ZAKARI 1:4 - Bible en langue guiziga

⁴ Ki sipaka sar ngi dideˀ kumoyo ta. Mijiviɗ mudumbuŋhoyo, a tilaka taŋ mi le zleˀe, a ɓaka t'ani: ‹Bumbulvuŋ misi gidaŋ wãˀa, a ɓi na: Moko so, jiviɗ malambaˀ kum masipaka ati gwat ngi gi kum malambaˀ na, pulaka›, amma a cinam mi ta, yo a kam slimiɗ ar ya ta. I ya Bumbulvuŋ maɓi.

ZAKARI 1:4 ပူးပေါင်းရင်းမြစ်များ

ƁI NGI HINEY MUCUW NAŊ 30:6

Letirey buy ati mizli hirnga naŋhay mutohoko taŋ tuwa, mijiviɗey a ram taŋ da mizli ngi si ruwuy Israyel ati Zuda zlar gar, a tilam mi ti ɓi ngi buyo da mizli, a ɓaka taŋ: «Israyeley, kum mulohoko tisi haŋ ngi buy Asirihey na, moko a muŋ ng'avu Bumbulvuŋ Buymisemuŋ ngi Abraham, ngi Izak waɗ ngi Zakopo, ɓa naŋ kwana, a mo ng'avu kum aya.

ƁI NGI HINEY MUCUW NAŊ 30:7

Ki gam kaɓa cine kumoy ati sukum kumoy na ta, Bumbulvuŋ Buymisemuŋ ngi dideˀ taŋhaya, taŋ a gam teŋteŋ ava ta, mbak hã a vula taŋ, ɓa mizli a ngizlaka taŋ, kaɓa kum mapuraka ani na.

ƁI NGI HINEY MUCUW NAŊ 34:21

«Ɓi ngi ɗerewol mulumoko di hana na, ara cufuɗaka Bumbulvuŋ aseˀe vur ya, vur is ngi Israyel ati Zudahaya. Asi mingiɓi hana i ɓi madiɗa, Bumbulvuŋ a zuɓ himaˀ le fõh fõh ar ndra, asi dideˀ ndrahay a jaka ɓi nga naŋ Bumbulvuŋ a hirnga ta, yo a gaka gwata kaɓa mutohoko cek ar ɗerewol hana na ta.»

ESDRAS 9:7

Zle avu dideˀ ndrahay hã dana na, i gam malambaˀ le haɗa. Asi ndra migam mungra tuwa na, ndra ati buy ndrahay waɗ masay ndraˀahaya, ndr'i muvulahay le asi haŋ ngi buy ngi si ruwuyoy, ngi kiɗ ti maslalam, ngi ji ng'ar beke, ngi zuma gwat ndrahay waɗ ngi pi mesem, kaɓa dana ani na.

NEHEMI 9:16

Amma dideˀ ndrahay vuna, i mizli muhuhumo vuhoy, hirnga taŋ gidaŋ, a tiɓaka ɓi ka miɓa taŋ di ɗaˀ le na ta.

NEHEMI 9:26

Amma gar ti nah kwana, a slikiɗam ɓi, a slam himaˀ le avu ka na si. A mbiɗam duba le kileŋ wãˀ avu Ɓimujuwa ɗike. Mijiviɗ ɗikey muhurdumom avu taŋ, ɓa anja a moko ng'avu ka na, a kiɗaka taŋ le vagay vagay.

NEHEMI 9:30

Ki ɓuso taŋ le vi mbeˀmbeˀe. Ki vula ˀUf ɗik le da mijiviɗ ɗikeye, ɓa a tumbuloko taŋ ngbaŋ ni, amma ko a kam slimiɗ ta. Dar ki vula taŋ asi haŋ ngi sukwi ngi mizli ngi si ruwuy mekelemey.

DIMISEY 78:8

Kanah na, t'anta sa gam kaɓa dideˀ taŋhay na mata. Dideˀ taŋhaya zleˀe na, hirnga taŋ gidaŋ teˀe, yo i mislikiɗa ɓihey ma, mevel taŋ anta deŋ ar li purla ta, yo a ɗuvaka wuluk taŋ taˀ wãˀ ar Buymisemuŋ ta.

