ZAKARI 1:3 - Bible en langue guiziga

³ Ɓa taŋ na: «Ya Bumbulvuŋ misi gidaŋ wãˀ a, i ɓi ani: Moko ng'avi ya. Yo ya Bumbulvuŋ misi gidaŋ wãˀa, i ɓukum na, i sa mo ng'avu kumo. I ya Bumbulvuŋ, misi gidaŋ wãˀ maɓi.

ZAKARI 1:3 ပူးပေါင်းရင်းမြစ်များ

ƁI NGI HINEY MUCUW NAŊ 15:2

a bi, ara luuma Asa, a ɓaŋ: «Ka asa ati mizli Zudahay waɗ Benjameŋhey gar, cinaka mingiɓi ɗu! Da kum ada ati Bumbulvuŋ na, naɓa naŋ da ati kumo. Da ki ra sipakaŋ na, a pulukum vu, ki lumakaŋ. Amma da ki pulakaŋ le fuk na, a pulukum fuko ya.

ƁI NGI HINEY MUCUW NAŊ 15:4

Amma taŋ misi ar bonoy na, a moko le ng'avu Bumbulvuŋ Buymisemuŋ ngi Israyeley. A sipakaŋ na, a pula taŋ vu, a lumakaŋ le.

NEHEMI 9:28

Na, taŋ micifam le setette, ara musukam vu ma na, a zlaka a gam gwat malambaˀ a mbuŋ ɗik tuwa ma. Ka kwana, ki pula taŋ zlaɗ da mesene taŋhay, joˀ mesene taŋhay a guzuvuraka taŋ. A wudam ng'avu ka tuwa a muŋ ma ni. Ka, ki ra cino taŋ widi taŋ paɗ ti muŋ, ki laha taŋ, ki laha taŋ sar mbeˀ mbeˀe. Hana gar na, asi gi mezle ɗik mihaɗa na.

Ɗerewol JOP 22:23

Da ki ra mo ng'avu Misi Gidaŋ wãˀa, yo gwat mijeŋ ta gar, da ki ra kiraha kileŋ avu ka na, a sa ɗiyuw.

EZAYI 31:6

Israyeley, kum mimbiɗam diba wãˀ avu Bumbulvuŋ na, moko ng'ava so.

EZAYI 44:22

Kum mimbiɗam hirnga na, yi susuyumo ɓi nah le kaɓa gazlavay masusuyum, malambaˀ kumo, i susuyumo le kaɓa mulbuɗu. Moko ng'avi ya, asi yi mbuɗo hirnga kumo le.»

ZEREMI 12:15

Amma a dirba ya muɓula taŋ le vuna ma na, i sa pura taŋ ircece a muŋ, i sa mo ti mbur gar ng'ar li naŋ ng'ar li naŋ, nga ruwuy naŋ nga ruwuy naŋ.

ZEREMI 25:5

A ɓukum na: ‹Anja mbur gar a mbiɗa kpak naŋ malambaˀa, a pula gi gwat naŋ misi ti kwacay cuwo, ɓa ki ndiram asi ruwuy, Bumbulvuŋ muvulukum di, da kum ati da dideˀ kumoy, diga zlezle hã ngi set na.

ZEREMI 3:1

Bumbulvuŋ a ɓi: Da mbur a ɓula ngwas naŋ le, a pula hay naŋ le, a tiri ngwas ngi mbur mekelem le na, a mo di ɓa a tiri ngwas naŋ gu aruŋ makwa? Da a mo di le na, naɓa hirwuy a hiryi le wãˀ aseˀe takwa? Ani ka Israyele, ki gi sulome le ati mizli haɗi, amma kisa mo ng'avi ya a muŋ mbri mbrike? I ya Bumbulvuŋ maɓi.

ZEREMI 3:22

Kum ziri mupulaka sipi jiviɗi, moko! ɓa i vulukum slalak ngi sipi jiviɗe.» «Ndra ani! I ra mam ng'avi ka, haˀaw, Bumbulvuŋ Buymisemuŋ ndra, i ka!

