingiriɗi, a wuzla widis mayamay. Anja a zumam ar pala ngi Basaŋ waɗ ngi Galaˀata kaɓa ti hin misi zleˀe.

SOFONI 3:12

Is ngi mizli mihina hirnga misi murgahaya, i sa pula taŋ a wuzla kumo. Taŋ a sa sipam jiviɗ ngi ɗum ti Bumbulvuŋ.

ZAKARI 11:14

A dirba nah, i ngila ganday ɗu mucuw naŋ, mazilaka Ngiɓiˀay tuwa, ɓa i puska ji ngama ngi Zuda ati Israyele.

ZAKARI 11:4

Bumbulvuŋ, Buymisemuŋ ɗu a ɓiy na: «Tumuŋ hanayna muvula taŋ ngi sli na, jigina taŋ.

Matiye 11:5

Dangaray ara puram, jegwerey ara ram, misi kukulahay a ɗiyam le, midigizlahay ara cinam, mumucahay ara slikiɗam, yo ara tilam mi ti Ɓimezle da misi murgahaya.

Mark 12:37

Davit ti hirnga naŋ, a zila ‹Buy›. Na, Mesi a sa tiri i mangal naŋ mbri mbri maka?» Zigiduw haɗi ara cine mingiɓi ngi Yesu ti mumul.

Ɓimezle ngi Yesu Kristu ZAŊ mitil di mi 10:16

Y'ada ti tumuŋ mekelemey ma, t'anta ar gezleŋ misenna ta. Taŋ kwana, sey yi so ti taŋ, a sa cinam ˀay ɗu, yo gezleŋ a sa tiri purla waɗ mijigin purla.

Ɗerewol ZAK 2:5

Yeme ɗuwoy, cinam! Misi murga ngir duniya hanayna, i Buymisemuŋ muwuna taŋ, ɓa a tiri ti taŋ misi zlilihey ar tiɓi, yo ɓa a zumam buy, naŋ miɓa le ɗaˀ le da mizli mawuɗakaŋ na.

SAMUYEL MUDUMBUŊ NAŊ 17:40

Akẽh na, a zuɓa ganday naŋ kaw a haŋ, yo a guɗum ɗugur mikuleɗ kuleɗey giɗem giɗem a hur mizaw, waɗ a pa taŋ sek ng'ar taɓak naŋ ngi jigine, yo waɗ a zuɓa ŋvehŋvehlu (pura v 49) naŋ paɗ a haŋ, ara ru ng'avu mbur Filisti tuwa.

SAMUYEL MUDUMBUŊ NAŊ 17:43

Dar mbur Filisti tuwa, a ɓa Davite: «Ki so ng'avi ya ti gandayay na, yi kiri kwa? Joˀ a nisa Davite ti slimiɗ ngi gwat ngi huruk huruk a mbuŋ naŋ taŋ kuli Filistihey.