TUWUY 1:9 - Bible en langue guiziga

⁹ Dili a pur ndim ndim avu patari naŋ, gwat masa lumaŋ na, a wulka ɓaˀfar le ta. Naŋ mihĩhĩy na, kay a zumaŋ hirnga le, ko mbur ngi tikin naŋ ar li tuwuy anta. Dar a ɓi: «Aw Bumbulvuŋ ɗu, pura, a tikikiy ˀay le, mesene ɗu a lum bugawla le ar ya.»

TUWUY 1:9 ပူးပေါင်းရင်းမြစ်များ

SAMUYEL MUCUW NAŊ 16:12

Asinta Bumbulvuŋ a sa pura bonoy ɗu. Ar deɗe ngi nis, naŋ misi dana na, a sa ɗuwuliy mi kwani.»

BUYOY MUCUW NAŊ 14:26

Asi mike na, Buymisemuŋ a pura bonoy mutuwaˀ Israyel masa angi zumabuy naŋ na le. Ti di nah na, ko beke anta mata, diimu anta, mbur ɓa ma kilo widi ngi Israyel loŋ, anta mata si.

NEHEMI 9:32

Na wurenna so na, ka Buymisemuŋ ndra, Buymisemuŋ madiɗa, migidaŋ, magi zluwun da mburu, ma ngila jumoˀaya ta, yo ki Buymisemuŋ miteŋteŋ. Bonoy ndra mijam di hirnga ati buy madiɗa ndrahay, buy meciɗek ndrahay, masay ndrahay ati mijiviɗ ɗik ngi si ndrahay, dideˀ ndrahay ati mizli ɗikey gar na, ki slimiɗ anga takwa. I bonoy mindilo ndra zle ti hin ngi buy Asirihey, hã dana na.

DIMISEY 119:153

Pura bonoy ya masa na, lihiy ti raŋ, asi ɓimujuwa ɗike, i puyuk di hirnga ta.

DIMISEY 140:8

Bumbulvuŋ, Buymisemuŋ, ka ki gidaŋ malihiy, ki ra jiginiy hirnga ar vurumo.

DIMISEY 25:18

Pura bonoy ɗu ati gir ɗu, puya mungra ɗuwoyo cek avra!

DIMISEY 69:21

Zi a mbiy kwacay le, ara jiy vu, i ra kutuk ɓa mbur a mbiɗi neˀ angi ya, amma ndiɗaˀ wãˀ, i ra kutuk ɓa a tikinikiy ngi taˀa tuwuyo, amma ko i lum mbur loŋ ta.

BI NGI ISRAYELEY 3:17

Yo yi ɓi: I sa bi ti kum tir bonoy kum a Ezipte na nga hirwuy ngi Kanaˀanay, Hitihey, Amorihey, perizihey, Hivihey ati Zebusihey misi araŋ, nga hirwuy misi ɗuwa ati mam maɓulom araŋ.

BI NGI ISRAYELEY 3:7

Bumbulvuŋ a ɓi: «I pura bonoy ngi mizli ɗuwoy misi a Ezipte na le, yo i cine widi taŋ, asi buy ngi slrahay makiɗaka taŋ na le. Haˀaw i si na bonoy taŋ le.

BI NGI ISRAYELEY 4:31

Mizli a tiɓakaŋ, taŋ mislaka wala nah, Bumbulvuŋ a so le a jiniˀis tisi Israyeley, yo a pura bonoy taŋ le na, a hurkom a mbuŋ naŋ, a gakaŋ dudok.

TILA MI 4:1

Yo ma na, maguzuvuraka mizli ar duniya misenna, yi ra pura. Mizli muguzuvurahay mawudam na, cinaka widi taŋ ayɗi: mbur ngi tikin taŋ, ɓa a taˀaka tuwuy anta. Muguzuvur taŋhay a funaka taŋ le ti gidaŋ: mbur ngi tikin taŋ, ɓa a taˀaka tuwuy anta.

EZAYI 3:8

Zeruzalem a mbizli le, Zuda a diɗ le. A ra mbiɗam hirnga avu Bumbulvuŋ ti mingiɓi taŋ waɗ ti gwat ngi gi taŋ. Yo ara hirsaka dudok naŋ.

EZAYI 37:17

Bumbulvuŋ ɗu, jiko slimiɗ, cin. Bumbulvuŋ ɗu, wuna hiri ɓa ki pur. Cina mingiɓi ngi Senakerip mislino di nga zuw ka Buymisemuŋ misi ti siifa na.

EZAYI 37:23

Ka mizi na i waka? Ka miɓi ɓi malambaˀ na, ar waka? Ka mubuc na, i waka? Yo ka mupur hiris le na, i waka? I ya Bumbulvuŋ mipal kine ngi Israyel na takwa?