EZAYI 31:6

Israyeley, kum mimbiɗam diba wãˀ avu Bumbulvuŋ na, moko ng'ava so.

ZEREMI 18:11

Wurenna, ara ɓa mizli Zudahay ati Zeruzalemeye na: «Bumbulvuŋ a ɓukum na: I ra juw vu nga gukum bonoy, i ra mbizi ɓi a mevel ɗu vur kumo, anja ko wa gar na, a zil marava ar gwat ngi gi naŋ malambaˀa. Haˀaw, kpak kum ati ngi gwat ngi gi kumo, ɗiyaka hiri naŋ amuŋ.

ZEREMI 23:22

Da a cicam le ɗaˀ zleˀe ar li ngilawuy ɗu na, anja ani a ɓaka mingiɓi ɗu da mizli ɗuwoyo, ɓa a cinaka so. Anja ani a mbuɗoko hiri taŋ le tir sipi jiviɗ malambaˀ taŋ na, waɗ tir gi gwat taŋ mikaslsla ta na.»

ZEREMI 25:8

Yo mbak ɗagay so, ya Bumbulvuŋ misi gidaŋ wãˀa, i ɓi na: Ani kum anta cinaka mingiɓi ɗu ta.

ZEREMI 26:5

gawla mijiviɗ ɗuwoy, ya maslinukum taŋ mbak le ta na, da kum anta cinaka mingiɓi taŋ ta, na zle kum anta cinaka vuna ta si.

ZEREMI 3:12

Buymisemuŋ a ɓiy ma: ara til mi ti ɓi ani tir vay muŋ, ɓi na: «Ka Israyel macica wuluk ɗik dar purla ta na, mawa. I ya Bumbulvuŋ maɓi. Y'anta i purukum pur ngi mevel ta. Naŋ kanah, yi ngama kum miteŋteŋ. I ya Bumbulvuŋ maɓi. Y'anta i ji mbur a kwacay ngi caˀa ta.

ZEREMI 3:14

Kum ziri ngi mizli mupulaka sipa jiviɗi, moko. Asi buy ngi hay kumoy i ya: i zuɓ asi kumo purla ar walahay aka, cuw a wuzla muyoy a diga, ɓa i mi ti kum nga Siyoŋ.

ZEREMI 35:15

I slinukum gawla mijiviɗ ɗuwoyo, ko mbak le anta, a ɓukum: ‹Mbur gar na, anja a mbiɗa kpak ngi vu naŋ malambaˀ na, haˀaw, ɗiyaka hiri ngi gwat ngi gi kumoyo. Ki ram ti sipi kulihey ɓa ki huruk hurukam a mbuŋ taŋ ta, yo kum ndiram asi ruwuy ya muvulukum di da kum waɗ da dideˀ kumoy na!› Amma ko ki jikam slimiɗ asi mingiɓi ɗu ta, ko ki cinikiy di ta.

ZEREMI 4:1

«Israyel, da ki ra mawa na, sey ki mawa ng'avi ya. Gwat ngi gi malambaˀ ɗikey mukuyta wãˀ na, da ki pula taŋ le avra ti mbuŋ ɗu na, naɓa k'anta sa ru digi kiŋ kiŋ mata.

ZEREMI 44:16

Gar ti ka maɓa ndra ti slimiɗ ngi Bumbulvuŋ na tekeɗe na, ndr'anta cinukuw di ta.

EZEKIYEL 14:6

Vurˀe, ɓa Israyeleye: Bumbulvuŋ, Buymisemuŋ a ɓukum: Moko, mbiɗaka duba da kuli kumoyo. Mbuɗaka duba da gi gwat kum mukuy tahay wãˀ na.

