TUWUY 1:3 - Bible en langue guiziga

³ A ra jaka sukwi ngi Zuda nga hirwuy mulak, a hin hirnga le, a tiri beke le. A cifi le a wuzla misi kulihey, amma naŋ anta lum li pi haya ta. Misipi naŋhay nder ndere, ara gidiɗakaŋ, a gucokoŋ mi le guc.

TUWUY 1:3 ပူးပေါင်းရင်းမြစ်များ

BUYOY MUCUW NAŊ 25:11

A dirba nah, mizli mindiram mineˀ ɗagay muroko ar walahaya, yo mizli mujumoko ng'avu buy madiɗa ngi Babiloŋ tuwa na, Nebuzaradaŋ, a ja taŋ nga Babiloŋ.

BUYOY MUCUW NAŊ 25:21

Akẽh na, buy madiɗa ngi Babiloŋ kwana, a ɓi ɓa a kiɗaka taŋ. Dar mizli a kiɗaka taŋ, hã a micam a Ribla a diga, ar hirwuy Hamat. Naŋ ka misenna mijaka Zudahay, miram ti taŋ kileŋ avu hirwuy taŋ na.

BUYOY MUCUW NAŊ 25:4

Hirak ti nah na, naɓa Babiloŋhoy a pulam mifiliw le avu mohol ngi walahaya zleˀe. Duvuɗ miji na, soje Zudahay a bam tir mizlingre maru ng'ar jarne ngi buyo a kilam. Naɓa soje Babiloŋhoyo a pam le gun hirnga ngi walahay vuna ngbaŋ. Mizli mikilamaya a zuɓam jiviɗ maru nga Araba.

BUYOY MUCUW NAŊ 25:5

Amma soje Babiloŋhoy a sipaka buyo ara jakaŋ is ar sozo a Zeriko. Akẽh na, soje naŋhay gar a zliɗam hirnga mber mber, a pulakaŋ ɗoɗok pal naŋ.

ZEREMI 13:19

Walahay misi tir vay ruwuyoyo, i migicahay le, ko mbur loŋ maso ngi wun taŋ naŋ anta mata wãˀ. A jaka Zudahaya le cek nga hirwuy mulak, a jaka mizli le gar.»

ZEREMI 16:16

I sa slin miji kilifey haɗi, ɓa a sa joko taŋ, i ya Bumbulvuŋ maɓi, yo i sa slin mizli a gam madala, ɓa ara supoko taŋ a muwãhay gar, ar li miɗingir ɗingirey gar, ko sesẽŋ ar butumoy.

ZEREMI 24:9

Naŋ kanah, i tiri ti taŋ gwat ngi muɗa didak haɗa wãˀ da zuma buyoy ngi ruwuy gar. Ar li ya mizliɗa hirnga taŋ nga diga nga diga gar na, mizli a sa kiɗam ti taŋ mambaˀ, a sa singiram ar taŋ, yo a sa njiɗaka taŋ dimis, a nisaka taŋ.

ZEREMI 39:9

Nebuzaradaŋ, buy ngi mijigina hayaya, a ja mizli misi zlilihey mindiram a Zeruzaleme ati mizli mizizam hirnga, mira lumakaŋ, na zle misi zlilihey mindiram na gar si.

ZEREMI 52:15

Mizli mizlew ngir walahaya, mbiɗeˀvra mizli mindiram zleˀe ar walahay aruŋ, mira lumaka buy madiɗa ngi Babiloŋ waɗ is ngi mizli misina gi gwatay, Nebuzaradaŋ madiɗa ngi mijigina buyoyo, a ja taŋ nga Babiloŋ ma.

ZEREMI 52:8

Amma soje Babiloŋhoy a gidiɗaka taŋ, ara jaka is da buy Sedekiyas ar li micay a Zeriko. Soje naŋhay a zliɗam hirnga mber mber, a pulakaŋ ɗoɗok.

TUWUY 2:9

Mizlingre ngi Siyoŋhoy a cam le nga ruwuy, a hirya waɗ a ngila magandaŋ naŋhaya. Buy naŋ ati yarma naŋhaya, taŋ asi haŋ ngi mizli misi i duniyahay. Ɓimujuwa anta mata. Ko mijiviɗ naŋhay kwana, anta puram gwat ngi Bumbulvuŋ ti kleŋ mata.

TUWUY 4:15

Da ara cohom na, mizli a wudam ar taŋ: «Kiraham! Dili!» «Kiraham! Kiraham! Ki jaka haŋ avu taŋ ta!» A kilam, a laˀam kiŋkiŋ lambaˀ, joˀ duniyahay a ɓam ar taŋ: «Kay, ndr'nta tiɓaka taŋ ngi masay ndraˀahaya gu mata.»

TUWUY 5:5

Mizli misipi ndrahay nder ndere, a pam ndra le sek a mbuŋ, gidaŋ ndra a tiki le, ko ndr'anta musukom vu ta.

EZEKIYEL 5:12

Ar walahay ɗike, mizli micah mudumbuŋhoyo, i sa ngizla taŋ ti jiji matiɓi vu malla ti may, mucuw naŋ, i sa kiɗa taŋ ti maslalam gun walahay ɗiki, yo mimakir taŋ, yi sa zliɗa hirnga taŋ lambaˀ da himiɗ, i sa muɗ maslalam kwak waɗ ya ɓaˀ asi taŋ.

Slu cuw 28:48

Ki sa tiram beke ngi mesene kumoy, Bumbulvuŋ masa slino taŋ ngi kiɗa vu ati kum na. May a sa jukum, yam a sa gukum, kisa ndiram gulndiŋ gulndiŋ kine, ko gwat kum neˀ anta. Bumbulvuŋ a sa kukum galalaŋ ngi ɓiri asi ˀay kumoyo, hã ki ngizlam pay wãˀ.