ZAKARI 10:2 - Bible en langue guiziga

² Asi mike na, kulihey, kum macufuɗaka taŋ na, a njukukum di i ɓi ngi slir lambaˀa, yo mihiziga njoloyo, gwat taŋ mapuraka na, i sir lambaˀ kine, taŋ mamusuwunam ti duvuɗ gar na, ɓi mikaslsla anta ara loŋ le ta. Vurˀe, mizli a ram digi lambaˀ kaɓa ginew mitaˀ gezleŋ, asi mijigin midar anta.

ZAKARI 10:2 ပူးပေါင်းရင်းမြစ်များ

ZLI VIRZI 31:19

Rasel a hulo kuli ngi cine naŋhay a haŋ, naɓa cine taŋ Labaŋ aru le zleˀe nga sli ngwic ngi tumuŋhoy.

BUYOY MUDUMBUŊ NAŊ 22:17

Akẽh na, Mise a mbiɗaŋ di: «Yi pura Israyeleye, a zliɗam hirnga le nga muwãhay, kaɓa tumuŋhoy manja mijigin. Joˀ Bumbulvuŋ a ɓi: Mizli tayna, buy taŋ anta. Anja mbur gar a mi ngi hay naŋ zuy zuy!»

Ɗerewol JOP 13:4

Kumo na, ki ɗumoko ɓi mikaslsla a hur slir kum na, kum cek na, kum i mumbulo vuhoy gisiŋ ta.

Ɗerewol JOP 21:34

Ki tikinikiy ngi taˀa tuwuyo, ki giram vu kum ngi mike? I himiɗ lambaˀa. Ɓi kum mambiɗikiy di na, i slir ngataraŋ.

EZAYI 41:29

Taŋ gar taŋ na, i migi malambaˀ da mizli! Gwat ngi gi taŋ i ngatara. Taŋ minge mikaˀ kaˀ na, i himiɗey, yo taŋ njoŋ njoŋ ngatara.

EZAYI 44:25

Wurenna, ɓi ngi misi slireye, i tiri di ɓi ngatara le, i gi ti mihiziga njoloyo, ɓa a ɓam lambaˀ lambaˀ, i hizigiɗa misi sinmijileŋheye le nga dirba, yo sin taŋ ngi gi gwata, i tiri di le i ɓi ngi gilaway.

EZAYI 44:9

Mizli mavuɗam kulihey na, taŋ vuna gar i mizli ta, gwat taŋ mavuɗaka vuna, anta pula taŋ gir neˀ ta. kuli, sedewo taŋhay vuna, t'anta puram neˀ le ta. A sinam gwat neˀ le ta, taŋ mipam mesem na vurˀe.

EZAYI 46:5

Ki sa wikiy ati waka? Ndra rak rak ati waka? Ki sa wam ndra ati wa, ɓa i bam vu le na ka?

ZEREMI 10:8

Taŋ cek i gilaway, manja lesley. Mudubuna taŋ gwata i dum ngatara lambaˀ.

ZEREMI 14:13

Yi mbiɗaŋ di: «Kay, Bumbulvuŋ Buymisemuŋ, na mijiviɗey a ɓaka taŋ: kum anta sa puram vurum a hay kumo ta, may anta sa lumukum gurjik ta, Buymisemuŋ a sa vulukum zuy migisiŋ gisiŋ naŋ ar li hana.»

ZEREMI 14:22

A wuzla kuli ngi sukwi ngi mizli na, magi vuŋ gu ada asi taŋ kwa? Malla mago vuŋ malasar na, i muŋ vuna kwa? Mago di i ka Bumbulvuŋ, Buymisemuŋ ndra ta kwa? I roko hiri njahha asi ka, asi maga gwat tayna gar i ka.

ZEREMI 23:17

A tumom vu gisiŋ, dar a ɓaka mizli mapuraka ɓi ngi Bumbulvuŋ hiris le na: ‹Bumbulvuŋ a ɓi na: kumo, kisa ndiram zuy zuy! Ko waka gar mangum pula cin ta naŋ na ta tekeɗe kwana, a ɓakaŋ: ‹Ko hiryi anta sa lumuw ta.›

ZEREMI 23:32

I wuɗ i diɗ vu plak avu mijiviɗey mamusuwunam i musuwun mijeŋ ta na. I ya Bumbulvuŋ maɓi. A slufaka musuwun taŋhay mijeŋ jeŋ ta, yo mapulam gir ta tayna, a zizaka mizli ɗuwoyo. I ya mislina taŋ ta, yo i ya mupula taŋ jiviɗ naŋ ta ngbaŋ. Ko gwat taŋ magam ngi pula gir da mizli ɗuwoy tayna anta neˀ le ta I ya Bumbulvuŋ maɓi.