EZEKIYEL 20:18

A wuzlaɓuh mikirɗak kirɗaka, i ɓa ziri taŋhaya na: ‹Ki sipaka jiviɗe kaɓa ɓimujuwa ngi cine kumoy mawuɗ na ta, ki jaka sirik taŋhay na a hirnga ta, ki ra cam ar dili ti huruk huruk a mbuŋ kuli taŋhay.

EZEKIYEL 33:11

‹Slikiɗa ɓi ndra ati malambaˀ ndraˀahaya, t'ani hirisl hirisl ar ndra, ndra mamicam na vurˀe, ɓa i sa ndiram ti siifa zleˀe mbri mbrike?› Ɓa taŋ na: Kaɓa ya misi ti siifa gisiŋ na. I wuɗ ɓa mbur misi moˀore a muc ta, amma ɓa a mbiɗa gwat ngi gi naŋ, ɓa a ndir ti siifa jaka. Mbuɗoko hiri, pulaka gi gwat malambaˀ kumoyo. Kum Israyeley, ki wuɗam ɓa sey ki micam cummo na vur mike? I ya Bumbulvuŋ, Buymisemuŋ maɓi.

EZEKIYEL 33:4

Amma mbur micin ˀay ngi tulumo le, da a wi vu ta, akẽh vurum a so lumaŋ le, a kiɗaka le na, pumbus naŋ a mbiɗi nga hirnga naŋ.

DANIYEL 9:6

Gawla ɗik mijiviɗey miɓaka ɓi ti slimiɗ ɗik da buy ndrahay, yarma ndrahay, dideˀ ndrahay, ati mizli ngisi ruwuy gar na, i cinaka taŋ di ta.

Ɗerewol OZE 14:1

Samariheye, sey a wurkaka slikiɗa ɓi taŋ avu Buymisemuŋ na. A sa kiɗaka taŋ vagay vagay ti maslalam, a sa kirpaka ziri gaza taŋhaya asi sar, yo a sa ngiraka kwacay ngi ngwas misi ti huroyo.

AMOS 5:24

Amma anja kiita mijeŋŋe a ɓul ka yam, yo anja gi gwat mijeŋŋe a kiɗ mi ta, kaɓa mizaw mahisik yam ta.

MISE 2:6

Mizli a ɓam: «Ki ngilam mi ta, anta ngilam mi kanah ta: Ĩˀĩ, naɓa zi anta sa kiɗ mi pas le ta.

ZAKARI 1:3

Ɓa taŋ na: «Ya Bumbulvuŋ misi gidaŋ wãˀ a, i ɓi ani: Moko ng'avi ya. Yo ya Bumbulvuŋ misi gidaŋ wãˀa, i ɓukum na, i sa mo ng'avu kumo. I ya Bumbulvuŋ, misi gidaŋ wãˀ maɓi.

ZAKARI 7:7

Ti di Zeruzalem muzuy zuy, setette, walahayay gun gun hirnga naŋ, yo hirwuy ˀayzaw ati Hirwuy ngir zugudum muroko a haya, mingiɓi ngi Bumbulvuŋ, mijiviɗ misi zleˀehey mitilam di mi na, hana i mbiɗeˀvra naŋ takwa?

SLRA 26:20

Yi zla i til di mi dumbuŋ jak ma na, da mizli ngi Damasay, da ngi Zerusalemey, da mizli ngi hirwuy Yude gar waɗ da sukwi ngi mizli mekelemeye ma. Yi tila taŋ mi, yi ɓa taŋ ɓa a mbiɗam mevel, a mbuɗoko ng'avu Buymisemuŋ, yo ɓa a gam gwat mabiga a mbiɗaka mevele le gisiŋ.

SLRA 3:19

Mbiɗaka mevel kumoyo so, moko ng'avi Buymisemuŋ, ɓa a puya mungra kumoy avra,

PIYER MUDUMBUŊ NAŊ 1:18

Ki sinaka le, Buymisemuŋ mumbuɗo hirnga kum tir gi gwat malambaˀ kum mulumoko di avu dideˀ kumoy na, a vul di i ɓiri bara malla ɓiri tapasl tapasl, gwat ngi ruwuy mahiryamay na ta.