EZAYI 37:29

Asi ka mislikiɗ himaˀ fõh fõh ng'ar ya, yo ya micina huhumo vu ɗik na cin cin na, yi sa cuw ɓiri avu hutuŋ, waɗ lejeŋ kulaˀ a mi, joˀ yi sa mi ti ka ngi hay ɗike, tir jiviɗ ka muso zleˀe ti raˀa na a muŋ.

EZAYI 37:4

Soje micawwa ngi buy Asiri, buy naŋ vuna a slino di, ɓa a za Buymisemuŋ misi ti siifa. Asinta, Bumbulvuŋ, Buymisemuŋ ɗike, a cine mingiɓi naŋhay na le gar, yo a sa kutaŋ ti bonoy aseˀe kwani? Anja ka mijiviɗe, ki tumbulo Buymisemuŋ asi mizli mindiram ar siifa neˀ na so.»

EZAYI 40:2

Mizli Zeruzalemeye, ɓaka taŋ ɓi ngi si mevel taŋ, yo tilaka taŋ mi, ɓaka taŋ na: slra taŋ magaka mitakˀay le na, a kiɗ mi le, kuti taŋ ti bonoyo, anta mata, gwat malambaˀ taŋ miga taŋ na, Bumbulvuŋ a wurka taŋ di le makaw cuw.

EZAYI 47:7

Ki ɓi zleˀe na: «I sa ndir maˀãy maˀãy ndrehhe, hã ngi sete.» Gwat mucuhom tayna, ko ki ki slimiɗ ar taŋ ta, ki wuluk ar misi nga mbuŋ ta.

EZAYI 51:19

Bonoy zlaɓ zlaɓ cuw, a ndilukum le sar cuw, ani masa gukum kiita naŋ i waka? I moˀore ati hirya gwat, yo may ati vurum, na masa jukukum didak i waka?

EZAYI 54:11

Zeruzalem, kay, bonoy a lumuw le, burkataŋ a zlumburuw hirnga le, ko mbur maɓuw ɓi ngi tuso didak anta, ya na, i sa ga wuya da ɗugur ngi mohol ɗikeye, i sa ɗuva virzi ɗike ti ɗugur mupuɗaw ngil ngiley.

ZEREMI 13:27

Kay! Madamaka maga, may gwat ɗik, gi sulome ɗik mapi mesem na, i pura taŋ le. Kuli ɗik mukuy tahay misi a muwã waɗ a ɓuh na, i pura taŋ le kaɗaŋ kaɗaŋ. Aw Zeruzalem ɗu, ki ngum sipiy ɓa dili ɗik a zuɓ avra ta so! Na kisa zik kite wana aruŋ ka?

ZEREMI 16:7

Mizli ngir hay vagayaya, ko mbur ngi sa vula taŋ gwat ngi zum anta, ko ngi tikin taŋ ɓa a taˀaka tuwuyo tekeɗe ka. Mizli misi ar vagay ngi cine taŋ malla ngi mumuŋ taŋ kwana, ko mbur anta ngi sa vula taŋ gwat ngi si ɓa ngi tikin taŋ ta.

ZEREMI 2:34

Pumbus ngi misi murgahay ati ngi mizli migam gwat tahaya, a mul sesẽŋ avu mi ngi zana kumoy. Ko ki lumaka taŋ kasl ar li ngila miviŋ kumoyo ta ngbaŋ ni.

ZEREMI 48:26

Moˀap mawa vu naŋ fineˀ Bumbulvuŋ na, wakaŋ duwlak ti mbaazla. Puraka ara kiɗ vu ti vunuh naŋ na. A ndir ɓa mizli a singiram angi naŋ ya!

ZEREMI 5:31

Mijiviɗey a njikaka ɓi ngi gwat masa gi tumbuŋ jeŋŋe ta, gwat ngi lum gar na, masayay ara paka ng'ar jiiba taŋ, mizli ɗuwoyo kwana, ara puraka kuy. Na a dirba gwat tayna, kisa gam mike? kisa gam mike?

ZEREMI 50:29

Mizli misi haŋ taŋ a ngi a ruwuy ta gar, yo misina hila lekey le gar na, zilaka taŋ ɓa ara lumaka Babiloŋ. Pam walahay guɗukoy gun hirnga naŋ, anja ko mbur a lih pal ta! Makaŋ ti malambaˀ naŋ miga na ya, gakaŋ gwat ngi kwacay mombroŋ, kaɓa naŋ miga da mizli na ya. Asi a pura vu naŋ zleˀe kaɓa naŋ fineˀ Bumbulvuŋ, kaɓa naŋ fineˀ Buymisemuŋ mipal ngi Israyele.