ZEREMI 35:15

I slinukum gawla mijiviɗ ɗuwoyo, ko mbak le anta, a ɓukum: ‹Mbur gar na, anja a mbiɗa kpak ngi vu naŋ malambaˀ na, haˀaw, ɗiyaka hiri ngi gwat ngi gi kumoyo. Ki ram ti sipi kulihey ɓa ki huruk hurukam a mbuŋ taŋ ta, yo kum ndiram asi ruwuy ya muvulukum di da kum waɗ da dideˀ kumoy na!› Amma ko ki jikam slimiɗ asi mingiɓi ɗu ta, ko ki cinikiy di ta.

ZEREMI 4:1

«Israyel, da ki ra mawa na, sey ki mawa ng'avi ya. Gwat ngi gi malambaˀ ɗikey mukuyta wãˀ na, da ki pula taŋ le avra ti mbuŋ ɗu na, naɓa k'anta sa ru digi kiŋ kiŋ mata.

EZEKIYEL 18:19

Na ma na, dar ki ɓam na: ‹Mangal nah na, a jijira malambaˀ ngi cine na ta vur mike kini ma?› Amma mangala, a gi gwat mikaslsla ati gwat mijeŋŋe le, a ja ɓimujuwa ɗuwoyo le gar a hirnga, yo a ga gwataya le gar kaɓa ɓimujuwa mawuɗo. Naŋ kaslsla, a ndir ti siifa gisiŋ.

EZEKIYEL 18:31

Slikiɗa ɓi kum mihirasl hirasl ar kum na, hizigaka taŋ avra. Anja ki mbiɗaka mevele nawayaŋ ati wuluk nawayaŋ. Israyeley, ki wuɗam sey ɓa ki micam cummo vur mike?

EZEKIYEL 18:32

Muc ngi mburo, anta ciriy hiri ta. I ya Bumbulvuŋ, Buymisemuŋ maɓi. Moko so, ndiram ti siifa.»

EZEKIYEL 33:11

‹Slikiɗa ɓi ndra ati malambaˀ ndraˀahaya, t'ani hirisl hirisl ar ndra, ndra mamicam na vurˀe, ɓa i sa ndiram ti siifa zleˀe mbri mbrike?› Ɓa taŋ na: Kaɓa ya misi ti siifa gisiŋ na. I wuɗ ɓa mbur misi moˀore a muc ta, amma ɓa a mbiɗa gwat ngi gi naŋ, ɓa a ndir ti siifa jaka. Mbuɗoko hiri, pulaka gi gwat malambaˀ kumoyo. Kum Israyeley, ki wuɗam ɓa sey ki micam cummo na vur mike? I ya Bumbulvuŋ, Buymisemuŋ maɓi.

Ɗerewol OZE 14:1

Samariheye, sey a wurkaka slikiɗa ɓi taŋ avu Buymisemuŋ na. A sa kiɗaka taŋ vagay vagay ti maslalam, a sa kirpaka ziri gaza taŋhaya asi sar, yo a sa ngiraka kwacay ngi ngwas misi ti huroyo.

Ɗerewol OZE 14:4

Asiri anta a laha ndra gu ta, ndr'anta sa jiɗam ar pilise ta, yo da gwat ndra migaka taŋ le ti haŋ ndra na, ndr'anta sa ɓam: ‹i Buymisemuŋ ndra ta›, asi ka na, a puraka ircece da mutuhu tisi ka.»

Ɗerewol OZE 6:1

Dar kumo ki ɓam: «Soko, i mam ng'avu Bumbulvuŋ. Miga ndra waˀa i naŋ, yo masa mbulo ndra i naŋ vuna ma, a kiɗa ndra le, a sa mbuza ndra waˀahaya.

ZOWEL 2:12

Bumbulvuŋ a ɓi: «Moko ng'avi ya zle wurenna, ti mevel kum wãˀ, gam dalyam, tuwam, tuwam kaɗam kaɗam.

MALASI 3:7

Zle avu dideˀ kumoy na, kumo ki baˀam le avu ɓi ɗu, ya muɓukum di ɗaˀ le na, yo kum anta jaka a hirnga ta. Moko ng'avi ya, ɓa ya i sa mo ng'avu kum aya. I ya Bumbulvuŋ misi gidaŋ wãˀ maɓi. Na ki ɓam jak ma na: «I sa moko vuna mbri mbrike!» kini ma.