ZEREMI 27:10

Ɓi taŋ manjukukum di na, i slir, ɓa a ram ti kum kileŋ avu hirwuy kumo. Haˀaw, i sa zliɗukum hirnga mber mber, kisa ngizlam kap.

ZEREMI 27:14

Mijiviɗey maɓukum siɓaŋ sibaŋ: kum anta sa gam gawla ngi buy madiɗa ngi Babiloŋ ta na, ki tiɓaka mi taŋ ta. A njukukum di i ɓi ngi slir.

ZEREMI 27:9

Mijiviɗ kumoy ati mipidaˀas kumoy, musuwun kumoy ti duvuɗ, migi cekenehey ati migi ketele kumoyo, taŋ ara ɓukum siɓaŋ siɓaŋ, ko kum anta sa gam beke ngi buy madiɗa ngi Babiloŋ ta. Amma na, kumo ki tiɓaka mi taŋ ta.

ZEREMI 28:15

Dar mijiviɗ Zeremi a ɓa mijiviɗ Hananiya tuwa: «Hananiya, cin ɗi, i Bumbulvuŋ mislino ka ta, mapa mi da mizli hanayna ɓa a tiɓam ɓi ngi slir na, i ka.

ZEREMI 29:8

«Haˀaw, ya Bumbulvuŋ misi gidaŋ wãˀ, Buymisemuŋ ngi Israyel i ɓi na: ‹Mijiviɗey misi a wuzla kum waɗ mupura daˀasay na, ki pulaka taŋ vu kumo, ɓa a tikinukum ta. Ki kam slimiɗ ar kum, taŋ mambuɗukum pulaˀvra naŋ ta.

ZEREMI 37:19

Mijiviɗey munjukukum ɓi, a ɓukum: kum vuna malla hirwuy hana, ko Babiloŋ anta sa gukum bonoy ta na, mijiviɗ tayna vuna taŋ amaka?»

ZEREMI 50:17

Ti nana, Israyele, naŋ ka tumuŋ miziza le, moboroy a ɓulakaŋ le. Mizla zum naŋ dumbuŋ i buy Asiri. A dirba nah, i Nabukodonozor buy madiɗa ngi Babiloŋ, a kurɗoŋ kuruɗ kuruɗ hã avu tesl.

ZEREMI 51:23

I ɗug ti ka ginewey le, jom ati mijigin taŋhaya. I ɗug ti ka muhuvoy le, jom ati gwat ngi huv taŋhaya. I ɗug ti ka mijingaˀ ngi buy miwi lihey le, jom ati buy miwi liheye.

ZEREMI 6:14

Bonoy muluma mizli ɗuwoy na, a ɗiyaka ɓi nah ti sar ngi dirba, a ɓam: ‹Kay! Ɓi anta! Ɓi anta!› Dambalaka ko ɓi anta ru neˀ le ta ngbaŋ.

ZEREMI 8:11

Bonoy muluma mizli ɗuwoy na, a ɗiyaka ɓi nah ti sar ngi dirba, a ɓam: ‹Ɓi anta! Ɓi anta!› Dambalaka ɓi loŋ macuh kuy kuy anta ngbaŋ.

TUWUY 2:14

Mijiviɗ ɗikey ara puram gwat ti kleŋ vur ka ngbaŋ, amma i ɓi ngi slir, yo i ɓi ngatara lambaˀ. Tˀanta njikukuw malambaˀ ɗike ta, anja ani ki mbiɗa joˀ ɗike le zleˀe. A ra puram gwat ti kleŋ vur ka, amma a tilam di i mi ti ɓi ngi slir ati tikina vu.

EZEKIYEL 21:21

Ka maslalam mazum raɓ raɓa, ngum ti ka ti ka, tir vay ka mimbiɗi le pulaˀ gar si.

