ZAKARI 10:9 - Bible en langue guiziga

⁹ I zliɗa hirnga taŋ le mber mber zleˀe nga wuzla sukwi mekelemey, ko da taŋ kileŋ kwana, a sa wulkam keŋ angi ya, a sa gilaka ziri taŋhaya, a sa moko a muŋ.

ZAKARI 10:9 ပူးပေါင်းရင်းမြစ်များ

NEHEMI 1:9

Amma da ki ra moko ng'avi ya, ɓimuɗuvahay, ki ra jaka taŋ a hirnga, ki ra gam taŋ slra na, naɓa ko da a hilaka mizli kumoyo le nga ruwuy mulak, a ram taŋ le nga ruwuy mira kiɗo mi tekede kwana, yi sa cikilo hirnga taŋ, i sa mo taŋ cummo ng'ar li ya muwuna, ɓa i ndir a diga na si.›

ESTER 8:17

Ar hirwuy ngi buy miwi li gar, ar walahay madiɗa gar, ɓi buy miɓa le ati ɓi naŋ ɓi micica, mindil le a diga gar na, avu Yudeheye, i mumul ati jiɗa mececẽleŋ, yo i muguzlum, i hin ngi zuma gwata. Mizli haɗi asi ruwuyo a tiram Yudehey, asi ara zluwunam ti Yudeheye haɗa.

EZAYI 44:21

Kum mizli ngi Zakopoy, wulkam ani: Israyeley: kum i gawla ɗuwoy. Ya mindirukum na, ɓa ki cifam gawla ɗuwoy. Kum Israyeleye, anja ki pikiy mesem ta.

EZAYI 64:4

Mizli mamulom ti gi gwat mijeŋŋe, yo mizli mawulkam sipa jiviɗ ɗik na, ki ra ru nga ji taŋ hirnga. Ani ki ji mevel le, asi i ngizlam le baˀ avu jiviɗ ɗike, dambalaka ndra masa laham na, ar jiviɗ ndra mibaˀam ava vuna.

EZAYI 65:23

Tˀanta sa giram ngatara mata, t'anta sa yam ziri da muc mata. Asi taŋ a sa ndiram i dideˀ ngi mizli, ya Bumbulvuŋ muɗuwula taŋ mi le da hay taŋ, yo ziri taŋhay a sa ndiram ati taŋ.

EZAYI 65:9

I sa vula dideˀ da sukwi ngi Zakopo, yo i sa vul da sukwi ngi Zuda, i mbur masa zuma hirwuy muwã ɗuwoyo, mizli ya muwuna taŋ na, i mizli masa zumaka ruwuy muwã tayna, gawla ɗuwoy a sa ndiram angi taŋ.

ZEREMI 31:27

Hin ara ndilawa, tapasa, angi Israyel ati Zuda, i sa zliɗa hirnga ngi mizli ati ginew taŋhay ar li gar, kaɓa mazliɗam hilfa ngi daw mosoko. I ya Bumbulvuŋ maɓi.

ZEREMI 51:50

Kum mizli mulohoko avu kiɗ ti maslalam na, zuɓam jiviɗ! Ki cicam ta. Wulkoko Bumbulvuŋ tir kum mikileŋ vuna, yo anja Zeruzalem a ndir keŋŋe a hirnga kumo.

EZEKIYEL 6:9

Mizli kumoy milaha tayna, ar taŋ misi a wuzla sukwi mijaka taŋ nga ruwuy mulak tuwa na, a sa wulkam keŋ ar ya. Mevel taŋ magi sulome, mimbiɗi hirnga avu ya, waɗ pura hiri taŋ magi sulome ati kulihey na, i sa hirya taŋ. Gwat mahiryi vu ati gi gwat taŋ mukuyta wãˀ tuwa na, a sa puraka vu taŋ kuyta wãˀ vurˀe.

Ɗerewol OZE 2:23

Tapasa, i sa mbiɗi mi. I ya Bumbulvuŋ miɓa. I sa mbiɗa mi da muŋ makutuk gwata, yo muŋ kwana a sa mbiɗi mi da ruwuy makutuk gwata.

AMOS 9:9

Naŋ kanah, ani i ra ɓi ɗaˀ: A wuzla sukwihey gar na, i wuɗ i dingila Israyeleye, kaɓa madingilam daw ti sikiɗi. Ko zuŋ ɗugur masa diɗ pal a ruwuy anta.

MISE 5:7

Akẽh na, Israyeley mindirama, a sa tiram a wuzla sukwi mihaɗa, kaɓa mobor a wuzla gwat misahmi ngi ɓuhoy, kaɓa zinga ngi mobor a wuzla tumuŋ gezleŋ taˀ. Da naŋ mira cuh gar na, a ja gwata, a ngira, amma ko mbur malaha ginewe gu ti vaˀa anta.

SLRA 8:1

Sawulo kwana, naŋ tisi mizli hĩhĩyaka muc ngi Etiyen na ya. Angi hin nah vuna, a zlaka sipi Cikil ngi misikristu ngi Zerusalemeye nder nder haɗi. Taŋ gar a zliɗam hirnga nga hirwuy Yude, waɗ nga Samari, sey misliney mindiram tewle.

SLRA 8:4

Mizli mizliɗam hirnga tuwa, a ram aka aka, a tilam mi ti Ɓimezle.

ROMAHAY 11:24

Ka mbur Yude ta, ka mihaŋ ngi tutumbur ngi ɓuh, a bukoko ka, a sa juɓukuw avu tutumbur mihirvaka ti hirvi. Anta i li ɗik mikpak zleˀe ta. Yudeheye, i mihaŋ mikpak kpak ngi widis nah, a sa juɓoko taŋ a muŋ avu widis taŋ muboko ti vaˀa zleˀe na kutum ta jak kwa?