TIMOTE MUDUMBUŊ NAŊ 4:2 - Bible en langue guiziga

² Miɓi mi cuw cuwoy ati misi slirey a sa zizaka taŋ. Wuluk ngir mevel ngi mizli tayna, i muzluma le ti ɓiri munjulili.

TIMOTE MUDUMBUŊ NAŊ 4:2 ပူးပေါင်းရင်းမြစ်များ

EFESEY 4:19

Wuluk ngi mesem anta a mihiri taŋ ta wãˀ, a pulaka vu taŋ ngi gi sulome, a gam sukwi ngi gwat mizlir ngi gi ta manja makakway.

ROMAHAY 16:18

Asi mizli tayna anta gam di i gwat ngi Buy ndra Kristu ta, amma a gam asi kwacay taŋ si. A ra gaka gilaw da mizli misi mevel taŋ ka ngi ziri, ti ɗuva taŋ hunum taˀ taˀ ti mingiɓi mideɗeke.

SLRA 20:30

Mizli miɓi mi cuw cuwhoy, a sa boko tehhe ti wuzla kum vuna a muŋ, a sa ɗiɗaka mitiɓihey ng'asi taŋ.

ƁIMUNJUYO 16:14

Asi mike na, i ˀuf ngi Satanay, a gam cekenehey, ara lumaka buy madiɗa ngi duniyahaya cek gar, ɓa a kusoko taŋ ngi gi vurum ngi hin madiɗa ngi Buymisemuŋ, misi gidaŋ wãˀa.

TIMOTE MUCUW NAŊ 3:5

Deŋ taŋ na, i mizli misipi jiviɗ ngi Buymisemuŋhoy, amma a sa hizigaka gidaŋ ngi tiɓi avra. Mbiɗi duba avu mizli tayna ma.

ROMAHAY 1:28

Yo taŋ mungumam si na Buymisemuŋ ta na, Buymisemuŋ a pula taŋ mbak angi lesl taŋ manja sli wala na vurˀe, a gam gwat mizlir ngi gi zleˀe ta.

Matiye 24:24

Asi Kristu misi slirey ati mijiviɗ misi slirey a sa soko, a sa gam gwat mizli migam ɗaˀ tahay ati cekenehey haɗi, da a gi na, ɓa a zizaka mizli Buymisemuŋ muwuna taŋ na.

Matiye 7:15

«Wam vu avu mijiviɗ misi slireye. A soko avu kumo ka tumuŋhoy, amma hur kwacay taŋ i kiriɓuh miji vuhoy.

EFESEY 4:14

Kahana na, ndr'anta sa ndiram ziri ziri mata. Ɓa gwat gar mizli madubunaka da mizli ti wer ngi ga taŋ gilaw, yo ɓa a zluɓam ɓi na, aru ti ndra nos aka nos aka mata.

ZEREMI 23:32

I wuɗ i diɗ vu plak avu mijiviɗey mamusuwunam i musuwun mijeŋ ta na. I ya Bumbulvuŋ maɓi. A slufaka musuwun taŋhay mijeŋ jeŋ ta, yo mapulam gir ta tayna, a zizaka mizli ɗuwoyo. I ya mislina taŋ ta, yo i ya mupula taŋ jiviɗ naŋ ta ngbaŋ. Ko gwat taŋ magam ngi pula gir da mizli ɗuwoy tayna anta neˀ le ta I ya Bumbulvuŋ maɓi.

BUYOY MUDUMBUŊ NAŊ 22:22

A mbiɗaŋ di: ‹I bi, i ru, i ca wuluk ngi slir a balam mijiviɗ naŋhaya gar.› Bumbulvuŋ a mbiɗaŋ di: ‹Hana i jiviɗ mezle ngi tikin naŋ, ara ga kanah so.›

BUYOY MUDUMBUŊ NAŊ 13:18

Midigila mijiviɗe, a mbiɗaŋ di: «Ya, yi mijiviɗ kaɓa ka vuna ya, amma modro ngi Bumbulvuŋ, Buymisemuŋ a ɓiy le, a ɗuviy ɓi naŋ ani: ‹So di ngi hay ɗike, ɓa a zum ɗaf waɗ ɓa a si yam.›» Dambalaka na, a gaŋ i slir ti gi.

ZEREMI 23:14

Amma avu mijiviɗ Zeruzalemeye, i pur gwat le mukuyta muwãˀ naŋ ma: a vulaka vu taŋ da madama, yo a gam gwat mikaslsla ta. A jinam is ti gidaŋ asi migi malambaˀhaya: mbak ko mbur mapula gi moˀore anta. Avi ya na, taŋ gar a tiram le rak rak ati Sodomoy, mizli ngi raˀahaya, a bam vu ati mizli Gomoroy.

ZEREMI 5:21

Cinaka ɓi ani so, kum mizli gilaw, manja lesley, hiri ada ngbaŋ, amma kum anta puram ta, slimiɗ ada ngbaŋ, amma kum anta cinam ta.

EZAYI 9:15

Miki mbuŋ tayna, a zizaka mizli le, dar mizli maram asi taŋ, a zuɓam jiviɗ malambaˀ.

ZEREMI 23:26

Mijiviɗ tayna manjikam ɓi mijeŋ ta na, i mi a hirnga taŋ ka? Taŋ mijiviɗ miji ɓi ndaw ndaw ngi tikina mizli tewle tayna vuna, a sa kiɗaka mi nah ti vunaka?