EZEKIYEL 21:29

Vurˀe, ya Bumbulvuŋ, Buymisemuŋ i ɓi na: ‹Ani mungra madiɗa kum magaka na, ki ra gaka ɓa a puyukiy hirnga ta, asi ki ra bigaka slikiɗa ɓi kumo njoy wãˀ, yo mungra kumoy ara puram ɓaˀ ɓaˀ ar li babara ar gwat ngi gi kumoy gar. Yo asi ɓi kum mapuyukiy hirnga ta tuwa na, a sa jukum tap tap ti haŋ.

EZEKIYEL 34:5

Ginewey mizliɗam hirnga bilyaˀ lambaˀ na, asi mijigin anta. A zliɗam hirnga le, a tiram le i gwat ngi zum ngi gwat misãmi ngi ɓuhoy gar.

EZEKIYEL 34:8

Kaɓa ya misi ti siifa gisiŋ na! mijigin misi anta tuwa na, mizli a vaka tumuŋ ɗuwoyo lambaˀ, gwat misãmi ngi ɓuhoy gar a jaka taŋ lambaˀ. Mijigin ɗuwoy anta kam slimiɗ neˀ le ar tumuŋ ɗuwoyo ta, mijigin ɗuwoy a jiginam di i hirnga taŋ tehhe a muŋ, ko t'anta jiginaka tumuŋ ɗuwoyo jigan le ta. I ya Bumbulvuŋ, Buymisemuŋ maɓi.

Ɗerewol OZE 3:4

Naŋ kine, Israyeley a sa cifam hã hin mbeˀ mbeˀe: buy madiɗa anta, buy anta, mikuli anta, kuli ɗugur anta, jampa anta, terafim anta.

MISE 2:12

Kum dideˀ ngi Zakopoy keɗeɗe, i wuɗ i kusukum gar kumo. Kum Israyeley mindiram na, i wuɗ i cikilukum. I sa jumo hirnga kum arleˀe, kaɓa tumuŋhoy ar gezleŋ purla, kaɓa ginew taˀ gezleŋ ar li zum naŋ. Joˀ ˀay kumo a sa cino wuwwo asi kum mihaɗi na.

HABAKUK 2:18

Misina ɗiya gwatay, maɗiyam kuli miciɗa ti ciɗey, malla mipa ti pi ngi dubuna gwat mijeŋ ta da mizli na, a pul gir ngi mike? Misina ɗiya gwat tayna, a pulaka mevel taŋ da kuli mingbimmehey, taŋ miɗiyaka taŋ tihaŋ taŋ na, vur mike?

ZAKARI 11:17

Mijigin kesef mapula tumuŋ mitaˀ gezleŋ mbak si na, kay, bonoy ava. Anja maslalam a ngumaŋ hirbazla, yo a nduzoŋ hiri vay hazumo! Anja haŋ naŋ a muc sok, haˀaw, anja a muc sok! Anja hiri naŋ vay hazum a pur ta, haˀaw, anja a pur ta!

SLUFA VU 27:17

Anja i mbur mindila le ngi jigina taŋ ko ar ɓi wanaka gar, ɓa mizli ɗikey a ndiram kaɓa tumuŋ manja mijiginey ta.»

Matiye 9:36

Ti naŋ mupura zigiduw na, a pura taŋ geˀ irceceˀ haɗi, asi a giram le, a hĩhĩyam le wãˀ, taŋ ka tumuŋhoy manja mijigin.

Mark 6:34

Yesu mabo tir palalama, keɗ na, zigiduw sikiniy. ˀIrcece a gaŋ haɗi ti taŋ, asi taŋ kaɓa tumuŋ manja mijiginey. Dar a zla, a dubuna taŋ gwatay haɗi.

Slu cuw 13:2

Moyis a ɓi: Da kaɓa ani: mijiviɗ malla mbur misi kleŋ, a so deŋ a wuzla kumo, a ɓukum ɓi ngi gwat ngi zuma hirnga malla gwat mabigi gwat mekelem.

MIGI KIITAHAY 18:14

Mizli muzlumoy miram nga pura ruwuy Layis zleˀe tuwa, a zlaka, a ɓaka sukum taŋhaya: «Ar hay hanahay na, kuli miciɗa waɗ memeɗe naŋhay ati kuli miciɗa misirit sirit ti ɓiri muluwusla ada na, ki sinaka le kwa? Wurena, anja ki sinaka gwat kum masa gama so.»