ZAKARI 10:8 - Bible en langue guiziga

⁸ I sa fa gwat ngi zil taŋ, ɓa a kusomo, asi i mbuɗo hirnga taŋ le, a sa jam haɗa kaɓa zleˀe.

ZAKARI 10:8 ပူးပေါင်းရင်းမြစ်များ

BUYOY MUDUMBUŊ NAŊ 4:20

Mizli ngi Zudahay ati ngi Israyeleye, taŋ haɗi teˀe. Taŋ haɗa, a slufam ta wãˀ kaɓa muyuŋ a mi mubuliy. Tˀada ti gwat ngi zum ati gwat ngi si, hã mbaka, yo taŋ ar cira hiri ma.

BI NGI ISRAYELEY 1:7

Israyeley ara yam haɗi, ziri taŋhay ara sikam fineˀ gidaŋ, a lumam gidaŋ nga mbuŋ nga mbuŋ: a nahaka hirwuyo wãˀ.

EZAYI 44:22

Kum mimbiɗam hirnga na, yi susuyumo ɓi nah le kaɓa gazlavay masusuyum, malambaˀ kumo, i susuyumo le kaɓa mulbuɗu. Moko ng'avi ya, asi yi mbuɗo hirnga kumo le.»

EZAYI 48:20

Bam avra tir walahay Babiloŋ! Cohom le tisi hirwuy nah. Mingiɓi ani, tilam di mi ˀay kaˀ a muŋ, njahaka ɓi nah, hã ar hirwuy mira kiɗo mi, ɓam na: «Bumbulvuŋ a mbiɗa hirnga ngi Israyel gawla naŋhaya le.»

EZAYI 5:26

Buymisemuŋ a tila mi da sukwi ngi mizli mikileŋheye. A fa tulum da mizli ngi si diˀisey gar ɓa a soko. Ani ara wusoko vu, ara ndiloko kutum kutum.

EZAYI 51:11

Mizli Bumbulvuŋ mupula taŋ le tir dangaya, a sa moko, a sa coko ng'ar walahay Zeruzaleme, bal ti ji salalay kiɗ kiɗ. Mumul makiɗ mi ta a sa wucuɗa mihiri taŋ. Zluzluɓ ati mumul haɗa a sa gi avu taŋ, amma ndurɓo hiri ati niˀic a sa kil kileŋ avu taŋ.

EZAYI 7:18

Ti hin nah, Bumbulvuŋ a sa fuyuk tooh, ɓa a bo ti jijiwiɗey misi ar kiɗa mi ngi mizaw Nil, waɗ mam misi asi ruwuy Asiri na ma.

EZAYI 7:19

A sa soko, a cifam cek ar hurjijiŋ mijileŋ waɗ ar poporohoy, ar kalafaya cek waɗ ar li ginewey mazumam anga gar.

ZEREMI 33:22

Dideˀ ngi Davitey ati Levi, mizli madiɗa ngi slra ɗuwoy na, i sa ska taŋ a slufam ta, kaɓa wurzlaŋhay a muŋ maslufam ta, yo kaɓa muyuŋ ar mubuliy mawi gu ta na ya.»

MISE 2:12

Kum dideˀ ngi Zakopoy keɗeɗe, i wuɗ i kusukum gar kumo. Kum Israyeley mindiram na, i wuɗ i cikilukum. I sa jumo hirnga kum arleˀe, kaɓa tumuŋhoy ar gezleŋ purla, kaɓa ginew taˀ gezleŋ ar li zum naŋ. Joˀ ˀay kumo a sa cino wuwwo asi kum mihaɗi na.

ZAKARI 9:11

Buymisemuŋ a ɓi: Naka so na, asi ya mujum ˀay ati ka, pumbus ngi gwat mikiɗa ngi mikuli mibiga na, i sa bo ti mizli ɗik mijahay na tir vigiɗ manja yama.

Matiye 11:28

«Kum gar migiram le wãˀ ti jijir mududok dudokoy, soko ng'avi ya, yi sa vulukum muska vu.

ƁIMUNJUYO 22:17

ˀUf ngi Buymisemuŋ ati ngwas a ɓam: «Sawa!» Anja mbur macina ɓi hana kwana, a ɓi: «Sawa!» Mbur, misi yam ara gaŋ na, anja a sawa. Mbur mawuɗ yam ngi siifa na, anja a lum ngataraŋ.

ƁIMUNJUYO 7:9

A dirba nah na, i pur zigiduw haɗi, ko a sluf ta. A boko ti ngi sukwi gar, ti ngi sukwi mitaˀ taˀ gar, tir lihey wal wal ati li maɓam mi wal wal gar. A cicam dedeŋ a mbuŋ janga ngi buyo, a mbuŋ tumuŋ. A kam jibe babarahay waɗ mihaŋ ngi dibinojehey kaw kaw a haŋ taŋhaya.