TUWUY 1:17

Siyoŋ a tila haŋ a tila haŋ, ko mbur mitikin naŋ, ɓa a taˀa tuwuyo, anta. Zakopo, mizli mazliram ti naŋ tahaya, a roko gun hirnga naŋ. Bumbulvuŋ a ɓa taŋ ɗaˀ ɓa ara lumakaŋ. Zeruzalem misi a wuzla taŋ na, a tiri kitikil le.

TUWUY 1:21

Mizli ara cinam niˀic ɗu vuna ngbaŋ: amma ko mbur mitikin ɗu, ɓa i taˀa tuwuyo, anta, mesene ɗuwoy gar ara cinaka ɓi ngi bonoy ɗu na, ka miga ɓa i si bonoyo, ara mumulom di: hin ka muɗuva na, ki ga le ɓa a ndilawa. Anja taŋ kwana, a ndiram kaɓa ya vuna ya.

TUWUY 2:13

Aw Zeruzalem ɗu Mimezle, i gi sedewo wana ar ka aruŋ maka? I sa wa ɓi ɗik ati ɓi wana aruŋ maka? I sa ɓuw di i ɓi wana ngi tikin ɗike, ɓa ki taˀa tuwuyo ka? Siyoŋ walahay Mimezle. Kay, hiryi mulumuw na, naŋ haɗa kaɓa firndiw ngi mubuliy. Mambuluw gu i waka?

TUWUY 4:1

ˀEy ehe! Ɓiri bara anta wucuɗ mata, yo ɓiri tapasl tapasl pal naŋ kine a lus le! Ɗugur muvuku vu taŋ a zliɗam hirnga purla purla, ng'ar mazlaka jiviɗ madiɗahay gar na mbri mbri maka?

TUWUY 5:1

Aw Bumbulvuŋ ndra, ɓi mandilo avu ndra na, inga wulka keŋ takwa: ani, pura taŋ mazam ndra na ayɗi!

Ɗerewol OZE 2:14

Guva ngi gudubun ati ngi uruf naŋhay, naŋ maɓi: «Puraka migir ɗu, mangasl ɗuwoy mivilikiy di tuwa.» Na yi sa tiri di kalaf tikiɗif, joˀ gwat misãmi ngi ɓuhoy a sa tiram di gwat ngi zum taŋ.

SOFONI 2:10

Hana i gwat taŋ masa lumam vur huhumo vu taŋ na. Asi a zaka sukwi ngi Bumbulvuŋ misi gidaŋ wãˀa le, yo a sikaka hirwuy taŋ na, mbele mizli ɗuwoy.

Ɓimezle ngi Yesu Kristu ZAŊ mitil di mi 11:19

Yudehey haɗa a soko ng'avi ti Marta ati Mariya, ɓa a tikinaka taŋ ar li tuwuy sukum taŋ mumuc na.

Slu cuw 26:7

Dar ndr'i tilaka mi da Bumbulvuŋ, Buymisemuŋ ngi dideˀ ndraˀahaya, a cine widi ndra. A pura na, ara gam ndra bonoy, ara kiɗam ndra, ara guzuvuram ndra.

Slu cuw 32:27

Amma zluwun a giy le ti mesene taŋhay masa singiram ar ya, a sa waka kaɓa i taŋ, a sa ɓam: ‹Miga gwat hana i hirbazla ndra migidaŋ haɗa na, anta i Bumbulvuŋ ta.›

Slu cuw 32:29

Da sinmijileŋ ada zleˀe neˀ avu taŋ na, ɓi hana vuna ara kiɗ mi a maka na, anja a slaka wala nah gu zleˀe.

PIYER MUDUMBUŊ NAŊ 4:17

Asi mike na, i zli hin ngi gi kiita, ɓa Buymisemuŋ a zla gi naŋ tivu mizli naŋhay ɗagay. Ani, da a zla le avu ndra na, mizli mangumam tiɓa Ɓimezle ngi Buymisemuŋ ta na, kiita nga taŋ a sa kiɗ mi mbrike?

SAMUYEL MUDUMBUŊ NAŊ 1:11

A ɓa Buymisemuŋ ɗaˀ le: «Buymisemuŋ, misi gidaŋ wãˀ, ambuh, pura bonoy ngi beke ɗike, wuluk keŋ ar ya, puriy ircece, da ki vuliy mangal mizile le na, yi sa vuluw di, ɓa a gi gawla ɗik ar hin ngi siifa naŋ gar, yi sa vula ɓa a gi slra ɗiki, yo sliwiɗ himac anta ɗuv avu hirnga naŋ ta.»