TUWUY 4:2 - Bible en langue guiziga

² Ziri mizile ngi Siyoŋhoy, mupuɗaw puɗaw, kaɓa cikili ngi ɓiri tapasl tapasl pal naŋ kine tuwa, wurenna a bam vu ati girgak ngi hohoyoy, misi mbur mindira taŋ ti ndir mbri mbri maka?

TUWUY 4:2 ပူးပေါင်းရင်းမြစ်များ

EZAYI 30:14

A wuh meɗ meɗ, ko a juɓoko gu mata, kaɗa kukulum muwuh le, ar memeɗe naŋhay na, ko gaˀay ngi zuɓa vu malla ngi nuwa yam ar zlazlar kwana a lumam ta.»

EZAYI 51:18

A wuzla ziri kum mizilehey, kum miyaka taŋ gar na, ko pal mukusukum nga muska vu anta. A wuzla ziri kum mizilehey, kum migilaka taŋ na, ko pal mujukum haŋ kaw anta.

ZEREMI 19:1

Bumbulvuŋ a ɓa Zeremi na: «A ra hiɗik kukulum, wini mizli micawwahay ndac a wuzla mizli waɗ a wuzla masayaya ma.

ZEREMI 19:11

Joˀ kisa ɓa taŋ: Bumbulvuŋ misi gidaŋ wãˀa, a ɓi na: I ngurufo mizli hanayna ati walahaya, kaɓa mangurufom gwat mindira le, misi a juɓ gu mata. A sa dikaka vagay ngi mizli mumucahaya a Tofet, asi li ngi dik taŋ anta.

ZEREMI 22:28

Mizli a cufuɗam vu: «Mbur mazilaka Koniya vuna, naŋ kaɓa kukulum muwaha le, mawuɗam mata, zlaɗ avra wãˀ kwa? Na a ɓulaka taŋ ati ziri naŋhaya, zlaɗ nga ruwuy taŋ misinaka ta na vur mike?

TUWUY 2:21

Ziri ziri aruŋ ati midigilahaya, a roko a jiviɗ saɓaɓa a ruwuy, ziri diili ati gawla ɗuwoyo, a roko siɗfil siɗfil a ruwuy, mikiɗa ti maslalam. Ki ngizla mizli le tapas ka miji mevele, ki slaˀay ngi mizli le manja ircece.

TUWUY 5:12

A luwaka mizli madiɗa ngi slra ndraˀahaya a muŋ, anta ɗuvaka hirnga neˀ le da micawwahaya mata.

Ɗerewol OZE 8:8

Israyel i muzuma le kap, n'ani a wuzla sukwi ngi mizli, kaɓa gwat mupuɗaw mata!

ZAKARI 9:13

Zuda, naŋ kaɓa lek ɗu, i ra ngirɗa cuwer naŋ, Efrayime i luvut ɗuwoy, i ra pi muwuŋ avu mi taŋ. Walahay Siyoŋ, i wuɗ i slina mizli ɗikeye, ɓa ara zlaka kiɗ kum, kum Grekeye, i sa tiri ti taŋ kaɓa maslalam a haŋ bugawla ngi vurum.

KORENTIHEY MUCUW NAŊ 4:7

Amma zlili muɗum nah vuna, ndra majijiraka angi mejejeŋ ngi hohoy na, ɓa mizli a puraka gidaŋ mihaɗa nah na, i ngi Buymisemuŋ, i ngi ndra ta.

TIMOTE MUCUW NAŊ 2:20

Misi angi hay madiɗa na, i tutuŋ ngi ɓiri tapasl tapasl ati ngi ɓiri bara tewle ta, amma tutuŋ ngi dumoy ati ngi hohoyoy ada ma. A paka mekelemeye sek ngi gi gwat mitaˀ ti ɗuf, yo numuŋhoyo, a gam taŋ gwat muho gar.