ZAKARI 10:3 - Bible en langue guiziga

³ Mevel majiy ka vu na, ar mijigina mizli ɗuwoy na, i wuɗ i ga kiita da porcokoyo, Haˀaw, ya Bumbulvuŋ misi gidaŋ wãˀa, i sa ra pura Zuda, mizli ɗuwoyo. I sa gi ti taŋ pilis ɗu hirngahay ngi gi vurum.

ZAKARI 10:3 ပူးပေါင်းရင်းမြစ်များ

Ɗerewol JOP 39:25

Naŋ micina, taŋ mifaka tulumo le kãh gar na, a hiziga tuwuy! Ko da vurumo naŋ kileŋ kwana, a cine zĩˀĩ naŋ, buy ngi sojehey mabucam ati widi ngi vurumo, a cine kwaŋ kwaŋ.

BI NGI ISRAYELEY 4:31

Mizli a tiɓakaŋ, taŋ mislaka wala nah, Bumbulvuŋ a so le a jiniˀis tisi Israyeley, yo a pura bonoy taŋ le na, a hurkom a mbuŋ naŋ, a gakaŋ dudok.

MIKUCUWULOY 21:31

A juwaka piliseye vur hin ngi vurumo, amma wãˀ naŋ na, mavula bugawla i Bumbulvuŋ.

DIMIS MIMEZLE 1:9

Ka yeme ɗu, ka njikimaˀ ka jagara pilis mujuwa le da mota ngi vurum ngi buy madiɗa ngi Ezipte.

EZAYI 10:12

Amma ti Bumbulvuŋ misa kiɗa mi ngi slra naŋ le gar a muwã Siyoŋ waɗ a Zeruzaleme na, buy Asiri mahuhum vu, yo naŋ mahiris vu na, Buymisemuŋ a sa kutaŋ ti bonoy.

EZAYI 24:21

Ti hin nah na, Bumbulvuŋ a sa jiniˀis a muŋ a diga, asi wurzlaŋ ngi muŋhoy, waɗ a ruwuyo, asi buy ngi ruwuyoy.

ZEREMI 10:21

Mijigina mizli, a gam gilaw le, t'anta sipaka Bumbulvuŋ ta. Taŋ mindilaka mizli ta na vurˀe, mbak ginew gezleŋ taˀ na, a zliɗam hirnga lambaˀ.

ZEREMI 11:22

Bumbulvuŋ misi gidaŋ wãˀa, a ɓi na, yo mbak ɗagay so: «I wuɗ i guco mi da mizli tayna: gawla taŋhay a sa micam ti kiɗ ti maslalam, ziri taŋ mizile ati mongosohoy a sa micam ti may.

ZEREMI 25:12

Amma da vi kukur tarnaˀa, a gi le na, i sa ga bonoy da buy madiɗa ngi Babiloŋ waɗ da sukwi tayna, asi mungra taŋ madiɗa na, yo i sa ga bonoy da hirwuy Etiyopi: i sa tiri di daŋ daŋ cay ngi sete. I ya Bumbulvuŋ maɓi.

ZEREMI 25:34

Kum mijigina mizli, tuwam irslik irslik, zilam mizli ngi kilo widi kumo! Kum buy ngi ginewey, putukulom a ruwuy. Hin a ndila le ngi sli ˀay kumo. Ki sa zliɗam hirnga pal pal, kisa waham kaɓa tutuŋ mupuɗaw puɗaway.

ZEREMI 50:6

Mizli ɗuwoy a tiram tumuŋ mizizahay le zleˀe. Mijigin taŋhay a zizaka taŋ le zleˀe, a laˀam ti taŋ zleˀe a muwãhay. Tumuŋhoy a ram digi a muwãhay, ar li miɗigaray, a sinaka gezleŋ taŋ mata.

EZEKIYEL 34:11

Asi ya Bumbulvuŋ, Buymisemuŋ i ɓi na: Ya vuna ti haŋ ɗu, i sa ki slimiɗ ar ginew ɗuwoyo, ɓa i sa pura taŋ bileŋ bileŋ.

EZEKIYEL 34:12

Ginewey mizliɗam hirnga le, mijigin masupo taŋ na, ya kwana, i sa sipa ɗuwoyo ginew kanah ya. I sa mo taŋ tir li taŋ mizliɗam hirnga ng'ara, ti hin ngi kutup misirta li le timbiɗim malla ti hin ngi vuŋ ti burkataŋ aseˀeŋ.

EZEKIYEL 34:2

«Ka mburu, ɓa ɓi ani vur mijigina Israyeley, njika taŋ di. Njika da mijigina Israyeleye, ɓa taŋ na: Ya Bumbulvuŋ, Buymisemuŋ i ɓi na: Bonoy a hirnga mijigina Israyeley, majiginam hirnga taŋ tehhe a muŋ na. Mijigineye, sey a jiginaka tumuŋhoyo takwa?

DANIYEL 11:32

Buy vuna ti haŋ naŋ, a sa tikina mizli ɓa a hizigaka Jumoˀay avra, amma sukwi ngi mizli misinaka Buymisemuŋ taŋ le na, a sa cicam gidaŋ gidaŋ ar gwat ngi gi taŋ.

SOFONI 1:8

Ya Bumbulvuŋ i ɓi: «Yawwa, ti hin ngi mikuli da Bumbulvuŋ, buyoy ati yaramahaya, i sa kuta taŋ ti bonoy, waɗ mizli maka ka zanahaya kaɓa sirik ngi mulakay na, i sa kuta taŋ ya.

SOFONI 2:7

Joˀ li vay nah, a sa ndir da is ngi mizli Zudahay. Taŋ, a sa ram ti ginew taŋhay nga jigin a diga, ti pastaˀa, a sa muskam vu ar hayay misi a Askaloŋ, asi Bumbulvuŋ Buymisemuŋ taŋ, a sa jiniˀis asi taŋ, yo gwat masa gi avu taŋ na, a sa mbiɗa pal.

ZAKARI 11:17

Mijigin kesef mapula tumuŋ mitaˀ gezleŋ mbak si na, kay, bonoy ava. Anja maslalam a ngumaŋ hirbazla, yo a nduzoŋ hiri vay hazumo! Anja haŋ naŋ a muc sok, haˀaw, anja a muc sok! Anja hiri naŋ vay hazum a pur ta, haˀaw, anja a pur ta!

Ɓimezle ngi Yesu Kristu LUK mitil di mi 1:68

«Anja mizli a hunumaka Buymisemuŋ, Bumbulvuŋ ngi Israyele. Asi ara ki slimiɗ ar mizli naŋhaya, yo a mbiɗa hirnga taŋ le.

PIYER MUDUMBUŊ NAŊ 2:12

Sey ki cifam ti gi gwat mezle a wuzla mizli ngi duniyahaya, da ko ara kupukum ɓi, a ɓukum, kum i migi malambaˀhay tekeɗe kwana, tapas Buymisemuŋ masa so na, ɓa a sa puraka gi gwat kum mezle tuwa, yo a sa hunumaka Buymisemuŋ.

RUTH 1:6

Akẽh na, Noˀemi a slikiɗam baɗ a Moˀapa ati ngwas ngi ziri naŋhay mucuwoy tuwa, asi ti naŋ misi ar Prok ngi Moˀapa, a cine na, Bumbulvuŋ ara ki slimiɗ ar mizli naŋhaya, ara vula taŋ gwat ngi mi gama kuy kuy.